کێ سزای قاسم ئاغاکان بدات؟
Saturday, 29/03/2014, 12:00
لە پەراوێزی ووتاری پێشنیارێك بۆ سەرۆك جاشەکان
نووسینێکی برای بەرێز قادر نادرم خوێندەوە بەناونیشانی (پێشنیارێك بۆ سەرۆك جاشەکان وپیاوەکانی رژێم) چەند خاڵێکی ووروژاندوە کە بوونە جێی سەرنجی من هیوادارم بتوانم لەم چەند دێرەی خوارەوە ئەرگومێنتی خۆم وەدەربخەم .کاك قادر نادر دوای ئەوەی ئەیەوێ بیسەلمێنێ کە کۆمەڵگا کارە قێزەوەندەکانی سەرۆك چاش وپیاوخراپەکان لەیاد ناکات وگەر خۆشیان نا، نەوەکانیان بەر روو رەشی و نەفرەتی مێژوو دەکەون ،داوا لە سەرۆك جاشەکان دەکات داوای لێبوردن لە کورد بکەن ، بۆ پشتراستکردنەوەی بۆچونەکەشی نمونەی موشیر ئاغا دێنێتەوە .دیارە وەك ئاواتخوازی جێی خۆیەتی بەڵام وەك داخوازی دەکرێ بەجێ نەبێ چونکە داواکردنی بێ وەیی لە گورگ داواکردنە لەوەی کە لە خو و سروشتی خۆی بکەوێ ناکرێ داوا لە گورگ بکرێ تکایە گۆشت مەخۆ ناکرێ بە کەسێکی خراپ بڵێی بۆ خراپە دەکەی چونکە ئەوە لادانە لە سروشتی خۆی وەك خەسێکی خراپ ، دواجاش داواکردن لە سەرۆك جاشەکان بەوەی داوای لێبوردن بکەن داواکردنە لێیان کە بیر بکەنەوە ئەوەش دورە لە خەسڵەتی ئەوانەوە چونکە ئەگەر ئەوان بیریان بکردایەتەوە یەكەم جار ئەوەیان ناکرد کە کردیان . من پێم وایە بێ ئاگا بوون لە سایکۆلۆجیەتی کۆمەڵگای کوردی مرۆڤ توشی هەڵە دەکات زۆر جار . کۆمەڵگای کوردی کۆمەڵگایەکی دوو روە وهزری گشتی کۆمەڵگاش هزرێکی سست و بێ بنەماو کاڵ و لاوازە ،بەدەم بەرامبەرەوە پێ ئەکەنێ و لە پشتیشەوە جوێنی پێ ئەدات ،،کەم کۆمەڵگا هەیە لە جیهان بەقەد کۆمەڵگای کوردی سادە بێت . هزری کوردی لەوەرچاخێکی هەستیاردا بری نەکردوە و لەگەڵ پێشکەوتن وبنیاتنانەوە دا خۆی ساغ نەکردۆتەوە بۆیە یەکێکە لە کۆمەڵگا مردوەکان .کۆمەڵگای کوردی بە گەورەترین نەهامەتیدا تێ ئەپەرێ و لە توانایدا هەیە لە ماوەیەکی کەمدا بیریچێتەوە ، تەنانەت وەك حیکایەتەکان لێی بروانێ ،لەگەڵ یەکەم ئاوازی شادی دەکەوێتە شای و هەر بەشان هەڵی دەتەکێنێ . لەگەڵ یەكەم ئازاریش هەردوو برۆی ئەهێنێتەوە یەك و سەدان سوێند دەخوات کە ئەگەر ئەمجارە خۆری لێ هەڵبێ و هەوری رەش برەوێتەوە وادەکات وا دەکات ،کەچی دوای دوو هەناسەی ئارامی هەموو سوێندەکانی لەیاد دەکات .