دوێنێ و ئیمڕۆ
Tuesday, 25/08/2015, 20:11
هه‌ردوێنێ بوو
له شاخه‌کان له هه‌نده‌ران
له سووچه تاریکه‌کانی زیندان...
شۆڕش ده‌کرا
خوێن ده‌ڕێژرا
هه‌ردوێنێ بوو
هیوایه‌کان بۆ ئیمڕۆکه
بۆ ژیانێکی ئازادانه
بۆ وولاتێکی سه‌ربه‌خۆ
داده‌ڕێژرا
هه‌ردوێنێ بوو
جه‌لاده‌کانی به‌غدا و تاران و ئه‌نکه‌را
ئه‌وه‌ی ویستیان پێیان کردین پێمان کرا
هه‌ر دوێنێ بوو
له باشوورا میلله‌ت ڕابوو
خاک و خۆلی دوژمن
له توره‌گه‌ی زبلدانی مێژوو کرا
بۆ هه‌تا هه‌تا له گۆر نرا
که‌چی ئیمڕۆ
شۆڕشگێڕانی شاخ
گه‌ڕاوه‌کانی هه‌نده‌رانی
پشت مێز و به‌رداخ
بوون به میراتگری دوژمن
هه‌مان ڕۆلی وان دله‌یزن
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
