ئایا گۆران دەتوانێت لە هەولێر دەنگ بهینێت؟
Wednesday, 02/04/2014, 12:00
1519 بینراوە
له ٩١وه هه‌ولێر بۆتە چه‌قی ململانێی یه‌كلاكه‌ره‌وه‌ی هێز لەنيوان پارتی ویەکیتی ، به‌لام شێوه‌ی ململانێكانیان له‌بری خزمه‌تگوزاری ، شه‌ر و گرتن و ئازاردانی خه‌لك بووە، به‌تایبه‌تی له شه‌ری ناوخۆ كه‌لوتكه‌كه‌ی ٣١ی ئاب هێنانی ده‌بابه‌ی به‌عس بوو ... له‌ده‌ره‌نجامی ئه‌م شه‌ره‌دا زۆرترین گه‌نج و سه‌ركرده‌ی سه‌ربازی ئه‌وشاره شه‌هیدکەوت، به‌كۆمه ل به‌ره‌و زیندانه‌كانی ئاكرێ و مه‌سیف نێردران و بە شێوەیەکی هۆڤیانە ئه‌شكه‌نجه دران ، ئه‌مه جگه له‌وه‌ی هه‌ر له ٩١وه تا وه‌كو ئیستاش هه‌ولێر به‌شی شێری له‌گرتن و تیرۆری سیاسی و رفاندنی گه‌نجانی و نه‌بونی ئازادی سیاسی له‌م شاره و ده‌رپه‌راندنی ده‌نگه جوانه‌كانی و ئابلۆقه‌دانی سیاسی و ئیداری ئه‌م شاره بەرکەوتوە ..... به‌نمونه له ٩٥ جگه له‌شه‌ری ناوخۆ و دوو ئابلۆقه‌ی ئابوری ، پارتیش ئابلۆقه‌یه‌كی تری ئابوری خستبوه سه‌ری ، وەچەندین كۆمه‌لكوژی له‌و شاره ئه‌نجام دراوه وەک له ٣١ی ئاب و شه‌هیدكردنی ٧٠ كادیرو ئه‌ندامی پكك تادەگاتە ئه‌نفالكردنی ٧٠ كادیری سه‌ربازی دیاری یەکیتی لەهه‌ولێر ... بۆیه ئه‌و تاوانانه به‌رامبه‌ر هەر شاڕێکی تریش ئەنجام بدرایە هەمان پاشەکشە و سستی خەبات و بێدەنگی خەلکی ليدەکەوتەوە هەرچەندە ئیستا ، بەهۆی سەرهەلدانەوەی نەوەیەکی نوێێ رێچکەی سروستی خۆی گرتەوە . ، ئاخر ئەوەی لەسلێمانی له١٧ شوبات خەلک گولەباران کرا ، هه‌ولێردووجار بەهەمان شيوە خۆپیشاندەرانی گولە باران کران (١٩٩٢ ، ١٩٩٤) بێ ئەوەی یەک کەس و لایەنیش ئیدانەی بکات. له‌ته‌ك بونی هێزێیكی دواكه‌وتوی سیاسی وه‌ك پارتی كه‌هه‌موو جومگه سیاسی و ئابوری و ئیداریه‌كانی شار و كوردستانی له٩٦ داگیركردوه، وە كاركردنی پارتی و یه‌كیتی بۆفاسد كردنی خه‌لكه‌كه‌ی به‌تایبه‌تی له‌ناو نوخبه‌ی رۆشنبیرانی كه‌ده‌یان زه‌لكاویان دروستكردوه.
هه‌ر هێزه‌ك بیه‌وێ شه‌ری پارتی له‌م شاره بكات ده‌بێت:
یەکەم:
كار بۆ ژیاندنه‌وه‌ی كه‌رامه‌تی هه‌ولێریه‌كان بكات، نه‌وه‌ك گالته و سوكایه‌تی پێ بكرێ وه‌ك ئه‌وه‌ی له١٧ شوبات، ڕوبه‌روی سوكایه‌تیه‌كی زۆریان كرده‌وه له‌كاپێكدا هه‌موو ئه‌وانه‌ی سوكایه‌تیان پێده‌كرد خۆیان بوێری ئەوەیان نه‌بوو بەسەردانیش بینە هەولێر .
دووەم:
هه‌ر هێزه‌ك بیه‌وێ له‌هه‌ولێر جەماوەرێکی بەرفراوان پەیدا بکات، ده‌بێت دۆسیه‌ی ٣١ی ئاب بجولێنێ چونكه ئه‌م دۆسیه‌یه گه‌وره‌ترین ئازاری هه‌ولێریه‌كانه.
سێیەم:
ئەوەی بیه‌وێ شه‌ری پارتی له‌م شاره‌دا بكات ده‌بێت كاركردن له‌سه‌ر سیمبول و كه‌سایه‌تیه ناوداره جوانه‌كانی پیره هه‌ولێر ، كه به‌داخه‌وه تائیستاش هیج مینبه‌رێ نه‌هاتوه ئه‌و دۆسیانه له‌پارتی گه‌وره بكات لەکاتێکدا پارتی كۆمه‌ڵێک ره‌مزی سه‌پاندۆته سه‌ر خه‌لكەکەی کە هیچیان هه‌ولێری نین، ئه‌مه‌ش مافێیكی ره‌وای هه‌مو شارێیكه ره‌مزه‌كانی گرنگی پێ بدرێ ، خۆشبه‌ختیه‌كه‌ی له‌وه‌دایه پارتی له‌گه‌ل ره‌مزه‌كانی هه‌ولێر ناكۆكه و کەمترین دەنگی جوانی لەمیژویدا پێ دروست بوە ، به‌نمونه عه‌بدولخالق مه‌عروف ، سه‌رده‌شت عوسمان ، قاره‌مانه‌كانی پارتیزانی شار ، هونه‌رمه‌نده ره‌سه‌نه‌كانی.
