40 ساڵ لەمەوبەر کۆمەڵە بووم .گەنجێکی بێ ئەزمونی سیاسی . هەرزە هزر نەبووم  ئیوارەیەک وەک ئێوارەکانی تری کۆبوونەوە. من و هاورێکانم یەک لەدوای یەک. بەتەنیا و بەخشپەی . بێ چرپە بە ئەسپای . خۆمان کرد بەماڵێکی قوڕجەستەیی . لەگەرەکی مەڵکەندی.

 لە ژووریکی کپ . دوور لە گۆێی کۆڵان و چاوی گڵۆپ . لە ماڵە هەژارەکەی(علی مراد) دا. کۆبووینەوە . پرسیاری گەرمی دانیشتەکەمان. ئەمە بوو.

جەلال دوای چەند ساڵ جاشایەتی. دەکری هاوبەشی شورشی نۆی بکات؟ وەڵام هاتە سەر من.                                         

 ووتم : کۆمەڵە بۆیە دروست بووە. بۆ ئەوەی شۆرشی نۆی . سەرکردەی نۆی . ئیستراتیجی نۆی دروستبکات.

 مرۆڤێک تاقە رۆژی جاش بووبێ . نابێ ڕێگە بدرێ. 

تاقە رۆژێ هەوای کوردستان هەڵمژێ.

ئەی ئەوەتان لەیاد چووە؟ چوار ساڵ چەند کوردی لە جەلالی ومەلای دابەکوشت؟ هاورێکانم پێکەنین.

منیش لەدوای ئەو پێکەنینەوە . نەچومەوە بۆ خانوە قوڕەکەی بەریز (علی مراد).

شک لە مرۆڤبوونی ئەو کەسە دەکەم . جەلالی بێ. مرۆڤێک هەست بەگەرما . سەرما . برسێتی و تیویتی بکات و دوای54 ساڵ خۆین ڕشتن سوپایە هەتیوو ، بیێوەژن. دایک وباوک جەرگ سوتا.

24 ساڵ دەسەڵاتی کوردی. دایکی شەهید برسی. کچ و خوشک و ژنی شەهید ئەتکراوە. شار پرە لە مافیا. بێ موچەی . نەبوونی ئازادی. ئەوەی ئەمانە نەبینێ  مرۆڤ نیە؟ دەعبایەکە.

40   ساڵ  لەمەوبەری ڕەشەبایەک سلیمانی بی حورمەتکرد (بەها).

حورمەتی نیشتمان . لەپاراستنی حورمەتی سامانی سروشتی و حورمەتی ئازادی مرۆی ناو سنوری نیشتمانەدایە . ئیستا لەمەملەکەتە بێ حورمەتەکەی سلێمانیدا. نەسامانی سروشتی نیشتمانی نە مرۆڤەکان حورمەتیان نیە. رۆژانە 1000تەنکەر( پیترۆڵ )لەسامانی سروشتی نیشتمان . دەدەری بە ئیران بۆ ئەوەی دەسەڵاتی مافیا بپاریزێ . کوشتنی کاوە گەرمیانی . قائیمقامی سلیمانی . علی بۆسکانی. ئەمانە بەسن بۆ بەڵگەی نەبوونی بەهای نیشتمانی و مرۆی لە سلیمانی.

دایکی هوشیارو دایکی  قوباد:  

                           

دایکی هوشیار . دادە حەپسەی منە. خوشکە شیرینەکەی منە . دوو کوڕی هەبوو . کامەران بەریکەوت کوژرا. هوشیاری لەتەک 10 گەنجی داماوی تردا(وێنەکە) بە زیندووی زیندە بەچاڵکرا. دادە حەپسەم واچەند ساڵە فرمێسکی تەنیاییی دەریژێ . کەسێک دڵۆپی فرمێسکەکانی ناژمێرێ. هێندە تەنیایە. تەنیا گۆی لەدەنگی هەناسەی خۆیەتی. هەموو بەیانیەک لەتەک چاخواردندا . لەبەر خۆیەوە چەند رستەیەک دەدرکێنێ . تەنیا دادە حەپسەم و رۆحی وێنەی هەردوو کوڕە کۆژراوەکەی نەبێ خواش لەو رستانە ناگات. چونکە خوا وەک دایکانی کورد جەرگی نەسووتاوە.. وا چەند مانگە(پارتی سوسیال سەرسەرێکانی کوردستان) پارەیان نییە وموچەی شەهیدان ودادەمیان بڕیووە.

دایکی قوباد : خاوەنی 8ملیارد و باوکی قوباد خاوەنی16 ملیارد دۆلارن . پرسیاریکی گەلێ سادە؟

هوشیاری خوشکەزام لەپێناوی ئازادی کوردستاندا شەهید بووە؟

یان لەپێناوی ملیاردەرە مافیاکان کوژرا؟

گەر رۆحیانەتی پاکی ئەو گەنجانە بە ژیانی کولەمەرگی ئیستای دایکیان بزانن و بێنە زمان.

 شەرمەزارن . یان پەشیمان؟

من دەڵێم هەرووکیان.

