تیرۆرکردنی سهردهشت پێناسه‌ی کتومتی بنه‌ماڵه‌ی مه‌سعودی تیرۆریسته..
Monday, 17/05/2010, 12:00
تێبینی: ئه‌م وتاره پارساڵ له دوای شه‌هیدبوونی سهردهشت عوسمان بڵاوبۆوه ، پێمانباش بوو جارێکی دیکه بڵاوی بکه‌ینه‌وه..ئێمه‌ش وه‌ک زۆرانێک له رۆشه‌نفکرانی کوردستان نه‌مانتوانی ناونیشانێکی پڕ به پێستی ئه‌و کاره‌ساته‌جه‌رگبڕه‌ی تیرۆرکردنی سهردهشت ،بۆ ئه‌و وتاره‌م دابنێم ،چونکه کاره‌ساتێکه به‌قه‌د گه‌وره‌یی خۆی مانای گه‌وره ، لێکدانه‌وه‌ی گه‌وره له هه‌مووشی گه‌وره‌تر دیاره پێناسه‌ی قۆناخێکی گرنگی مێژووی نه‌ته‌وه‌یه‌ک له‌خۆوه‌ده‌گرێت.
له ده‌یه‌ها نووسین و ریپۆرتاژ و هه‌واڵ ، پێش رووداوه‌کان ده‌که‌وتینو ده‌مانووت: ده‌سه‌ڵات ، ده‌سه‌ڵاتی ئه‌و دوو بنه‌ماڵه‌یه ، به تایبه‌تی ده‌سه‌ڵاتی بنه‌ماڵه‌ی مه‌سعود بۆ پاراستنی خۆیان له دوایین مه‌نزڵگای سه‌رشۆرییان ده‌ستناپارێزن. ئه‌مه ئیبداعێک نه‌بوو که ئێمه ئه‌فراندبومان ، به‌ڵکو خوێندنه‌وه‌یه‌کی واقیعبینانه‌ی هه‌موو ده‌سه‌ڵاتێکه که ناتوانێ هی دیکه قه‌بوڵ بکات ، که‌س ناناسێ وه‌ک دڕنده و هۆڤی لێدێت. خۆ سه‌ددام ئه‌ویش له خیتابی نه‌ته‌وه‌یی و جارجاره مرۆییش هیچ قسوری نه‌بوو ، به‌ڵام که ده‌هاته سه‌ر تخوب به‌زاندنی ده‌سه‌ڵاتی ، نه نه‌ته‌وه و نه مرۆڤیش لای ئه‌و به‌های نه‌بوو . سه‌ددام به‌لایه‌وه گرنگ نه‌بوو ئه‌وه کێیه ئه‌و تخوبه ده‌به‌زێنێ، تاروماری ده‌کرد ،زاوای بوایه ، کوڕی بوایه و یا ته‌نانه‌ت براکانیش بوانه ، ئه‌و ده‌ستی نه‌ده‌پاراست.
ئیمڕۆ له شه‌هیدکرنی سهردهشت و پێشتریش سۆران ، ئه‌و پێناسه بۆ بنه‌ماڵه‌یه‌ک و له زه‌مه‌نێکی دیاریکراو ده‌خوڵقێنێ.
تیرۆرکردنی ویژدان و که‌رامه‌تی مرۆڤ ، ماهیه‌تی بکه‌رانی ده‌رده‌خا. بنه‌ماڵه‌ی مه‌سعود ئه‌گه‌ر یه‌ک ملیۆنجار باس له کوردبوون ومرۆڤبوونی خۆیان بکه‌ن ، دڵۆپی خوێنی سۆران و سهردهشت هه‌مووی ده‌شواته‌وه و بێ نرخی ده‌کات.
مه‌سعود ئه‌گه‌ر ده‌یان جل کوردی و جامانه‌ی سوور وسه‌وز له‌سه‌ر بنێ و بیه‌وێ پێمان بڵی : من کوردم و بۆ کوردایه‌تی شه‌وده‌خه‌مه سه‌ر رۆژ ، دوایین فووی هه‌ناسه‌ی سۆران و سهردهشت هه‌مووی تارومار ده‌کا و، هیچ به‌هایه‌کی ناهێڵێت و ده‌بێته ناونیشانی قیزه‌وه‌نی ئه‌و ده‌سه‌ڵاته ، ئه‌و بنه‌ماڵه‌یه که جگه له ئیلغاکردنه‌وه‌ی ئه‌وانه‌ی وه‌ک ئه‌وان بیر ناکه‌نه‌وه هیچی دیکه نابن.
