حاكم قادر خۆی دزە، که‌چی به دوای دزدا دەگەڕێ
Sunday, 13/09/2009, 12:00
میژووی شارێك. لە چیرۆكی خیزانێكەوە دەستپێ دەكات، هەڵوێست و مۆڕاڵ و ڕۆڵی شارێكیش، ئایندەی میللەتێك دەستنیشان دەكات سەرنج ئەم ریپۆرتاجەم لە سەرەتای ئیمساڵدا بەهۆی هاوڕییەكی شارەوە نارد بۆ ڕۆژنامەی (هاوڵاتی) لە سلێمانی لە ترسی حاكم قادر، ته‌نانه‌ت ویستم پاره‌ش بده‌م، که‌چی بۆیان بڵاونەكردمەوە.
كوردستانپۆست بۆیە تەویڵ بەرزە، چونكە ئاوڕلەكیشەی گشت كەسیك دەداتەوە. ئەو سەكۆفراوان و بڵنگۆ و دەنگه زووڵاڵەیە، كە دەسەڵاتی مافیای كوردی ڕسوا كردووە. من ئەگەر نووسەرێكی كوردستانپۆستیش نەبم، هاوووڵاتێكی كوردستانیم، كە بە دەستی دەسەڵاتی پیسی مافیای سیاسیی و مۆڕاڵی خێزانێكی ساخته مافم له کوردستاندا زەوتكراوە. بۆ من پیرۆزترین ماف و سامان. ئازادیی خود و پینوسەكەمە، نەك سەرمایە و زەوی و خانوو.
بەدریژای تەمەنی نووسین و چالاكیم ئەمە پرینسیبم بووە، بۆیە هەمیشە پینوسەكەم بێترس خستۆتە خزمەت برسیی و بیكار و ئافرەتە داماوەكانی نەتەوەكەم، چونكەخودی خۆم كوڕی كۆڵهەڵگریك (حمال)ی هەژاری سلیمانیم. لە ئازاری هەژار و که‌مده‌رامه‌ته‌کان دەگەم.
سەرمایە، بێهەڵویستی مرۆڤ و میژووه‌که‌ی جوان ناكات. زۆرن ئەوانەی بە دەوڵەمەندی مردوون. تەمەنی ماتەمینی بۆیان چەند ساتیكی كەمبووە. زۆرن ئەوانەی بەهەژاری مردوون و تا مرۆڤایەتیش بمینێ، رۆژی مردن و لەدایك بوونیان له یاد ناکرێت و لە ئاگایی نەوە دوای نەوەدا دەمێنێتەوە. عەولەسیس كریكاریكی دەست و پەنجە زبر و قووڕاوی سلیمانی بوو، خۆی كردە قوربانی كێشەی نەتەوەكەی. دوای خۆی میژوویەكی سه‌ربه‌رزیی بۆ خۆی و نه‌ته‌وه‌که‌ی جێهێشت. مەسعود و جەلال و تحسین شاویس و جەلادەكانیان (قادرییەكانیان) له نموونه‌ی (حاكم قادر و سەرۆقادر) که دوای مردنیان نەعلەت وچەمۆڵەی میژوویان لێده‌نرێت. بیستووتانه دزێك پەیكەری بۆكرابێت بۆ هەمیشە بە پیوەمابێت؟ سەدام و شا و پیاوەكانیان زۆریان دزی و زۆر پەیكەر و ینەیان بەجوانی بۆ كێشان، که‌چی كۆتاییان به‌وه هات، که چوونه زبڵخانەی میژووه‌وه. بەدڵنیایەوە دەڵێم: (ئەگەر گشت جەلالیەكان بخەینە بێژنگی ویژدانەوە، ڕایبه‌وه‌شێنیت، یەك جەلالی بە پاكی ناترازێتە بنی بێژنكەوە).
نۆڤلێتی (شارلەچاوی چیرۆكی علیەوە)+! حاكم قادر یەكیكە لە دزە هەرە دەستپیس و داوین و ویژدانپیسەكانی سلیمانی و ڕێبازیی جەلالی.