پیاوە لایلۆنیەکەی سیلمانی  بەرهەم سالح چی دەڵێ:

 مامی گەورەو رابەرو تاجی سەرمان ، نوری چاومان مام جەلال

برای گەورەمان كاك كۆسرەت

هەڤاڵانی مەكتەبی سیاسی و ئەنجومەنی سەركردایەتی و ئەنجومەنی ناوەند

وەزیرو پەرلەمانتارو كادیرانی یەكێتی. لێرە كۆبوینەتەوە بۆ رێزلێنان لەپێشمەرگە ،

بە خوێندنەوەی ئەو رستانە شەرمەزاربووم . ئەم کۆیلایەتیە لە کولتوری بەعس وەرگیرا وە .

رۆژێک پێشمەرگایەتی نەکردوە بۆ پێشمەرگە دەکروزێتەوە. 

پێشمەرگە لە شار سواڵکەر و لە شاخ کۆیلە.

مانگی ئۆکتۆبەری1981شۆێن دێی خەمزە.

تاوان خۆشەویستی . سزا کوشتنی پێشمەرگەیەک .

پیشمەرگە مرۆڤە وەک هەموومرڤێکی تری ئەم دونیایە . حەز و ویستە رۆحی پیویستە بایلۆژیەکەی مرۆڤی هەیە. پێشمەرگە چەند پلەیەک لەمرۆڤی ئاسای بەرزترە . چونکە ئامادەیە لەپیناوی ماڤی مرۆڤدا خۆی بەختبکات.لەیاسای ووڵاتانی پێشکەوتوو وایە.ئەگەر کەسیک تاوانیکرد  پێشئەوەی سەیری تاوانەکەی بکەن. سەیری دۆسێکەی دەکەن واتە ڕابوردووی. گەر ڕابوردووی پاک بوو ، بەچاوێکی تر لەتاوانەکەی دەڕوانن وسزای دەدەن. ئەو پێشمەرگەیی پێشەوە. لەسەرەتای شورشەوە لە کارەساتی هاکاریدا جەربەزە وئازا بریندار بوو . وەک مرۆڤ حەزی لەماچێک بوو.ئەمە لە کۆمەڵگا گەمژەکانەدا لەتاوانی مرۆڤ کوشتن تاوانترە. سەرکردایەتی ئەو ساتە زوربەیان ئەندامانی کۆمەڵە بوون(کۆمەڵەی مارکسی ولینینی)یانی کەسانی ڕۆشنبیر ومۆدیرن و هوشیار. بریاریان دا ئەو پێشمەرگە گولەباران بکرێ. کرا . ئافرەتەکەشیان دایە دەست کەس وکاری.ئەوانیش هەڵیانواسی . یەکیک لەوانەی واژووی لەسەر کوشتنی ئەم لاوەکرد . نووسەر و رۆژنامەنووس و سیاسی .رەخنەگر . جاران مارکسی وئیستا ئیسلامیە.ناوی مامۆستا جعفر یان فازیلە. لەسەر پارە لەسەرکردایەتی تۆرا و هات بۆ ئەڵمانیا . لەسەر ئەو ڕووداوە رۆمانیکی نووسی. لەهەمان ساتدا پێشمەرگەیەکی تر بەناوی( خ )هەمان تاون . ماچێکی کرد . لێ چونکە خزمی کەسێکی سەرکردایەتی بوو . لەجیاتی سزا شۆێنەکەیان گویزایەوە بۆ ناوچەیەکی ئارام و فینک.ئەندامی ئەوساو و ئیستای سەرکردایەتی هەبووە. لەدێهاتەکاندا ئافرەتی خویان هەبووە. ئیرە شوێنی ناوهێنانی نیە، لەشتە سەیرەکانی سیاسەتی کوردی.ئەوانەی بڕیاری کوشتنی پێشمەرگەیەکیان لەسەر ماچێکدا . ئیستا باسی دیموکراتی دەکەن. بۆ ئەندامانی سەرکردایەتی هەموو شتێ ڕەوا بوو . بۆ خوار خۆیان نان خواردنیشیان سنوور داربوو. 

لەساڵی1981سەرکردایەتی لەسەر قەلخواردن لێپرسێنەوەیان لەمستەفا چاوڕەش و جمالی علی باپیرکرد. لەهەمان ساتدا . جەلال ئەگەر قەل و وویسکی لێببڕایە. بەناوی پیویستی شۆرش بۆ پارە چەند گەنجێکی داماویان دەناردە شار. بکوژرایە شەهیدە. نەکوژرایە پارەیە . مامیشیان بەو پارەیە بەناوی کۆبۆنەوە دەچوو بۆئەوروپا.

(هیچ کاتیک مام جەلال لەکاتی کارەسات وقەیراندا لە کوردستان نەبووە . نەوشیروان مستەفا ).

لەکاتی نووسینی ئەم ووتارەدا . هاوڕییەکم . تەلەفوونی بۆ کردم.

 ووتی  : چی دەکەیت؟

ووتـم :  ووتاریك لەسەر کارەساتی شۆرشی نۆی دەنووسم .

ووتی : کاک جەزا دەزانم زۆرت پێیە . تکایە با ووتارەکەت کورت بێ.

منیش لەسەر داخوازی ئەو هاوڕییە . کۆتایم بەم ووتارە هانی.