نه‌وشیروان مسته‌فا کاره‌کته‌رێکی نادیار و به‌ره‌و مه‌رجه‌عیه‌ت
Wednesday, 17/07/2013, 12:00
بێگومان هه‌موو تاکێکی باشوور به هۆی هه‌ڵکشان و داکشانی پارت و لایه‌نه‌کانی کوردستان و رووماڵ کردنی هه‌ندێک بابه‌تی ناوخۆی ئه‌م پارتانه زۆر ڕووداو که‌سایه‌تی جیاواز و هه‌مه جۆری ناسیووه و پێی ئاشنا بووه، ناو کاره‌کته‌ری ئه‌مانه‌ش له‌ناو شه‌قاماکانی کوردستان و ده‌ره‌وه‌ش بۆته جێگایی مشتوومڕێکی زۆر، ئه‌م مشتوومڕانه‌ش به‌رده‌وام به‌سه‌ر دوو ته‌وه‌رادا دابه‌ش ده‌بن و هه‌ریه‌ک به شێوه‌یه‌ک خۆێندنه‌وه‌ی بۆده‌کات هه‌ڵووێسته‌ی له‌سه‌ر ده‌کات، ئه‌مه‌نده زانیاریی ده‌زانێت که وه‌ک ده‌ڵێن بیستویانه یان به هۆکارێک له ئاستی ده‌سته‌ی به‌رێوبه‌رایه‌تی پارتیه‌ک باڵاده‌ست بووه و خاوه‌ن مێژووی پڕشکۆداری پێشمه‌رگه بووه به‌س، به سه‌دان چیرۆک و داستانی جیاواز ده‌بێته سه‌رکێشی مشتوومڕه‌کان هه‌ر لایه‌نێک پشت به سه‌رچاوه‌یه‌کی دژبه‌ر یان پشتگیر ده‌به‌ستێت، هه‌موو هێزێکی سیاسی ئه‌م پارتی یان ئه‌و پارتی وابه‌سته ده‌بێت به تاکه که‌سێک له‌ناو پارته‌که‌ی خۆیدا که به‌رده‌وام فریادره‌وس بووه ئه‌وانه‌ی تریش بێگومان ده‌بێت پاشکۆ بن یان فۆرمیله بن هیچی تر.
به‌رده‌وامی مشتوومڕێک که مرۆڤ ده‌توانێت زۆر سه‌رنج ڕاکێش و ده‌مدرێژ سه‌یری بکات وێنه‌ی زۆر ده‌گمه‌ن دیار ده‌کات له گۆڕه‌پانی سیاسیدا باشووری کوردستان بێت، ساڵانێکی دوور و درێژ ئه‌م تابلۆیه بێده‌نگ و ده‌نگدار ده‌که‌وێته پێش هه‌موومان و هه‌رکه‌سێک تامه‌زرۆیه ده‌بێت چی له‌پشتی په‌رده‌که‌وه هه‌بێت و ده‌یه‌وێت چ شتێک پێشکه‌شی مشتوومڕی شه‌قامه‌کان بکات و چه‌ندی تر پێشبڕکێی ئه‌م مشتوومڕه به‌رده‌وام بکات، ئه‌م ئه‌کته‌ره‌ی سه‌ر شانۆکه جارێکی تر کاک نه‌وشیروانه که بۆسه‌یی مشتوومڕه‌کانی گه‌رم کردووه و ده‌یه‌وێت ڕزگارمان بکات، له چی به‌چی و له‌سه‌ر چ بنه‌مایه‌ک سیاسه‌تێکی چۆن و خزمه‌تگوزارییه‌کی چۆن داڕشتنه‌وه‌ی کۆمه‌ڵگاو به‌ڕێوه‌بردنێکی چۆن.......هتد ڕوون نییه به‌لام بابه‌تێکی زۆر گه‌رمه.
