حاشا لە تاڵەبانی ئیمە هەرگیز جگەرگۆشەی تۆنین !
Monday, 21/03/2011, 12:00
تۆیەک کەبەدرێژایی تە مەنت خاوەنی یەک کسەی خۆت نەبوی .
تۆیەک کە ئاخ هەڵبکێشێ بۆ تۆزێ کیمیایی تر بەڵکو جەند کەسێکی زیاتری هەڵەبجەیی شەهید بکردایە .
تۆ کە (تاریق ڕەمەزان)ی فڕۆکەوانت ئازادکرد ، ئەوە خیڕە ئێستا لاوان و گەنجانی شار بە ڕۆڵەو جگەرگۆشەی خۆت ئەزانی ؟
تاڵەبانی تۆ چونکە خۆت خەلەفاوی وجارجارە ئەیبزرکێنی وائەزانی ئێمەش وەک تۆ خەڵەفاوین !
خۆ هەر لەم هەفتەیەدابوو کە پیاوەکانی دژە تیرۆرت لە نیوەشەودا هەڵیان کوتایە سەر مەیدانی سەرای ئازادی و هەموو چادرەکانیان ئاگرتێبەردا،بەداروتێڵا کەوتنە گیانی ئەو لاوانە ، ئاخر کێ بەم وڕێنانەی تۆ باوەڕ ئەکا ؟ چەند ڕۆژێ لەمەوپێش هەڕەشەی تیرۆرکردنتان لە " فاروق ڕەفیق " کرد، ئێستاش ئەڵێ ی پشتیوانی هەموو داوەڕەواکانتانین وهەوڵ دەدەین بۆ دابین کردنی ژیان و ئازادی بۆتان ، کام ژیان !! کام ئازادی !!
ژیان وئازادیەک کە بەقەولی خۆت ئەڵێ ی لەژێرسایەی ئێوەومانان بێت . ئەوە هەرگیز ژیان و ئازادی نیە ، ئێوەومانان مۆدیلتان بەسەرچوو Expire بوون ، ئەگەر نا بۆ درێژایی ٢٠ ساڵ نەتان توانی چاک سازی وپاک سازی و لەڕەگ و ڕیشە هەڵکەندنی گەندەڵی و ناعەدالەتی بکەن ، ئەوە شەقی نەوەی نوێ یە کە هەردوو پێتانی کردۆتە ناو تاکی کەوشەوە ،ئێستاش بۆ هێورکردنەوەی بارودۆخەکەو چۆڵ کردنی سەرای ئازادی هاتووی لەم قسە باق و بریقەدارانە دەکەی، وەکو ئەوەی زۆر باوەڕت پێبکەین.
ئەوە منیش پێت دەڵێم :-
سەرای ئازادی لوتکەی قەندیلە
وا بەئاسانی بۆتان چۆڵ ناکەین
ئەم ڕاپەڕینە بە خوێن تۆمار بوو
ئێمەش لەسەر خوێن قەد سازش ناکەین
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
