ڕیسوابون و داڕوخانی ترسنۆکەکان

Wednesday, 06/01/2010, 12:00

گۆڤەند:
مرۆڤ کاتێك بڕیار ئەدا کە بەرەنگاری دژواریەكانی ژیان ببێتەوە کە خۆی لەگەڵ خۆیدا ڕاستگۆ بێت. تەواوی متمانەی بە خۆی بێت لەڕوی دەرونی و نەفس جوامێری و...تاد. واتە قەناعەتی تەواوی بەوە هەبێت کە دەتوانێ لە دژوارترین چرکەساتدا وڕە بەرناداو خۆی بێ ئیرادە ناکات. مرۆڤ کاتێك بڕیار ئەدا کە ملی ڕێگەیەك بگرێ نەك بە ڕوکەش بەڵکو لە ناخیدا خاوەنی وڕەو بەجەرگییەکی لەبن نەهاتو بێت. پێش بڕیاردان حسابی بۆ هەمو ئەو کەندو کۆسپانە کردبێت کە لەو ڕێگەیەدا دێتە ڕێگەی. بۆ نمونە کیژە کوردێك کاتێك بڕیار ئەدات چەکی شەرەف بکاتە شانی و ببێتە گەریلاو هاوشانی براکانی لە بەرامبەری دوژمناندا تا دوا تنۆکی خوێن بجەنگێ . هەڵبەتە ئەو کیژە کوردە خاوەنی ئیرادەی خۆیەتی و متمانەی تەواوی بە خۆ ڕاگری خۆی هەیە و بڕیاری داوە تەنها مەگەر بە مردویی تەسلیمی نەیارو دوژمنەکەی ببێت . یان نوسەرێكی نیشتمان پەروەر کاتێك پێنوس دەگرێتە دەست تا لە ڕێگەی پێنوسەکەیەوە کەوەك چەکێك وایە بەرەنگاری سیاسەت و درۆو دو ڕویی و نیشتمان فرۆشی دەسەڵاتێك لە دەسەڵاتە دیکتاتۆریەکان ببێتەوە دیارە ئەویش پێش گرتنە دەستی پێنوسەکەی و پێش نوسینی یەکەمین نوسراو دەبێ حسابی بۆ ئەوە کردبێت کە ئەو ڕێگەیە مرۆڤی ئازاو بەجەرگی پێویستەو کەسانی ئەو بوارە ئەگەر لە ملیشیان بدەن ئامادە نین خۆیان و قەڵەماکانیان بفرۆشن بەڵکو ڕاوەدونان و لێدان و گرتن و ئەشکەنجەو کوشتنیان پێ شەرافەتمەندانە ترە لە تەسلیم بون و لە خۆفرۆشی. لە پێناوی چەند قڕوشێکدا. بەدەر لەو مرۆڤانەی کە خاوەنی ئیرادەو شەرەف و کەرامەتی خۆیان و چەکو پێنوسەکانیانن. کەس ناتوانێ بەڕو کەش نمایشتی ئازایەتی و کۆڵنەدەری بکات . ئەگەر بیشیکات ئەوە سەرنجام هەرەس و شکست و ڕیسوایی و مل شکاندن چاوەڕوانیەتی. چونکە مرۆڤی خاوەنی خود. سیفاتی ئازایەتی و پاکی و شەرەف و مەردایەتی و جوامێری وەك هیمۆگلۆبین لەگەڵ خوێنی دا تێکەڵە . نەك بە ڕوکەش. بۆیە ئەوەتا دەبینین کە سێك کە بە حساب ناویشی(پۆڵایە) چونکە لەگەڵ خۆیدا ڕاستگۆ نەبو خاوەنی ئیرادەو جوامێری نەبو بەڵکو بزنە لەڕێك بو چوبوە پێستی شێرەوە ئەمڕۆ وڕە بەر ئەداو وەك دیواری تلیساوە دا ئەڕوخێ و لە پێناوی چەند قڕوشێکدا تەسلیمی دەستی بەرپرسە بێشەرەفەکانی دەسەڵات ئەبێتەوەو بڕیار ئەدات بچێتە ڕیزی جاش قەڵەمەکانەوەو ئیتر لەمەولا بڕیاری داوە شەرەف و کەرامەت و جوامێری بگۆڕێتەوە بە پارە . وه‌ك چۆن ئافه‌ره‌ته‌ له‌ش فرۆشه‌کان جه‌سته‌یان ده‌فرۆشن له‌ پێانوی بڕێك پاره‌دا. چونکە پۆڵا لەو نامەیەیدا کە بڵاوی کردۆتەوە کە پڕیەتی لە کڕوزانەوە زۆر پێداگری لەسەر پارە کردوەو دەردەکەوێ کە پارەی گەرەکە . چونکە لە مێژە من لەم کوردستانپۆستەوە ئەوەم درکاندوە کە دەسەڵات هەندێ لەکەسانی نەفس نزمی خزاندۆتە ناو کوردستانپۆست تا هێلانەی تیا بکەن و لەوێدا بترەکێن هەر لەوڕێیەشەوە هەوڵی کڕینی هەندێ لەو کەسە ترسنۆکو بێ ئیرادانەدایە کە بە ڕوکەش کوردستانپۆستیان کردۆتە مەترێزی شەرەف. ئەگەرچی خۆفرۆشتن و داڕوخان و وڕە بەردانی سەدانی وەك پۆڵا هیچ لە هێزی چەکوشەکەی کوردستانپۆست کەم ناکاتەوە کە هەمیشەو بێ پسانەوە سەری بۆگەنی دەسەڵات و بەرپرسە داوێنپیسەکانی ئەکوتێتەوە تا ئەو ڕۆژەی مژدەی ئازادی وسەرفرازی یەکجاری بۆسەرجەم مناڵانی بێنازی خانەوادەی ئەنفال و کیمیا باران و شەهیدان و سەرجەم خەڵکی کوردستان دەهێنێ . چونکە کوردستانپۆست هەڵقوڵاوی ناو ئیرادەی تێکڕای خەڵکی کوردستانەو هەر خەڵکی کوردستانیش داینەمۆی بەرەو پێشچونیەتی.... هەر کوردستانپۆستیشە لە دواساتدا گرەوی خۆی ئەباتەوەو ترسنۆکو خۆفرۆشان لە مێژودا ڕیسواو چاو بەرەژێر ئەبن...