له ده‌رکه‌وتنی ناوه‌ڕاستی ساڵانی حه‌فتاکان و پێشڕه‌ویه‌ک له بزووتنه‌وه‌ی گه‌له‌که‌مان سه‌رله‌نۆێ به‌رده‌وامی تێکۆشانی سیاسی و سه‌ربازیی له‌سه‌ر ده‌ستی کۆمه‌ڵێک که‌سایه‌تی بوژانه‌وه‌یه‌کیان ده‌ست پێکرد تاکوو بتوانن به‌رده‌وام به تێکۆشان بده‌ن و هه‌وڵ بده‌ن به میتۆدو شێوازێکی نوێ خه‌بات بکه‌ن و بگه‌ن به ئامانجه‌کان و کۆتایی به داگیرکاریی به‌عس بهێنن، که‌سایه‌تیه‌کی که به‌رده‌وام تێدا جێگا ده‌گرێت نه‌وشیروان مسته‌فایی ڕێکخه‌ری بزووتنه‌وه‌ی گۆڕان، له دامه‌زراندی کۆمه‌ڵه‌ی ڕه‌نجده‌ران له‌سه‌رده‌ستی شه‌هید ئارام و هاوڕێکانی یه‌کێک له سه‌رکرده‌کانی ئه‌م به‌ڕێزه بووه و به‌رده‌وام ناویی هه‌بووه، چ به شێوه‌یه‌کی باش یان خراپ، به‌ڵام ئه‌م خاڵه‌یان زۆر گرنگ نییه بۆ بابه‌ته‌که‌م، به‌ڵکوو بیرۆکه سیاسیه‌که‌ی کاک نه‌وشیروان خۆی گرنگه، به ڕاستی خاوه‌ن چ بنه‌مایه‌کی سیاسییه و له‌سه‌ر چ بنه‌مایه‌کی ئایدۆلۆژی سیاسه‌تی خۆی دارشتوووه و داده‌ڕێژێت و میکانیزمه‌کانی سیاسی له چ هێڵی سیاسیدا به‌رجه‌سته کردووه، هه‌تاکوو ڕۆژی ئه‌مڕۆ نا ڕوون و دیار نییه ئه‌م ڕه‌نگدانه‌وه‌یه‌ش له‌سه‌ر سیاسه‌تی گۆڕان به ڕوونی ده‌بینرێت، ئه‌مه‌ش ڕه‌نگدانه‌وه‌ی خودی سیاسه‌ت و کاره‌کته‌ری کاک نه‌وشیروان خۆیه‌تی لا ڕابووردوو هه‌تاکوو ئه‌مڕۆش به‌رده‌وام ده‌کات به‌ڵکوو ده‌بێت هێشتا نوێ بوونه‌وه له خودیی خۆیدا بابه‌تێک نه‌بێت به‌لایه‌وه گرنگ بێت و هه‌ڵووێسته‌ی له‌سه‌ر کرد بێت بۆیه هه‌مان قه‌وان و هه‌مان سیاسه‌ت خۆی دووباره‌ده‌کاته‌وه.
هه‌موومان ده‌زانین کاک نه‌وشیروان له به‌رده‌وامی سیاسه‌تدا وون بوون و ده‌رکه‌وتنه‌وه‌ی له گۆڕه‌پانی سیاسیدا بۆچه‌ندین جار دووباره و ده جاره بۆته‌وه و به ماوه‌یی ساڵانیش نادیاریکه‌ی درێژه‌ی کێشاوه، وه‌ک ئه‌وه‌ی خۆی له سیاسه‌ت دوورگرت بێت. له چاوی میدیاکان دوور بووه و له پڕێکدا کاک نه‌وشیروان وه‌ک سه‌ر ووتاری ڕۆژنامه و ته‌له‌فزیۆن به‌رده‌وام ڕۆژانه ده‌هاته‌وه به‌رچاومان، له مژاریی سیاسی یه‌کێتیدا ڕۆڵی کارایی ده‌گێڕا و به بایه‌خ و پێداگرییه‌وه هه‌ڵووێسته‌ی له‌سه‌ر مژاره سیاسی و تایبه‌ته‌کانی ینک ده‌کرد. وه‌ک چۆن بیه‌وێت هه‌ڵمه‌تێکی نوێی به‌هێز به‌گه‌ڕ بخات به خوێنێکی گه‌رم کاریی ده‌کرد، دوایی ماوه‌یه‌ک کاک نه‌وشیروان له بێده‌نگی سالاندا وون ده‌بوو، زۆر که‌سیش وه‌ک ناویان نه‌بیست بێت، یان وه‌ک ئه‌ندامێکی چالاکی به‌رێوبه‌رایه‌تی ینک نه‌بووبێت له ناو خه‌ڵکدا دیدت پێده‌بردت زۆریش ده‌که‌وتنه پرسیار ده‌بێت له ده‌ره‌وه‌ی ووڵات بێت.
