مەلا بختیار توات مردوو زیندوو كاتەوە ؟!
Wednesday, 08/04/2009, 12:00
1763 بینراوە
چەند روژی وەرجە ئیسە مەلا بختیار وە گەرد ارسلان بایزو برزان احمد ناكوردە لە مەلبەندی سلیمانی تواستن جلال تابانی وە ئەوزەڵ مردوو وە لاشە ئیفلیج زیندوو بكەنەوە . ملا هە ر جور قاز قیرە قیری بووی وە دەنگی ناسازی سەر ئەو مردمەی هاوردە دەرد كە بەدرو دەلەسەی گردیانی كردبووەوەو ئەوانیش نامەردی نەكردن نەعلەشووی ملایان كردو هەر ئەیقەرە ئەرای كردیا وەك (خەرگوشی ترسوو لەرخی تانجی) لەرز وەلی هاتوو تا توانست ئەرای دەوی. ئەی كابرا شەرم وە خوەی نیەكەت مردم وەشاریەل گردكەیتەوەو توات وەدرو دەلەسە مرددم وە زد نوشیروان مستەفا و جنبش ئیسلاحی خوازان بچن وەرەو سندوقی دەنگدان ئەوەی لە فكر چویە كە جامی قین نارەحەتی مردم رەسیەسە حاڵەتی كە ئیتر درو دەلەسە وە دادی ئەوان نیەخوەت. ئیسە ئەی ملای بی ئەوزەلە توات شەوەكی چوار شەمە7/4 بات ئەراشاری كەلارو هەم دروكانی ئەرا مردم بڕژنەت وەلی من بەملاو دوستانی ئیوشم سەر خوت و مردم وە دەرد مەیارە كەس وەقسەی تو گوڵ نیەخوەت جاریكی تر وەرجە ئەوەی بایت زانیم كە مزگانی تون ئەرا مردمی گەرمەسیر هەردوو دروكانی جارانە فەرە درو دایت ئەرامان وەدروكانت تیر خواردیم زانیم توای تالەبانی زیندوو بكەیتە من وەتو ئویشم ئەگەر كەمی ئەوزەڵ داشتی زانی كە جلال وە دەرد ئەوە نەمەنیە و ە شانو باڵی بایت روژی هاتنی محموود عباس ئەرا بغداد تەماشا كە چون جلال تالەبانی وەشوین محمود عباسەوە لوقە لوقی بوو من خوەم خەجالەت كیشیام كە سەروكەكەم بەو جورە دوینم وە شەلە شەل و بە گاڵوكەوە توات بویشی منیش هەر زیندووم ئەرای خودا ئویشم پیت واز لە مردم بارن ئیمە تون دزەكانی دەورت خاس ناسیم هیچ قیرەو قویلە دادتان نیەدەت نهایەتی خوتان لە انتخابات ئایندە دوینن چوین وەرەو دادگا ملكیشتان كەیم دواجار نەویشت نەوتن پیم وە قەول كوردەیەل"هەرچی وەتم پیت هەرفم نەژنەفتی, ئەی خودا وەخوەش وەی هاڵە كەفتی " .
