--------------------

با سەرەتا بزانین کێ نووسه‌ری هۆنراوه‌ی (زێڕه‌ سه‌رۆکمان زێڕه‌ ... سه‌دام زێڕه‌)  کێیە؟

(خالید خۆشناو):

سه‌ر به‌‌ ڕێکخراوی هه‌واڵگری ناوچه‌ی باکوور بووه. ‌ عه‌مید خالید حه‌سه‌ن ته‌ها خۆشناو، که‌ نووسه‌ری هۆنراوه‌ی (زێڕه‌ سه‌رۆکمان زێڕه‌ ... سه‌دام زێڕه‌)یه‌، له‌ ساڵی (1981)ه‌وه‌ تا ڕوخانی سه‌دام له‌ ڕێکه‌وتی (4.9.2003)دا له‌و ده‌زگایه‌ بووه‌ و دوا پله‌ی عه‌میدی ئیستخبارات بووه‌، یه‌کێک بووه‌ له‌ براده‌رانی سه‌دام حوسێن (من أصدقاء صدام حسین). عه‌مید خالید خۆشناو، له‌ ڕیزه‌کانی حزبی به‌عس (عضو - عامل) بووه‌ و به‌ر له‌ ڕوخانی ڕژێمی سه‌دامی فاشی و ڕه‌گه‌زپه‌رست خاوه‌نی بیرۆکه‌ی نووسینی په‌رتووکێک بووه‌ به‌ناوی (تۆمارنامه‌ی ڕه‌ش – السجل الأسود)، ناوبراو ئه‌و په‌رتووکه‌ی به‌زمانی کوردی و عاره‌بی نووسیوه‌ و وه‌رگێڕدراوه‌ته‌ سه‌ر زمانی ئینگلیزیش و ئاماده‌ کرابوون بۆ له‌چاپ دان، به‌ڵام ڕوخانی ڕژێم ئه‌و پڕۆژه‌یه‌ی خالید خۆشناوی له‌کارخست ئه‌گینا ده‌مێک بوو بڵاوکرابووه‌وه؛ سه‌رچاوه‌: (2-243، ڕۆژنامه‌ی میدیا، ژماره‌ (146)، ڕۆژی شه‌ممه‌، ڕێکه‌وتی (16.8.2003)، ل3)‌. ناوه‌ڕۆکی ئه‌م په‌رتووکه‌ (تۆمارنامه‌ی ڕه‌ش)، به‌کورتیه‌که‌ی ئابڕوو بردنی یه‌که‌ به‌ یه‌که‌ی سه‌رکرده‌، سکرتێری پارته‌ کوردی و کوردستانییه‌کان بوو، هه‌رچی تۆمه‌ت و تاوان و بوختانی ناڕه‌وا هه‌یه‌ له‌ دووتوێی ئه‌م په‌رتووکه‌دا به‌دی ده‌کرێن. جگه‌ له‌مه‌ش خالید خۆشناو، به‌ر له‌ ڕوخانی ڕژێمی سه‌دام، هه‌واڵنامه‌یه‌کی تایبه‌ت به‌ هه‌واڵه‌کانی کوردستانی به‌ناوی (رسالة الحقیقة – په‌یامی ڕاستی) له‌ به‌غدا له‌دژی کورد ده‌رده‌کرد. خالید خۆشناو، ئێستاکه‌ له‌ په‌یمانگای کادیرانی پارتی دیموکراتی کوردستان له‌ مه‌سیف پیرمام (سه‌ڵاحه‌دین) مامۆستایه‌ و وانه‌ی ئاسایشی نه‌ته‌وه‌یی (ألأمن القومي) ده‌ڵێته‌وه‌.

خالید خۆشناو، کەم زیندانی سیاسی هەشتاکان هەیە شەقی ئەم بەعسیە خوێرییە نەخواردبێت ،بەداخەوە ئێستا لەلایەن پارتیەوە دالدەدراوە.

سەرچاوە:

بڕوانە کتێبی: دەرسیم دیبەگەیی (ئازارە شاردراوەکان یاداشتی زیندان)