کۆمەڵگای کوردی کۆمەڵگایەکی ریاکەرە پێڵاو بۆ بەتواناکان دائەنێ و لەقە لە بێتوناکان ئەدات . زۆر شتی بەبەها ئەفرۆشێ و پارە یەکێکە لە گەورەترین روکنەکانی ژیانی . کۆمەڵگایەکە بۆکاتێکی خۆشی کەم زۆرترین سەروەری و مۆراڵ لەدەست ئەدات،،، هەر بۆیە لە هەشتەکانی سەدەی رابردوادا ، سەد بۆ سەد وپەنجا هەزار جاش و خۆفرۆش و پیاوخراپ هەبوون . ئێستاش بەدەیان هەزار و سەدان هەزار کەس هەن بۆپارە خۆیان دەفرۆشن و سوور ئەزانن کە ئەوەی دەیکەن راست نییە ،بەدەیان لاپەرەی رۆژنامەکان پڕ دەکەنەوە لە قسەی بێ ماناو و پێهەڵدان بە بنەماڵيکانداو کەچی خۆشیان بروابەقسەکانی خۆشیان ناکەن . تاکی کورد بۆ خۆی عیبادەتی خوا دەکات لە لایەك و لە لەیاەکی تر ژن دەکوژن لە لایەك داوای بنبر کردنی گەندەڵی دەکن لە لایەکی تر ئەگەر بیپشکنی چوار موچەی بێبەرامبەر وەردەگرێ ، لە لایەك حەز دەکات یاسا سەروەر بێت لە لایەکی تر خۆی پێشێلی یاسائەکات ، لە لایەك حەزی بە دیموکراتیەتە و لە لایەکی تر بۆ خۆی لە ناخیدا دیکتاتۆرێك مڵاسی داوە.
هەندێ کەس هەبوون ،ئەوسا ئەندامی بەرزی حزبی بەعس بوون وئەمرۆ دووسێ کیتێبیان لەسەر ئەنفال و پاشماوەی ئەنفالەکان نوسیوەتەوەوبەچاپگەیاندوە . تاکی کورد هەموو کات خۆی بەسەنتەر دەزانێ و ئەوانی تر بە کەنار ، مەبەستم لەوە نییە کۆمەڵگای کوردی خەسڵەتی باشی نییە بەڵکو لە گەڵ خەسڵەتە باشەکانیدا دەیان خەسڵەتی خراپی هەیە کە بەداواکاری چارەسەر ناکرێ ،بە ئاواتە خوازم چارەسەر ناکرێ ،ئەوەی روویدا دوای راپەرینی بەهاری ساڵی ١٩٩١ لاسەنگیەکی هێز بوو . بەحوکمی ئەوەی چالاکیەکانی هیزی (ی ن ك) چرتربوو زیاتر بەرامبەر دەبوونەوە لەگەڵ چاش و پیاوخراپەکان ، ئەو بەرامبەر بوونەش بەدڵنیاییەوە کوشتارکاری و تۆڵەو رق وکینەی لێدەبێتەوە .ئەوەبوو ئەو حەشاماتەی کە هەموو توانای چەك هەڵگرتن و دواجاش هیزی دەنگدان بوون چونە ریزەکانی (پ د ك) وە ،،بەمەش هەم پارتی سوودی بەرکەوت وهەم دەیان بیرۆکەی وەك ٣١ ی ئاب دورست دەبوو . بەرامبەر بە پاکی و کەمی واتە لە رووی ژمارەوە ، ناپاکی و زۆری هاتە کایەوە . وەنەبێ من ئێشتا بەهرەی یەکێ بەسەر یەکێکی تر بدەم هەموو ئەزانین ئەو دوو پارتە وەك یەکن و هەردوو پراو پرن لە مافیا، پرن لە پیاو خراپ و رۆژنامە کوژ ودژ وجەردە ، ئەوان بە ناوی شۆرشەوە ، خەڵکییان فێری شۆرشی فەرهود و دەیان شۆرشی تر کرد ئەوان بەتەمای شۆرش بوون کە چی نەیان کرد ،نەیان زانی هەر جولەیەك ئەوەندە دەبێ شۆرشگێر بێت تا دێتە سەردەسەڵات ، دواجار ئەگەر تەنها بەبیرکردنەوەش بیر لە شۆرشگێری بکات بۆ خۆشی نازانێ چۆن دەبێتە دیکتاتۆر و شۆرش بەرامبەری بەرپدەکرێ . .
