ده‌نگی ناره‌زای 12 ی كاديری به‌رزی پارتی له سليمانی مه‌سعود بارزانی توره ده‌كات
Tuesday, 22/11/2011, 12:00
كوردستانپۆست/ په‌يامنێری سليمانی 3زياتر له 4 رۆژه ده‌نگی ناره‌زايی توره‌يی 12 كاديری پيشكه‌تووی لقه‌كانی 4 و 12 و21ی پارتی له سنوری پارێزگای سلێمانی ، بووه هۆی ئه‌وه‌ی مه‌سعود بارزانی بێنيته سه‌ر خه‌ت.
سه‌رچاوه‌يكی نزيك له سه‌روه‌ری فه‌تاحی سه‌مه‌د و حه‌سه‌ن جه‌باری و سيخ ستار عه‌والانی ئه‌وه‌ی ئاشكراكردووه، كه زۆربه‌ی كاديرانی ئه‌و لقانه‌ی پارتی له سليمانی توره‌يی خۆيان له راپۆرتێكدا بۆ مه‌سعود بارزانی به‌رز كردۆته‌وه، به‌وه‌ی كه گه‌وره‌ترين گه‌نده‌ڵیی دارایی و دیاردەی خراپی کۆمەڵایەتیی لەلایەن هيوا حه‌مه ئه‌مين ئاغا كراوە، له كاتێكدا زياتر له 12 ساله له ئه‌وروپا بووه و ته‌نها موچه‌ی وه‌رگرتوه و كاتی خۆيشی به هۆی گه‌نده‌ڵی و ديارده‌ی كۆمه‌لايه‌تی له كۆنگره‌ی 12ی پارتی ته‌نها 7 ده‌نگی هێنابوو، كه زياتر له 200 هه‌زار ديناری سويسری له ميزانيه‌ی مه‌كته‌بی جه‌ماوه‌ريه‌كانی لقی 4 پارتی له ئاوزاره‌يی ته‌سفيه نه‌كردبوو به دزيه‌وه 5 جار ئاگادار كرابوه‌وه، ئه‌وجا بۆ ئه‌وروپا هه‌ڵهات.
سه‌رچاوه‌كه ئه‌وه‌ی ئاشكرا كردووه، كه 12 كارگێری لق و ئه‌ندام لق و كاديرانی مه‌كته‌به‌كان راپۆرتيكيان بۆ مه‌سعود بارزانی سه‌رۆكی پارتی به‌رز كردۆته‌وه، له ماوه‌ی 3 مانگدا زياتر له 5 ده‌فته‌ر دۆلار لە ميزانيه‌ی سه‌ركردايه‌تی پاريزگای سليمانی له نيوان هيوا حه‌مه ئه‌مين ئاغا و ماهيری شه‌هلا و عزه‌دين به‌رواری بۆ ديارده‌ی كۆمه‌لايه‌تی خه‌رج كراوه‌وه.
له برگه‌ی 3 هه‌می راپۆرته‌كه دا ئه‌وه هاتووه زياتر له 200 كه‌س به هۆی په‌يوه‌نديیه كۆمه‌لايه‌تيه‌كان له پیاوەکانی مه‌حمود به‌گ و شيخ محمه‌د باساكی و شێخ عه‌لی سيريني کە جاش بوون، له‌لايه‌ن هيوا ئاغاوه ته‌سكيه‌ی حزبيان بۆ كراوه كراونه‌ته كه‌مئه‌ندامی پيشمه‌رگه و خانه‌نيشنينی پيشمه‌رگه‌ياتی و مووچه‌ی ده‌زگای ئه‌يلولی يان بۆ براوه‌ته‌وه.
ئه‌مرۆ مه‌سعودبارزانی لە بروسکەیەکدا کە بۆ عیزەدین بەرواری ناردووە، تێیدا نووسیوە، کە (هيوا ئاغا دياره وازی له به‌دره‌وشتی نه‌هيناوه، كاتی خۆيشی گه‌ر راينه كردايه و له‌به‌ر خاتری شه‌هيد فه‌تاح ئاغا نه‌بوايه سزام دەدا، به‌لام سه‌ره‌رايی ئه‌و هه‌موو دزيی گه‌نده‌ليانه كه كردويه‌تی دژايه‌تی خه‌لكی پارتی له سليمانیيش ده‌كات).
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
