"كەناڵى گەلى كوردستان بەردەوامە لەسەر تۆمەت بەخشینەوە" عەبدوڵاى مەلانورى سكاڵاى یاسای لەسەر كەناڵى گەلى كوردستان تۆماردەكات

Tuesday, 19/04/2011, 12:00

دواى ئەوەى لە كەناڵى گەلى كوردستانى زمان حالى یەكێتى نیشتنیمانى كوردستان تۆمەتى ئەوە درایە پال پەرلەمانتار عەبدوڵاى مەلانورى بەوەى مۆڵەتى شوفێریەكەى نایاساییە، لە رونكردنەوەیەكدا ئەو پەرلەمانتارە ئەو هەواڵەرەت دەكاتەوە و داى یاساى لەسەر كەناڵەكەى زمانحالى یەكێتى تۆمار دەكات.
ئەمەش دەقى رونكردنەوەكەیە:
رونكردنەوەیەك لە (عەبدوڵاى مەلا نوری) ەوە...
ماوەیەكە بەشێك لە میدیاكانى حیزبەكانى دەسەڵات بە تایبەت تەلەفزوێنى (گەلى كوردستان) دوور لە هەر پرنسیپێكى ئەخلاقى ، یاسایى و كارى رۆژنامەوانى كەوتونەتە تۆمەت بەخشینەوە لە سەر من.
لێرەدا بە توندى هەموو ئەو درۆو تۆمەتانە رەد دەكەمەوەو هەروەها بە زوترین كات سكاڵاى یاساى لە سەر ئەو كەناڵە تۆمار دەكەم بەو پێیەى مۆڵەتێكى شۆفێریان بە ناوى منەوە تەزویر كردووەو لەو رێگەشەوە كار بۆ ناوزڕاندنم دەكەن.
تێبینى: بە دەرفەتیشى دەزانم وێنەى مۆڵەتى شۆفێریەكەم بخەمە بەرچاوى هەموان بە عینوانى (سلێمانى- كەلار).
عەبدوڵاى مەلا نورى
ئەندامى پەرلەمانى كوردستان
19/4/2011