فه‌رمانده‌ی گشتی سلێمانی موقه‌ده‌مه جاشه‌که‌یان ده‌رکرد!
Wednesday, 11/02/2009, 12:00
2351 بینراوە
پێش بڵاو کردنه‌وه‌ی سیدی جاشه‌کان، به‌رهه‌م هێنانی بۆ سه‌ر یوتۆبی له په‌یوه‌ندیه‌کی ته‌له‌فۆنیدا له‌گه‌ڵ یه‌کێک له ئه‌ندامانی فرماندیی، پێم ڕافه‌یاند که سیدیه‌کی جاشه‌کانم لایه‌و یه‌کێکیان لای جه‌نابی موقه‌ده‌مه.
زۆر بێ شه‌رمانه ووتی کاکه تۆ باسی چی ده‌که‌یت ئه‌و سه‌رده‌مه به‌سه‌ر چوو ڕه‌سوڵ پیاوی باشه.
سه‌یر بکه‌ن پێشمه‌رگه‌یه‌کی دێرین به جاشێکی پیاو کوژه خیانه تکار بڵێ پیاوی باش. هه‌ڵبه‌ته پیاوی باش بوون لای ده‌سه‌ڵات ئه‌مڕۆ شه‌رمه‌زاریه‌کی گه‌وره‌یه خوا به‌نه‌سیبی که‌سی نه‌کات.
دوای بڵاوبوونه‌وه‌ی سیدیه‌که خه‌ڵکی پێشوازیه‌کی باشیان له‌مکاره کرد، ته‌نانه‌ت هه‌ر ڕۆژی یه‌که‌م خه‌ڵکی ناوچه‌ی سه‌نگه‌سه‌ر به بلوتوز له ڕیگای مۆبایله‌کانیانه‌وه بۆ یه‌کتریان ده‌نارد.
ده‌یان په‌یوه‌ندی ته‌له‌فۆنی و ئیمایلم پێ گه‌یشت کۆمه‌ڵی زانیاری و ناوی زیاتر ناو فلیمه‌که، که ئێستا له ناو دام و ده‌زگای ده‌سه‌ڵاتی کوردی کار به‌ده‌ستن که‌به‌م شێوه‌ی خواره‌وه‌یه:
1/ کانه‌بی باڵوو ئاغا ئامۆزای عه‌باس بایزه فۆڕمی پێشمه‌رگه‌ی کۆنی پڕ کردۆته‌وه هه‌ر ئێستا خه‌ریکی خۆ خانه نشین کردنه وه‌ک پێشمه‌رگه‌ی کۆن.
پێشمه‌رگه کۆنه‌کانه‌کانی ده‌ڤه‌ری پشده‌ر غیره‌تێ تۆ ڕێز له ناوی پیرۆزی پێشمه‌رگه بگرن!
2/ عه‌بدڵڵا حارس مفه‌وه‌زی پۆلیسی جه‌نگه‌ڵ که به عه‌بدوڵڵا هین ناسراوه
3/ مشیر جه‌وهه‌ر ئاغا کاتی خۆی ئامر مه‌فره‌زی جاش بوو، ئێستا به‌رپرسێکی پارتیه لای دیوی پارت.
ئه‌وه‌ی تا ئێستا بێ ده‌نه‌گه وه‌زیری به‌ناو شه‌هیدانه، ناحه‌قی ناگرم له سه‌فه‌رێكی خێزانیه له ده‌روه‌ی ووڵات له سه‌ر حسابی خوێنی شه‌هیده‌کانمان.