گرنگ ده‌بێت بزانین کاک نه‌وشیروان له‌سه‌ر چ بنه‌مایه‌کی سیاسی خۆی داڕشتووه و له هه‌مان کاتیش ده‌یه‌وێت ده‌رئه‌نجامی سیاسه‌تی خۆی وه‌ک ده‌زگایه‌ک به‌هێز بکات یان وه‌ک مه‌رجعیه‌تی مه‌زهه‌بی به‌رده‌وام بێت و هه‌وڵ بدات بگاته پێگه‌یی مه‌رجه‌ع بوون، چونکه ئه‌وه‌ی که‌مێک به لێواره‌کانی ناسینی کاک نه‌وشیرواندا شۆڕببێته‌وه و بیناسێت به‌رده‌وام ئه‌وه‌ی به‌لایی نه‌وشیروانه‌وه گرنگه له سه‌رگه‌رمی بابه‌تی سیاسی و ئاڵووگۆره‌کان ده‌رده‌که‌وێته پێش و وه‌ک ئاقڵمه‌ندێک ده‌یه‌وێت بابه‌ته‌کان تێووریزه بکات و وه‌ک خۆی ده‌یه‌وێت به هه‌موو که‌سێکیان بداته قبووڵ کردن و شیکردنه‌وه‌ی بۆده‌کات، چونکه تایبه‌تمه‌ندی مه‌رجه‌عیه‌ت ئه‌وه‌یه هه‌موو کاتێک خۆی له‌ناو بابه‌ته‌کاندا دیار ناکات، به‌ڵکوو کاته گرنگه‌کان ده‌یه‌وێت هه‌ڵووێستی یه‌ک لاکه‌ره‌که‌وه‌ی خۆی نیشان بدات، بێگومان کاک نه‌وشیروان له سیاسه‌تدا به‌رده‌وام هه‌ڵسووکه‌ووته‌کانی ئه‌م تایبه‌تمه‌ندی له‌خۆی گرتووه وه‌ک سه‌رکرده‌یه‌کی کاریزمه خۆی ناساندووه و وه‌ک چاره‌سه‌رکه‌ری کێشه‌کان دیدێکی کۆمه‌ڵایه‌تی بۆخۆی دروست کردووه.