تاڵانکردن ، خیانه‌تکردن ، ته‌زویرکردن هیچیان به‌قه‌د تیرۆری ووشه نابنه پێناسه‌ی ده‌سه‌ڵاتیک. جارێک تاڵانده‌کات ، دواتر به‌خۆ دێته‌وه دووباره‌ی ناکاته‌وه ،خیانه‌ت ده‌کات لێبوردنێکی جددی خه‌ڵکی لێیخۆشده‌بن یا به‌لایه‌نی که‌مه‌وه لێخۆشبوونه‌که‌ی دواده‌خه‌ن تا به پراکتیک ده‌یسه‌لمێنی که خیانه‌تکردنی له فه‌رهه‌نگی سیاسی خۆیدا توردواوه ، ته‌زویر ده‌کات له خولێکی هه‌ڵبژاردن بۆ خولی دادێ نایکاته‌وه ، به‌ڵام کاتێک دێته‌سه‌ر تیرۆرکردنی که‌رامه‌ت و ویژدانی مرۆڤ ئه‌وه ده‌بێته پێناسه‌ی پێوه‌لکاوی هه‌تاهه‌تایه‌ی ده‌سه‌ڵاته‌که‌ی ، به هیچ شێوه‌یه‌ک گه‌ره‌نتی په‌شێمانبوونه‌وه‌ی نابێت.. چونکه له‌ته‌ک تیرۆرکردنی فیزیکی خاوه‌ن ووشه‌کان ، تیرۆرکردنی ئازادیی هه‌یه ، ئه‌و ئازادییه که بێبوونی مرۆڤ ده‌بێته ئاژه‌ل و هه‌ر له‌وێشدا وه‌ک مه‌ڕ سه‌رده‌بڕدرێ .
سهردهشت و سۆران هه‌وڵی ئازادبوونی کۆیله‌کانی بنه‌ماڵه‌یان ده‌دا ،ده‌یانه‌ویست له رێگای نووسینه‌کانیاندا به هه‌مووان بلێن: ئه‌و ناعه‌داله‌تییه کۆمه‌ڵایه‌تییه‌ی که له کوردستان به‌رقه‌راره ، خۆڕسک نییه تا شوکربین ، به‌ڵکو ده‌ستکردی هه‌ردوو بنه‌ماڵه‌یه ، ده‌یانویست خه‌ڵکی له مه‌ترسییه‌کانی نه‌بوونی ئازادیی و که‌رامه‌تی مرۆڤی کورد ئاگادار بکه‌نه‌وه و به‌خه‌ڵکی بڵێن: ئێوه ئه‌گه‌ر هه‌ر به ئێمه بڕوا ناکه‌ن ، ئه‌وه‌تا ئێمه خۆمان ده‌که‌ینه قوربانی ئه‌و راستییانه ، ده‌تخوا پاش نه‌مانی ئێمه باوه‌ڕ بکه‌ن که ئه‌و ده‌سه‌لاته چ ده‌سه‌ڵاتێکی تیرۆریست و دژه‌مرۆیی و بێ که‌ڕامه‌ته؟.
بنه‌ماڵه‌ی مه‌سعود بۆ هه‌موو لایه‌ک به ئاشکرا و بێ شه‌رمکردن ، پێناسه‌ی 50 ساڵی خودی بنه‌ماڵه‌که‌ی جاڕدا.
ئیدی به‌ناونووسه‌ران و کۆیله‌کانی ده‌سه‌ڵات ،له لاوازترین پێگه‌دان ، چونکه ناتوانن هه‌رگیز ئه‌و پێناسه‌ی که به‌سه‌ر ئه‌و بنه‌ماڵه تیرۆریسته‌دا بڕاوه‌ته‌‌وه ، لای بده‌ن و به‌رگی ئاڵوواڵی دیموکراسی فشه بکه‌ن به‌به‌ریدا ، ئه‌گه‌ر بنه‌ماڵه له پێگه‌یه‌کدان که دوژمن به حاڵیان نه‌بێت ، بۆ کۆیله‌کانیان زۆر زیاتر.
سهردهشت و سۆران و هه‌روه‌ها پیره‌قه‌ڵه‌می شه‌هید دکتۆر شه‌ریف ، هه‌موویان ده‌ربڕی پێناسه‌ی راسته‌قینه‌ی ئه‌و ده‌سه‌ڵاته‌ن ،ئه‌مه‌ش نه‌ک هه‌ر ته‌نها ئه‌و پێناسه‌یان سه‌پاند به‌سه‌ر ئه‌و ده‌سه‌ڵاته به‌لکو پاش تیرۆرکردنیان سه‌لماندیان که ئه‌و ده‌سه‌ڵاته ، سه‌رباری ئه‌وه‌ی دزه ، تاڵانجییه ، به‌کرێگیراوه ، خیانه‌تکاره، ته‌زویرچییه ،عیزرائیلی وشه و ئازادی و که‌رامه‌تی مرۆڤیشه.
هیچ دادگایه‌کی عادیلانه و بێ لایه‌نانه‌ی دنیاێی ناتوانێ ئه‌و تاوانانه له‌سه‌ر هه‌ردوو بنه‌ماڵه به‌تایبه‌تی بنه‌ماڵه‌ی مه‌سعودی تیرۆریست بسه‌پێنێ و پێناسه‌ی راستوڕه‌وانیان بۆ بکات ، جگه له‌و قه‌ڵه‌مانه که خۆیان کرده قوربانی بۆ سه‌لماندنی راستییه‌کان و پێشکه‌شکردنی به‌ڵگه‌کانی تۆمه‌تبارکردنیان.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
