من ئەنفالم پیرم مناڵم
من ئەنفالم
پیرم مناڵم
كەنەفتم گەنجم
هەرزەكاڵم
بێوەژنم
پیرێژنم
من ئەنفالم
لورەم لورەى هاوار بوو
خواش گوێى كەڕبوو
كەس هاوارى نەئەبیستم
لەزۆر دەرگام دا
كەس نیگرت دەستم
هاوار
هاوار
فیغانوو نزا
كەس بەكەس بوو
نە ئەبیسرا
قریشكەم
قریشكەى هەور بوو
بریسكەو گڕى هەڵە ئە سان
لەتاریكاى و تاریكستان
لەجیاتى یەك
هەزار ئیزارائیل ڕۆحى ئەكێشاین
مەمكم شیرى تەڕ بوو
بۆ ساواكەم
بۆ نەوەكەم
بەرۆكم تەڕ تەڕ
بەفیشەك ئەویان ئەتاسان
فرمێسكى چاوم
هەر ئەناردەوە
بەشكم ئەم ئەشكەم بیر باتەوە
خۆم هەڵەخەڵەتان
نامان بەن بۆ نوگرەسەلمان
هەرچى دەریاى سەحرا هەیە
بەمن ونەوەكانمانیان ناسان
ئێوە چیتان كرد ئێسكو پروسى
ئێمەشتان دا كرماند
هاوار
هاوار
هەڵەبجە كردیە فیغان
كردیە هەڵا
كردیە هەرا
وتى دەستە خوشكى
بێپشتوو پەنا
منیش لەنۆ كەمتر نیم
منیش بوم بە هاوڕێى ڕەشەبا
بەنۆتەو بەمۆسیقا
بە دەسڕى سواڵ
بە سەمفۆنیا
بەڵام ڕوت تر
زەبون تر
یەكێ دەستى
عومرى خاوەر ئەبا
یەكێ لاشەى ساواكەى
خرم خرم
ئێسكو پروسكى ناو گۆرەِكانى
رَێگاى عەنەب و دزڵى
هاتا ئەگاتە سەحراكان
بەلۆچەى دەمیانەوە یە
دایان ئەكرمان