گوڵتان گوڵی ئازادی گەل

Monday, 17/09/2012, 12:00

پیاوانی دەسەڵاتدار و
مەزنی ناو كۆشكوتەلار
خاوەن سوپای پاسەوان و
سەدان بانكی پڕ لەدۆلار !!
كە لە هەمبەر دوژمنەكەی
بێ هەڵوێست بوو
هەرچی هەبێت بێبەهایە ؟
ئەگەر لەهەمو جیهاندا
وەك پاشا پێناسەبكرێ !
ئەگە رووی لە هەرشوێنێكرد
فەرشی سوری بۆ ڕابخرێ !
كە لە دڵی گەلدا نەبوو
بۆنەتەوەو نیشتمانی
هەرگیزنابێت بەسەرمایە؟!!
ئەی ژنە چاونەترسەكە
ئێمە هەمومان دەزانین
خەباتكاری كوردستانی،
دوژمنەكانیش دەزانن
نەخاوەن كۆشكوتەلارو
نەخاوەن بانكی دۆلارو
نەخاوەنی پاسەوانی!!
ئەوكاتەی تۆ
نەفرەت ئەكەی لە دوژمن و
شۆڕشگێڕ ئەگریتە ئامێز ؟!
ئەوكاتەی بەدوژمن ئەڵێی
پێڵاوەكەم لە هەموتان
زیاتر هەیەتی بەهاوڕێز؟!
هەرئەوكاتە ناخی دڵی نەتەوەكەت
لەڕۆژهەڵات تا ڕۆژئاوا
لە باكورەوە تاباشور
هەموو تێكڕا
بۆتۆ ئەبێت بەفەرشی سور!!!!