چوارەم:
هه‌ولێر شارێیكی میژوییه وه‌هه‌ندێ گه‌ره‌كیشی كه‌لتوریه به‌لام پارتی ئه‌و شاره‌ی بە به‌رزكردنه‌وه‌ی باله‌خانه‌ی به‌رز ویران کردوە سیمای ره‌سه‌نی تێكداوه.
پێنجەم:
هه‌ولێر بۆتە دوبه‌شی هاوشێوەی تورکیا (ئاسیا و ئه‌ورپا) واتا كۆمه‌لێ گه‌ره‌كی له‌لوتكه‌ی خۆشیدا ده‌ژین لایه‌كی به‌رفراوانیش لە ژیانێیكی تردا ده‌ژین
شەشەم:
ده‌یان گه‌نجی هه‌ولێر هیشتا له‌زیندانه‌كانی پارتیه ، به‌شێكیان ١٠ سال زیاتره نه‌دراوه‌ته دادگا ، به‌داخه‌وه هیچ لایه‌نێ نه‌هاتوه ئه‌م دۆسیانه بكاته رۆژه‌ڤی كاركردنی خۆی
حەوتەم:
ره‌مز یان سیمبول بۆهه‌ر شارێ له‌جولاندنی خه‌لكه‌كه‌ی گرنگه ، گۆران ئه‌م خاله له‌سه‌ری نه‌وه‌ستاوه ، كادیری جه‌ماوه‌ری له‌م شاره دروست بكات یان كۆمه‌لێ ره‌مزی جوانی جه‌ماوه‌ری چونكه هه‌رگروپ وکەسایەتیەی تاده‌بێته په‌رله‌مانتار دێته ناو خه‌لك، ئیتر دوای پەرلەمانتار بونیان به‌قودره‌تی قادر خۆیان له‌ناو خه‌لك ون ده‌كه‌ن ، راستی ئه‌مه‌ش سه‌یری دووگروپه‌كه‌ی پێشوی په‌رله‌مانیان بكه‌ن چه‌ندیان له‌ناو كارو چه‌ماوه‌ری دەبینرێن!؟
سەرباری هەموو ئەوانەش لەئیرهابی پارتی و هەلرشتنی پلە وپایە و گەشەی هەلپەرستی لەناو کۆمەلگا و ئازارە گەورەکەی هەلبژاردن (ساختەکاری) هیشتا پارتی بەشێکی کەمی دەنگدەری هەیە لەچاو دژیان رەخنەگرانی
له‌م جه‌ند ساله‌ی گۆران دروست بوه كاری له‌سه‌ر ئه‌مانه نه‌كردوه ، ته‌نیا كارێیك كردبێتی له‌روی راگه‌یاندنه‌وه هاریكاری جولانی كه‌یسه‌كان بوه ، وه‌ماوه‌یه‌كیشه هه‌ندێ كادیریان دینه ناو كارو چالاكیه‌كان ، به‌لام خودی ئه‌و بزوتنه‌وه‌یە نه‌ی توانیوه سه‌روه‌ریه‌كی گەورە بۆ ئه‌م شاره تۆمار بكات ، جگه له‌وه‌ی بوێریه‌كیان داوه‌ته خه‌لك و ركابه‌ری پارتی تاراده‌یه‌ك ده‌كه‌ن به‌لام له‌كارو چالاكیش ئه‌ندامه‌كانی یه‌كجار سست و دوره په‌رێزن وه‌ك پارتی ویه‌كێتیەکان له‌باره‌گاكان قسه ده‌كه‌ن و نایه‌نه ناو خه‌لك و جه‌ماوه‌ره‌وه.
من ده‌زانم ئه‌م جاره گۆران ده‌نگی زیاتر له‌پیره هه‌ولێر ده‌هێنێ با پارتی هه‌ر ساخته‌ش بكات چونكه خه‌لك ترسی شكاوه و هاوکیشەکان گۆراوە و هه‌ست ده‌كات پشت و په‌نایه‌كی هه‌یه، گه‌ر دوباره روبه‌ری زولم و سته‌می هاوشيوه‌ی نه‌وه‌ده‌كانی لێبکرێتەوە . به‌لام ئه‌گه‌ربه‌رنامه‌ی كۆنترۆلی هه‌ولێر یان زۆرترین ده‌نگی ئه‌م شاره‌یان هه‌بوایه ده‌بوایه له‌م چه‌ند ساله به‌به‌رنامه پرۆژه و كاری گه‌وره‌یان بۆ بكردایه نەوەک تەنیا لەکاتی بانگەشەکان، لەسەر هەولير بوەستن؟ به‌لام له‌ئه‌مرۆكه‌وه‌ش هه‌ر گرنگه ده‌ست به‌گرنگیدان به‌تایبه‌تمه‌ندیه‌كانی ئه‌م شاره بكه‌ن به‌تایبه‌تی كه‌هه‌لمه‌تی هه‌لبژاردنه ئه‌گه‌رنا خه‌لك هه‌موی ده‌زانی پارتی و یه‌كێتین چین وچ ئازارێكی ئه‌م شاره و خەلکی وکردستان دەدەن ، به‌لام قولبونه‌وه بۆناو ئازاره خه‌فه‌كراوه‌كان گرنگه
