لەوانەیە ئەو پرسیارە لای زۆربەمان دروست بوبێت بۆچی متمانە لەنێوان حکومەت و میللەتدا نەماوە ،بە شێوەیەکى گشتى خەڵک کۆمەڵێ داواکارى هەیە لە دەسەڵات،  دەسەڵاتیش نەیتوانییوە ئەو داواکارییانە جێ بەجێ بکات، 

لەرووی سیاسیەوە:

ئەگەر لە ڕووى سیاسییەوە باس بکەیت کێشەى کورد لە هەرێمى کوردستانى عێراقدا کێشەى سنوورى هەرێمى کوردستان بووە، گەڕِانەوەى کەرکووک و ناوچە دابڕاوەکانى ترە، سەیر ئەکەى لەدواى ڕاپەڕینەوە هیچ شتێک نەکراوە، لەدواى ڕووخانى ڕژێمى سەدامیشەوە خەڵک بە تەما بوو گەلى کورد هەم مافەکانى خۆى دەستکەوێ، بەڵام سەیر ئەکەى ناوچە دابڕاوەکان نەگەڕاونەتەوە شوێنى خۆیان، بۆیە خەڵک لەو لایەنەوە زۆر بڕواى بەوە نییە کە حیزبە دەسەڵاتدارەکانی کوردستان بتوانن مافە نەتەوەییەکان، یان ئەندێشە نەتەوەییەکانى گەلى کورد جێ بەجێ بکەن، 

لەرووی دیموکراتیەتەوە:

مەسەلەى تر ئەوەیە دیموکراتییەت نییە لە هەرێمى کوردستاندا،  دیموکراتییەت کۆمەڵێک بنەماى هەیە یەکێک لەوانە دەستوورە، یانى لەم سەردەمەدا سەیر ئەکەى هیچ وڵاتێک نییە، هیچ هەرێمێکى فیدڕاڵ نییە، هیچ هەرێمێکى ئۆتۆنۆمیش نییە بەبێ دەستوور،  لەدواى ڕاپەڕێنەوە تا ئێستا ئێمە دەستوورمان نییە، ئیجتیهادو حەزو ئاواتى سەرکردەیەک ئەبێتە یاساو ئەبێتە بڕیارو جێ بەجێ ئەکرێ، بڕیارەکانیش کە جێ بەجێ ئەکرێن، لە قازانجى میللەتدا نییە، لە بەرژەوەندى گشتى دا نییە، پێگەکانى ترى دیموکراسییەت یاسایە، فرە حزبییە، سەیر ئەکەى لێرە زۆر زۆر لاوازە، 

لەرووی خزمەتگوزاریەوە:

خاڵێکى تر مەسەلەى خزمەتگوزارییە، مەسەلەى تەندرووستیە، ئاوە، کارەبایە، نرخى بازاڕە، سەیر ئەکەى ئەمانە هیچیان باش نین، پێشکەوتنێکى واى پێوە نابینرێت،

  لەرووی گەندەڵی ئابوری و ناشەفافیەوە:

 ئەو گەندەڵییەیە کە هەیە،  بەردەوام تا ئێستاش ئەو خەڵکەى کە سەر بە حیزبى دەسەڵاتدار نەبێت، مافى نییە لە دام و دەزگاکانى حوکمەتدا دابمەزرێ، تا ئێستەش نەک تەنها خەڵک بەڵکو ئەندام پەرلەمان و وەزیرەکانیش و هەندێ لە حزبەکانیش نازانن داهاتی نەوت چی لێ ئەکرێت و چی لێ دێت و چۆن سەرف ئەکرێت وخۆیانیان لێ بێ دەنگ کردووە، چونکە لە وڵاتى ئێمەدا ئابوورى لەم وڵاتەى ئێمەدا ڕۆژ بەڕۆژ بەرەو خراپى ئەچێت،  گوندەکانى ئێمە چۆڵن، گەلى کورد خاوەنى سامانێکى ژێر زەمینیە، ئەو سامانە ژێر زەمینیە پێویست ناکات بەو شێوەیە هەڵسوکەوتى لەگەڵ بکرێت ئێمە میزانییەى خۆمان، مووچەى خۆمان لە بەغداوە وەرئەگرت دواتر ئەو پەیوەندیانەمان پچراند و سەربەخۆ نەوتمان هەناردەکردووە، هەروەها وە ناعەدالەتییەک کە لە هەموو  مەجالەکاندا هەیە، لە بوارى ئابووریدا، لە بووارى دەسەڵاتدا هەروەها ل، لە مەجالى سیاسیدا، لە مەجالى ئابووریدا، لە مەجالى بەڕێوەبردندا ناعەدالەتى هەیە، ئەوەش هۆکارێکى ترە کە ئەو پەیوەندییەى نێوان خەڵک و دەسەڵات بەو شێوەیە هەر خراپە، وە مەفهوومى حیزبە دەسەڵاتدارەکانى ئەمڕۆ ئەوەیە کە میللەتى خۆیان خۆش ناوێت، وە بۆ بەرژەوەندى گشتى ئیش ناکەن، کە هەر هێزێکى دەسەڵاتداریش هێزى خۆى خۆش نەوێت، وە سۆزو عەتفى نەبوو بەرامبەر بە میللەتەکەى،  ئەوکاتە ڕۆژ بە ڕۆژ ئەو میللەتە بە پێکهاتەیەکى نوقسانى ئەزانێ، لەبەر ئەوە مافى نادرێتێ، کە میللەتیش مافى نەدرایە، تەنها هەر داواى ئەرکى لێ کرا، ئەو کاتە هەست بەوە ئەکات کە دەسەڵات مافى ناداتێ، ئەو کاتە تووشى بەرەنگاربوونەوەو سارد بوونەوەو تێکچوونى پەیوەندى نێوان خەڵک و دەسەڵات پەیدا ئەبێت. بەکورتی ، ئەمانە  کۆمەڵێک هۆکارن کە خەڵکى وا لێ کردووە متمانەى بە دەسەڵات نەبێ،