لە دانیمارک یادی ١٧ ی شوبات دەکرێتەوە!!

Saturday, 16/02/2013, 12:00

كه‌مپه‌ینی به‌رگری له‌ ئازادی و خواسته‌كانی خه‌ڵكی كوردستان



كه‌مپه‌ینی به‌رگری له‌ ئازادی و خواسته‌كانی خه‌ڵكی كوردستان له‌ دانیمارك، ساڵیادی (17)ی شوبات به‌چه‌ند چالاكییه‌ك ده‌كاته‌وه‌.
له‌ ئاگادارییه‌كه‌دا كه‌ بۆ (سبه‌ی) نێردراوه‌ كه‌مپه‌ینه‌كه‌ ...رایگه‌یاندوه‌: بۆ زیندو راگرتنی (١٧ شوبات) رۆژی ناڕەزایەتی و خەبات بۆ بەدەستهێنانی داخوازییەکان، بۆ وەفاداری و دوپاتکردنەوەی داخوازییەکانی (قوربانیەکان)، بۆ بەردەوامبونی پشتیوانی لە خەڵکی کوردستان و بەهرەمەندبون لە ژیانێکی ئازاد و یەکسان، بۆ وەستانەوە لە دژی سەرکوتکردن و گەندەڵی و ناعەدالەتی، کەمپینی بەرگری لە ئازادی و خواستەکانی خەڵکی کوردستان_دانیمارک ، هەڵدەستێت بە سازدانی ئێوارە کۆڕێک.
لەو ئێوارە کۆڕەدا دو بابەت پێشکەش دەکرێت، به‌مشێوه‌یه‌:
بابەتی یەکەم: (١٧)ی شوبات و کاریگەرییە ناوچەیەکان و ئەرکەکانمان لەلایەن (هیدایەت مەلا عەلی)، بابەتی دوەم: دیوی ئەودیوی دیاردەکان و سایکۆلۆژیای جەماوەر لەلایەن (ئاراس وەهاب).

سه‌عات (١) ی پاش نیوەڕۆی رۆژی یه‌كشەممە (١٧/٢/٢٠١٣) له‌ کولتور هوسی ڤالبی.
ئەدرەس:
Valgrdsvej 4-8
2500 Valby