پێویستە 33 هەمین ساڵیادی پەكەكە ببێتە ساڵی ئازادی رێبەر ئاپۆو چارەسەری كێشەی كورد
Friday, 26/11/2010, 12:00
32 هەمین ساڵڕۆژی لەدایك بوونی پارتی كرێكارانی كوردستان "pkk" سەرەتا لەشەهیدانی رێگای ئازادی و بنەماڵە سەربەرزەكانیان، هەروەها لە رێبەری بزوتنەوەی ئاپۆچی بەڕێز عەبدوڵڵا ئۆجەلان و بەرخۆدانە شكۆدارەكەی لەبەرامبەر داگیركەرو پیلانگێڕە نێودەوڵەتیەكان و لە هەمانكاتدا پیرۆزبایی ئەم بۆنە پیرۆزە ئاراستەی گەلی كوردی قارەمان، بەرخودانڤانانی زیندان، گەریلا سەربەرزەكان و هەموو ئەندام و كادیر و سەركردایەتی و دۆستانی پەكەكە دەكەین.
32 سالأ تێكۆشانێكی واتادار و پڕ بەها لەناو قوڵایی زوڵم و ستەمی داگیركەری و كۆنەپەرستیدا، بەخەباتێكی هەزاران شەهیدی و بەقوربانی و ئاوارەیی دەهەزاران كەسی و بەزیندانی و ئەشكەنجە و ماندوبوونێكی لەبن نەهاتوو، خۆی گەیاندن بە 33 یەمین سالأ، ئەمەش مایەی شانازی و رێزێكی گەورەیە.
لەكاتێكدا ئەمڕۆ یادی 32 ساڵی دامەزراندنی پەكەكە دەكەینەوە دەبێ ئەوە لەبیرنەكەین كە پەكەكە دوایی 32 هەشت سەرهلدان كەئەنجامەكانیان لەناوچوون و قڕكردن بوو سەری هەڵدا، هەمانكات لەكاتێكدا كەبێدەنگی باڵی بەسەر گشتی كوردستاندا كێشابوو، ئیدی ترووسكایەك هیوا نەمابوو، لەكاتێكی وادا بەبێ هەبوونی هیچ دەرفەتێكی مادی و مەعنەوی بڕیاردان لەسەر سازدانی پارتیەكی سیاسی و دامەزراندنی خۆی لەخۆیدا گۆڕینی ئەو مێژووە داسەپاوەبوو كەتا ئەو رۆژە هاتبوو.
ئەو تێكۆشانەی لەگروپێك خوێندكار دەستی پێكرد و خۆی كرد بەپارتی و پاشان بەئەرتەشێكی گەریلایی و دواتریش بووە بەجەماوەر و سەرهلدان، ئەمڕۆكەش بەپێداگریەكی زۆرەوە بەرەو چارەسەری پرسی كورد هەنگاو دەنێت، بۆیە ئیتر پەكەكە تەنها پارتیەكی سیاسی ئاسایی نییە، بەڵكو پێشەنگی بزووتنەوەی ئازادیخوازی گەلی كوردە بەهەموو مانایەكیەوە. بۆیە كاتێك باس لە پەكەكە دەكەین ئەوكات باس لە بزووتنەوەی ئازادیخوازی كوردستان دەكەین. ئەو هێزە هزری و فەلسەفی و ئەخلاقیە ئەو ماندوبوونە و ئەو قوربانیدانە، سەلمێنەری ئەو راستیەن.
خەڵكی بەشەرەفی كوردستان
ئەو هەنگاوانەی لەئەنجامی خەباتی ئەو 32 ساڵەدا بەدەست هاتوون ئەوانە بەرهەمی شەهیدانن و لەسەرووشیان بەرهەمی شەهیدان(حەقی، مەزلوم، خەیری و كەمال لەزیندان بەرهەمی عگید و زیلان و بریتان و ئەردال و عادل و نودا یە لەسەر لوتكەیی چیا، بەرهەمی گیانبازانی وێنەی زەكیە، رەهشان و ڤیان) و تاگەیشت بەدواین ئەلقەی فیدایان لەم رێبازەدا. بۆیە خزمەتكردن لەم رێگایەدا لەبەرزیدا خزمەتكردنە بەرێبازی شەهیدان.
ئێمەوەك پارتی چارەسەری دیموكراتی كوردستان كەباوەڕیەكی تەواومان بە تێكۆشانی پارتی كرێكارانی كوردستان هەیە و هەڵگری ئایدۆلۆژیاو هێلی نەتەوەی دیموكراتین وپارتیەكەمان لەئەنجامی بەرزبوونەوەی ئەو تێكۆشانە خۆی لەگۆڕپانی خەبات دۆزیوەتەوە و مێژووەكەی ئاڕاستەكی ڕاستی داوەتە مێژووی تێكۆشانمان ، بۆیە بەئەركی سەرشانی خۆمان دەزانین خاوەندارێتی لێبكەین بە بەهێزكردنی ئیرادەی گەل وگەیاندنی ئایدۆلۆژییەكەی و جێگیركدنی سیتەمەكەی كە سیتەمی گەلە.، چونكە پەكەكە لەباشووری وڵات شەهیدانی لەوێنەی (د. سیروان، جەنگی هیرانی و زێرەڤان و جوتكار و بیلال وتواناو گەشبین و وڵات و هیران و كانی ...هتد)كردۆتە قوربانی و لەپێناو ئازادی ودیموكراتی و پاراستنی دەستكەوتەكانی و گەڕانەوەی ناوچە دابڕاوەكان و بەجێكردنی سیستەمی كۆنفیدرالیزمی دیموكراتی. پێمان وایە ئەم ڕێبازە دەتوانێت ببێتە هێزی چارەسەری بۆكێشەكانی باشوری كوردستان لەسەرئەوبنەمایە ئێمە بۆئەوەی ببینەوەڵام بۆتەواوی داخوازییەكانی گەلەكەمان هەوڵدەدەیەن لەگەڵ هێلی ئازادیخوازیدا ببینەیەك وخۆمان لەزهنیەتی دەسەڵات و دەوڵەت وكاریگەریەكانی ڕزگاربكەین .
لەگەلأ ئەوەی تێكۆشانی ئازادی لەوپەڕی بڵندیدا بەڕێوە دەچێت، بەڵام دەبێ لەبیریش نەكەین ئەمڕۆ لەهەر كاتێك زیاتر پیلان بۆ بێكاریگەر كردن و لەناوبرنی بزوتنەوەی ئازادی هەیە، دەیانویست جارێكی تر بەڕێكەوتنی هەرێمی و نێودەوڵەتی پیلانگێڕیەكی تر بەڕێوەبەرن بەڵام درێژكردنەوەی ئاگربەست تائاستێكی زۆر پیلانەكانی پووچەلأكردنەوە، ئەوەی دەتوانێت پیلانەكان بەیەكجار لەناو ببات و بەبێتە هۆكاری ئازادی رێبەرایەتی ئەویش بەجێكردنی خۆبەڕێوەبردنی دیموكراتی و پێداگریە لەسەر تێكۆشان لەقۆناخی چوارەمیندا و كە پێداگری دەكات لە یان چارەسەری یان چارەسەری، بۆیە لەكۆتایدا هیوادارین 33 یەمین ساڵی دامەزراندنی پەكەكە ببێتە ساڵی ئازادی رێبەر ئاپۆ و چارەسەری ریشەی كێشەی كورد.
دەستەی كارگێڕی پارتی چارەسەری دیموكراتی كوردستان
26 ـ 11 ـ 2010
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
