پەنجەم ببڕن هەڵنابژێرم فایلدارو كۆنە بەعسی
Monday, 13/04/2009, 12:00
1350 بینراوە
بڕۆن بۆ دەربارى مەسعود
داگیرسێنن لە سەرگۆڕى ئاشبەتاڵ بخورو عود
هەڵگرنەوە پاشەڵى پیس و دڕواتان
لەبەركەنەوە كورتانى دوێنێ و كرنۆش بەرنەوە دەست و برد
ئێمە ئێوە جێئەهێلین ، وەلێ لێتان نابینەوە
مێژووى خۆمان هەڵگرین و سەرلەنوێ ئەینووسینەوە
جێى ئەهێڵین ریزى فایلدارو بەعسی
مل كەچ ناكەین بۆ دۆلار و پۆست و كورسی
بۆ كورد ژیاوین هەربۆئەویش سەرى بەرزمان ئەنێینەوە
فێرنەكراوین سەرشۆربژین یا كاسەتان بلێسینەوە
ئێوە تەورى دەستى رەش و برینێكى كێم كردوون
ئێمە داربەڕووى شۆڕشین سروودى ژیان ئەڵێینەوە
ئێوە مۆرانەى كۆڵەكەى ناو ماڵ و كرمى دارن
ئێوە مۆتەكەى بیم و ترسی ناو خەونى هەموومانن
ئێوە ئێستا هەر بەراستى بوونەتە جەندرمە و ئاخوند
وەك ئەو زۆڵانەى بردەبنە جەستەى گەل و نیشتمانم
نازانم چیتر بنووسم دەربارەى تۆ
كە لەلاى من هێند بچووكى ناكەویتە بەرنوكى قەڵەمى ویژدانم
گێلە پیاوى وەك بارزانى و شۆڕسوارەكەى ئاشبەتاڵ
ئەوەى ژەهرى نەزانى ڕشت ناودەمى مێژووى كردم تاڵ
رۆشنە وەجاخى چۆپی بە دەبەنگێكى ڕووبەخاڵ
روڕشی دنیاوقیامەت جێ نزرگەت بێ كۆى زوخاڵ
