ستانده‌ر نهێنی كۆبونه‌وه‌كه‌ی نێوان ئۆباماو بارزانی ئاشكرا ده‌كات
Monday, 07/12/2009, 12:00
تایبه‌ت
دوای گفتوگۆو مشتومڕێكی زۆر له نێوان لیسته‌كانی عێڕاقدا لیستی كوردستانی به قائیمه‌ی 48 كورسی چوویه ناو دانشتنه‌كان له دوای ئه‌وه ئۆباما په‌یوه‌ندی به بارزانیه‌وه كرد له ڕێگه‌ی ته‌له‌فۆنه‌وه ئه‌و كاته ڕاگه‌یاندنه‌كان باسیان له‌وه كرد كه بارزانی و ئۆباما باسیان له په‌یوه‌ندییه‌كانی نێوان هه‌ردوو لایه‌ن و كێشه‌كانی عێڕاق كردووه به‌ڵام ئه‌و ڕاگه‌یاندراوه له ڕاستیه‌وه نزیك نه‌بوو.
به‌پێی زانیاریه‌كان له سه‌رۆكایه‌تی هه‌رێمه‌وه ئۆباما داوای له بارزانی كردووه كه به ئیتیفاقه‌كان ڕازی ببێت و ژماره‌ی كورسیه‌كانی كوردیش كه‌مبكرێته‌وه بۆ 40 كورسی ئه‌مه‌و ئه‌و فشارانه‌و ته‌نازوولی ده‌سته‌لاتی كورد وا ده‌كات كه پێگه‌ی كورد زۆر لاواز ببێت به جۆرێك كورد پۆستی سه‌رۆك كۆمارو چه‌ندین پۆستی تریش له ده‌ست ده‌دات.
به‌پێی بڕوای چاودیڕانی سیاسی هۆی ئه‌و شكستانه‌و ته‌نازوول كردنه‌كانی ده‌سته‌لاتی كوردی بۆ هه‌ردوو سه‌ركرده‌ی كورد تاڵه‌بانی و بارزانی ده‌گه‌ڕێته‌وه كه‌وا ده‌زانن هه‌موو كێشه‌و گرفته‌كان به‌وان چاره‌سه‌ر ده‌بێت و ده‌سته‌لاتیان به ده‌سته بۆیه له‌لایه‌ن هێزی ده‌ره‌كیه‌وه فشاریان ده‌خرێته سه‌ر.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
