له سه‌ر نووسینی ریپۆرتاژێک ئیحسان مه‌لا فوئاد زیندانیی و دادگایی ده‌کرێت
Tuesday, 21/06/2011, 12:00
له کوردستاندا و له ژێر ده‌سه‌ڵاتیی بنه‌ماڵه‌ی بارزانی و تاله‌بانی، یاسای دارستان و عه‌قڵی شاخ باڵاده‌سته، ئه‌وان یاسایان داناوه بۆ به‌رگریکردن له خۆیان و چه‌وساندنه‌وه‌ی کۆمه‌ڵگا و نه‌یارانی خۆیان. پیاوه‌کانی ئه‌م بنه‌ماڵه‌یه، که که‌سانی قێزه‌وه‌ند و سووک و به‌رژه‌وه‌ندییپه‌رستن، کۆیله‌ی پارته‌کانی ده‌سه‌ڵات و پاره‌ن، نه‌فسنزم و خوێنڕێژن، عه‌قڵ دواکه‌وتو نه‌زانن، به ئاره‌زووی خۆیان بڕگه‌کانی یاسا به‌کارده‌هێنن، تا ده‌می خه‌ڵکیی و قه‌له‌می نووسه‌ران بێده‌نگ بکه‌ن، ئه‌و چه‌ند ده‌سه‌ڵاتدارانه‌ی له خواره‌وه ناویان هاتووه، له‌گه‌ڵ ده‌یان که‌سی تر ده‌بێت وه‌کو دوژمنی کورد، وه‌ک پیاوخراپ چاویان لێبکرێت دادگای گه‌ل و دادگای مێژوو لێپێچینه‌وه‌یان له‌گه‌ڵدا بکات.
له‌سه‌ر نووسینی وتارێک به‌ناونیشانی (ئیدارەى فاشیلی كفری و یانەى خواردنەوەكە) که ئیحسان مه‌لا فوئاد له کوردستانپۆستدا بڵاویکردۆته‌وه، دوێنێ 20/6/2011 له‌لایه‌ن پۆلیسی کفرییه‌وه بانگ کرا، له‌گه‌ڵ چوونی بۆ لای پۆلیس، یه‌کسه‌ر فه‌رمانی گرتنیان دا، به ماوه‌یه‌ک دوای ئه‌وه بۆ دادگایان برد، له دادگا لێکۆڵینه‌وهیه‌کی زۆری له‌گه‌ڵ دا کرا و پاش ئیفادە وەرگرتن، که تا كاتژمێر 2ی پاش نیوەڕۆی خایاند بە كەفالەتی 400 هەزار ئازادیان ده‌کرێت،تا وەكوو دووبارە بانگی بکه‌نه‌وه.
هۆکاری ئه‌م گرتن و دادگاییکردنه‌ش ده‌گه‌ڕێته‌وه بۆ ئه‌وه‌ی، قایمقامی كفری (شێركۆ حسێن حامد) كە خەڵكی قەزاى دەربەندیخانە نووسراوێكی كردووە بۆ ئەندامی داواكارى گشتی لەكفری به ناوی (سەباح)ە بەوەى، تا سكاڵا لەسەر ئیحسان مه‌لا فوئاد تۆمار بكات، ئەویش سكاڵاکه‌ی لەسەر تۆماركردووم گوایە قسەى خراپ و تەشهیری پێكردووە.
لەسەر رۆشنایی تەبلیغكردنەكە ئەو وتارەى كوردستانپۆست زیاتر لە شەش كۆپییان لێیكۆپی كردبوو بۆ پۆلیس و قایمقام و دادگاو بۆ نێو دۆسێكەی ئیحسان مه‌لا فوئاد.
http://www.kurdistanpost.com/view.asp?id=1e2aa57e
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