بۆیه ئه‌گه‌ر کاک نه‌وشیروان ئه‌م فکره‌یی بۆخی لاپه‌سه‌ند نییه؟ ده‌بێت وه‌ڵام ده‌ربێت بۆ ئه‌وه‌ی به ساڵانێک وه‌ک که‌سیی دووه‌می ینک خاوه‌ن پێگه‌یی به‌هێز بووه و ڕۆڵی گێراوه و وه‌ک مامۆستایی سیاسی و فکری و ئایدۆلۆژی ینک خۆی ناساندووه و هه‌ڵسووکه‌تی کردووه، وه‌ک ئه‌وه‌ی ئه‌و ده‌ست نیشانی ده‌کات ینک له بنماکانی خۆی دوور که‌وتۆته‌وه و خۆشی هه‌وڵیداوه چاکسازیی بکات، ده‌بیت تۆ که‌سێکی سیاسی و که‌سی دووه‌می پارتیه‌ک بیت بێده‌نگ بیت تاکوو ڕێکخستنه‌که‌ت به‌ره‌و لێواری مردن بڕوات و تۆش وه‌ک فریادره‌وس بته‌وێت ڕۆحی بکه‌یته‌وه به‌به‌ردا و هه‌وڵ بده‌یت له مردن ڕزگاریی بکه‌یت، ئه‌و کات تۆ چۆن چاوت له لاواز بوون و تێک چوونی ڕێکخستنه‌که‌ی خۆت گرتووه و بێده‌نگ بوویت، یان هێز و فکرت به‌شی ئه‌وه‌ی نه‌کردووه ڕزگاریی بکه‌یت، یان به پاساووی جیاواز ده‌ته‌وێت ڕاستیه‌کان بشێووێنیت، ئه‌ی چۆن بڕوات به خۆت بوو ڕێکخراوێکی تر دروست بکه‌یت؟ یان وه‌ک خۆت ده‌ته‌وێت هه‌مووشتێک وه‌ک تۆ ده‌ته‌وێت ببێت؟ بۆیه هه‌وڵتدا ئه‌و ڕێکخراوه‌ی به‌ناویی گۆڕان دروست بکه‌یت و خۆتیش وه‌ک مه‌رجه‌ع هه‌ڵسووکه‌وت بکه‌یت، ئه‌م هه‌له‌شت بۆڕه‌خسا و ده‌ستت گرت به‌سه‌ریدا، ئه‌ی بۆچی نه‌بوویت به سه‌رۆکی فراکسیۆنی گۆڕان یان هه‌وڵت نه‌دات خۆت له‌ناو په‌رله‌مان زیاتر خزمه‌ت بکه‌یت، چونکه هیچ نه‌بێت تۆ هه‌موو که‌سایه‌تیه‌کانی ینک و پدک باش ده‌ناسی و ده‌توانیت زیاتر چاکسازییه‌کان به‌رجه‌سته بکه‌یت و ده‌سه‌ڵاتیش به‌ره‌و ڕێچکه‌ی گۆڕانکاری و خزمه‌تگوزاری به‌ریت، یان وه‌ک ده‌رده‌که‌وێت، ده‌ته‌وێت له گرده‌که هه‌موو كه‌سێک بێن گوێ له بڕیاره‌کان بگرن و وه‌ل خۆت ده‌ته‌وێت جێبه‌جێی بکه‌ن؟.
له نووسینی بابه‌ته‌یی له ژێر ناویی هاوپه‌یمانی سه‌رۆکایه‌تی هه‌رێمدا، چه‌ند خاڵیکی گرنگ هه‌یه که مرۆڤ ده‌ست نیشانی ده‌کات، هه‌ندێک بابه‌تی یاسایی سه‌رۆکی هه‌رێم گرنگ و بایه‌خدارن، به‌ڵام ئه‌وه‌ی جێگایی سه‌رنجه کاک نه‌وشیروان خۆی به ڕزگارکه‌ری ینک ده‌بینێت و خۆی به خاوه‌نی ینک ده‌بینێت. هه‌وڵ ده‌دات له دۆخی داڕمان یه‌کێتی ڕزگاربکات و ینک بگه‌ڕێنێته‌وه پێگه‌یی جارانی خۆی، ئه‌مه سیاسه‌تێکی سه‌یره تۆ خاوه‌ن ڕێکخراوێکی به ناوی گۆران. هه‌وڵ بده‌یت پارتییه‌کی تر ڕزگار بکه‌یت.! له‌لایه‌کی تریش به هه‌موو شێوه‌یه‌ک پرۆسه‌ی راگه‌یاندن دژیی ینک له ئاستی ژووردا به‌ڕێوه ده‌به‌یت، بۆیه ده‌بێت ئه‌م ڕاستیه‌ش له نه‌وشیرواندا به ڕوونی دیاری بکرێت ئه‌گه‌ر مه‌رجعیه‌ت نه‌بێت بۆچی ئه‌م هه‌ڵووێستانه نیشان ده‌دات، ئێستا ده‌یه‌وێت پێگه‌ی مه‌رجعیه‌ت بوونی خۆی له‌سه‌ر ینک و گۆڕانیش فه‌رز بکات و هه‌وڵدانی بۆده‌کات یان ده‌یه‌وێت سۆزیی خه‌ڵکانی یه‌کێتی بۆلایی خۆی ڕابکێشێت.