بەڵێ راستە کە هەردوو حزب ناتوانن سەرۆك جاشەکان دادگایی بکەن ، چ ملهۆریەکە داوا بکرێ لەو دوو حزیبە دادگایی سەرۆك جاشەکان بکات ، لەکاتێكدا بۆ خۆیان دوو هێندەی ئەوان دەستیان لە خوێنی کوردایەو تا مەچەکیان سوور بووە ،لە کاتێکدا هێندەی ئەوان پەیوەندیان بە دوژمنانی کوردەوە هەبووە ، لە کاتێکدا تاکو ئێستاش بەردەوام پەیوەندی وجاشایەتی دەکەن بۆ دەوڵەتان و بۆ دوژمنانی کورد .من پێم وایە لەو خەوە بەئاگابێینەوە چی تر داوا لە تاوانبار نەکەین دادگایی تاوانبار بکات دەی خۆ تەواوی سەروەری دادگاو تەواوی بەرقەرار بوونی درۆیەکی گەورەیە کە لە جیاتی راستی تیا دەرکەوێ ئاوادەبێ . ئەی کەواتە چارەسەر چی یە ؟ بەرای من هەنگاو دوای هەنگاو بەهەموومان دەبێ بریار بدەین داهاتوومان چۆن بێت وازلە دوورووی بێنین و بریار بدەین ئەو پیاوخراپانە لە خۆمان دوورخەینەوە بەوەی لەرووی کۆمەڵایەتیەوە لەخۆمانیان داببرین نەهێڵین لەشارەکانماندا ژیان بکەن نەهێڵێن شتومەکمان لێبکرن نەهێڵین هاتوچۆمان بکەن،سڵاویان لێ نەکەین و ،
ئێمە زیاتر لەسەریان نوسین بنوسین و شەرمەزاریان بکەین زیاترئەو نەهامەتیانە بخەینە بیری ئەو کۆمەڵگایە کە لەبیریان چۆتەوە ،ئەو ئازارانە بیری کۆمەڵگا بخەینەوە کە سەرۆك جاش و پیاوخراپەکان ببونە هۆکاری ، ئێمە لەسەرمانە دەیان سیمینار لەسەر ئەمانە بکەین و روونیبکەینەوە بۆ کۆمەڵگا ئەمانە چەند کەمن کەچی بونەتە هۆی چەند زیانی گەورە. دوای دابرانی کۆمەڵایەتی بیر لەوە بکەینەوە کە ئەم کەسانە چونکە چەوتن کار و کاسبیشیان هەر بەچەوتییە واتا هەوڵبدەین سەرچاوەی دارای وبژێوییان بپشکێنین دڵیام کە ئەتوانین بەرەی بنیان دربهێنین . هەوڵ بدەین لە رێگای راگەیاندنە ناحزبیەکانەوە بە بەرنامەو برگەی تایبەت و تەنانەت بە ریکلامیش تاوان وقێزەوەنییەکانیان بکەینە روو تاوایان لێبکەین بێنە قسە ، دڵنیابن ئەو کاتەی هاتنە قسە زۆر زیاتر دەڵێن، زۆر زیاتر لەوەی کە ئێستا دەیزانین . یانیش دەبێ وەك چۆن هەموو .کردویانەلە یادی خۆمانی بەرینەوەو بڵێین عفی الله عما سلف
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
