مەبەستم بەراوردێکە  لە بارودۆخی ئێستا و دوێنێ ، تەنها دوونمونە ، 

لە ساڵەکانی حەفتاکاندا دوو کەسایەتی ناسراو و خۆشەویست هەبوون :

یەکەمیان لە هەولێر بەرێز (عەونی یوسف)هەتاوەکو بوو بە وەزیریش، کە پرسی بارودۆخیان لێدەپرسی کە چۆنە ؟ لەوەڵامدا دەیووت {مەقایس نەماوە جەناب}.

دووەمیان لە سلەیمانی بەرێز (رەئوف مەعروف } خاوەنی کتێبخانەی گەلاوێژ، ئەگەر دەربارەی بارودۆخ لێبپرسایە ، لەوەڵامدا دەیووت { فەوزایە}. 

پێم وایە ئەگەر ئەو دوو بەرێزانە ئێستاکە لە ژیاندا  بمانایە و هەمان پرسیارمان لێبکردنایەتەوە، ئایا بۆ وەلامەکەی چییان دەوت؟!

چییان دەوت بۆ ئەم هەموو ناتەواویی و کەموکوڕیانە، هەر لە قەیرانی دارایی، بێموچەیی، نەداریی، بێ سوتەمەنی نەوت، بەنزین غاز، ئاو، کارەبا و قەیرانەکانی تر.. یان گوێنەدان بە پێشێل کردنی ئەوەی  پێی دەووترێت (حصانەی پەرلەمانی) و نەچوونە ناو پایتەخت ولابردی وەزیرو  و........ 

ئایا ئەوانیش بە تەوسەوە دەیانووت:مەعاشەکەت  جووانە !؟