له‌لایه‌کی تره‌وه هه‌موو ده‌زانین کاک نه‌وشیروان ناوێکی گه‌وره‌ی بۆخۆی دروست کردووه و هه‌موو کاتێک هه‌بوونی هه‌بووه، به‌رده‌وامیش وه‌ک سه‌رکرده‌یه‌کی سیاسی و ڕۆشنبیر و خاوه‌ن کاریزمه نه‌خشێنراوه و هه‌موو کاتێک هیوایه‌کی بۆ خه‌ڵکانێک دروست کردووه.! ده‌مه‌وێت لێره‌وه‌ش ده‌ست نیشانی خاڵێک بکه‌م ئه‌گه‌ر که‌سایه‌تی نه‌وشیروان وه‌ک باس ده‌کرێت چۆن توانی ڕێگا بدات ینک به هاوکێشه سیاسیه نه‌خوازراوه‌کاندا تێبپه‌ڕێت و به‌رده‌وام تووشی هه‌ڵکشان و داکشانی سیاسی هه‌رێمی و ناوخۆی بکات و بگاته ئاستی لێکترازان و ده‌سته‌به‌ندی ناو ڕێکخستن و دابه‌شکردنی ده‌سه‌ڵاتی یه‌کێتی له‌سه‌ر بنه‌ماکانی گۆتره‌چێتی، هه‌تاکوو بگاته ئه‌و قۆناخه‌یی که ئه‌مڕۆ تێیدا ده‌گوزه‌رێت، هه‌مان کاتیش نه‌وشیروان به په‌ژاره‌وه ده‌ڕوانێته ینک و هه‌وڵی گه‌ڕانه‌وه‌ی پێگه‌که‌ی جارانی بۆده‌داته‌وه، به‌ڵام ڕێگا و میتۆده‌کانی ده‌بێت چ بێت.؟؟!!
بێگومان ده‌بێت ئه‌م پرسیاره ئاڕاسته‌ی کاک نه‌وشیروان بکه‌ین ده‌بێت هه‌وڵ بدات به‌رده‌وامی به سیاسه‌تی ناڕوونی خۆی بدات، یان هه‌وڵ بدات وه‌ک مه‌رجه‌عێکی باشووری کوردستان یان ناوچه‌ی سلێمانی خۆی داسه‌پێنیت و خۆی ڕابگه‌ێنێت.
ئه‌وه‌ی که‌مێک شاره‌زایی مه‌رجه‌ع بوون بێت که پێگه‌یه‌کی مه‌زهه‌بی و زۆر کاتیش نه‌ته‌وه‌ی له خۆی ده‌گرێت، به‌رده‌وام کاره‌کته‌ری ئه‌م که‌سانه هه‌وڵدان بووه به شێوه‌یه‌ک خۆیان بگه‌ێننه پله‌ی مه‌رجه‌ع بوون بۆیه هه‌موو کاتێک سیاسه‌تی پشتی په‌رده و پیلانی شاره‌وه وه‌ک میتۆد و شیوازی کاره‌کانیان له‌خۆی ده‌گرێت و له‌کاتی ناسک و یه‌کلاکه‌ره‌وه‌ی هاوکێشه‌کان ڕۆڵی خۆیان نیشان ده‌ده‌ن هه‌وڵ ده‌ده‌ن ده‌نگی نارازیی له‌خۆیان کۆبکه‌نه‌وه و یان له ڕێگایی به‌ده‌ست هێنانی پرۆسه‌یه‌کی گه‌وره ده‌یانه‌وێت هه‌موو کاتێک ئه‌م که‌سایه‌تیانه سه‌رپشک بن له بڕیاریاری کۆتایی و وه‌ک ده‌یانه‌وێت بڕیاره‌کانیان جێبه‌جێ بکرێت.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