ئه‌م دزه لە ڕۆژنامەی ئاوینەدا دەڵێت: لەدووی قائیمقامی هەلەبجەدا دەگەرێن.+2
لە سەردەمی سەرۆكی شارەوانی حاكم قادردا ئەم مافیاپیسە (ئێمە ناتوانین بەزمانی بولبول ڕاڤە لەته‌ك چەقەڵ بكەین)+3 ، یەكیك لەتەك هیرۆدا شاریان تاڵانكرد، سامانیكی زۆریان بەزەوی تاڵانفرۆشتنی كوردستان كەڵەكە كرد (زۆرن ئەو نووسەرە گەوجانەی هاوبەشی ئەم تاڵانفرۆشتنە بوون)4 ئەو كاڵفامە نازانی زەوی چەند جاربفرۆشرێ و داگیربكرێت لە ئایندەدا، هه‌ر دۆسییەی ئەو زەوییە بەڵگەی پڕۆسیسە دزییەكە ئاشكرا دەكات (زەویی سامانێکی چەقییوە.. پاره‌ش سامانێکی بزیوە) با ئەم هیوایە هەڵگرین بۆ دوای ڕمانی ده‌سه‌ڵاتیی جەلالی، که هه‌ر وەك ڕمانی سەدام، من دڵنیام لەوەی ڕۆژێك دێت، دوای مردنی دیكتاتۆر گشت جەلالییەكان دەبێ دادگایی بكرێن، یەكیك لەوانە حاكم قادری دزە، بەهیوای ئەوەی كاربەدەستە وردیلەكانی ئاسایشی سلیمانی هیندە هوشیاربن لە بەر ویستی حاكم قادر و مافیاكانی تری جەلالی دەستی خۆیان و یژدان و میژوویان پیس نەكەن، ئەوە بخەنە بەرچاوی خۆیان، که چۆن دوای ڕمانی سەدام پیاوانی بەعس و شەلاتییەكانی ملازم موحسین بەر دادگای گەل بوونەوە به (بلۆك) سزایان دان. لە هەر شوێنێکدا خه‌ڵکی هانای برده به‌ر بلۆك و بەرد ئەوە سمبووڵە بۆ توڕەبوونی جەماوەریكی چەوساوە و مافدزراو. ئیستاحاكم قادر، ملازم موحسینێکی جەلالیەوە، که دڕندانه‌تر هاتۆتە ویزەی شار. بەدڵنیایەوە ڕۆژێك دێت ده‌که‌وێته دەست دادگای گەل و دەوڵەت و له تۆڵه‌ی بلۆک ڕزگاری نابیـت، یەكیك لەو كەسانەی لە دادگایەكه‌دا، که دژی دەوەستێ خۆشكە خانەقینییە قوربانێکه‌یه منی ڕۆژنامەنووس: (دەڵین:حاكم قادر بەتاوانی دزی و سوكایەتی بەمرۆڤ پیویستە سزای كوشتن نەدرێ، بەڵكو بە دریژای تەمەنی زیندانی و ڕیسۆا بكرێت، پرسیار ئه‌وه‌یه ئایا جەماوەر زمانی بلۆك ده‌وه‌ستێنێت؟
نهینیی گەڕانەوەی حاكم قادربۆ دەسەڵات: كە چاوپیكەوتنەكەی خوشكە بەڕێزەخانەقینیە (من وا نەبووم حاكم قادر وایلێكردم)م بڵاوكردەوە. لە نێو قوتابیانی زانكۆ و دانیشتوانی سلیمانی توڕەبوونێكی فراوان دروست بوو. سیخوڕەكانی شار جەلالیان ئاگاداركردەوە. دیكتاتۆریش لەترسی توڕەبوونی خەڵكی شار،حاكم قادری لەسەرۆكی شارەوانی تڕۆكرد. ئەم سووكە چووە پاڵ كوسرەت. كۆسرەتیش وەك پارسەنگی سیاسیی لە نیوان كاك نەوشیروان و جەلال، ڕۆڵێكی سووكی بەرژەوەندی تێدا بینی، بۆیە لە دوا هەوڵدانی خۆكیشانەوەی كۆسرەت و گفتوگۆی جەلال و كۆسرەت لەبەغداد. كۆسرەت كۆمەڵی داخوازی لەجەلال هەبوو، یەكیك لەوانە دانی پۆستی ئاسایشی سلیمانی بەحاكم قادر بوو (واته‌حاكم قادر بەرتیلی جەلالە بۆ كۆسرەت).
ناهوشیارترین سیاسی لەم دونیادا ئەو كەسەیە، كە پشتبكاتە بەرژەوەندی گەل. دوای18ساڵ دەسەڵاتی كوردی، سلیمانی بەهۆی زۆری زبڵەوە دەناڵینێ، ئەمە درۆیكی هه‌ڵبه‌ستراو نییە، وەك درۆ زله‌کانی ڕۆژنامەنووسە دەرباره‌کانی جەلالیی و مەلایی، که سلێمانی بە شارێكی ئەوروپی پێناسە ده‌كەن.
یەكیك لە ئەركەكانی جلالیزم تیكدانی پەیوەندی و مۆڕاڵە جوانە كۆمەڵایەتییەكانی شاری سلێمانی بوو. لەم خاڵەدا جەلال بەهۆی چەند كەسانێكی مۆڕاڵنزمی سلێمانییەوە(حاكم قادر. فاروقی مەلامستەفا. دانا ئەحمەد مجید. عومەرمورتاح. به‌رهه‌م ساڵح، به‌رزان ئه‌حمه‌د کورده و.. هتد) تا ڕاده‌یه‌کی زۆر سەركەوتنی بەدەست هێنا. هه‌روه‌ها به‌هۆی کردنه‌وه‌ی سه‌نته‌ری گه‌نجان له‌لایه‌ن هێرۆی ژنییه‌وه، ڕه‌وشتی زۆر له گه‌نجه‌کانیان تێکدا. ئەو شارەی جاران مەڵبەندی كوردایەتی و هونەر ئه‌ده‌ب و مەڵبەندی ڕاپەرینی كوردان بوو، ئیستا بۆتە شاریكی پڕمافیا (بەڕێژە نەك به گشتی) ئیستامۆڕاڵی زۆربەی ئەم شارە لەكەڵەکه كردنی سەرماییەدایە، نەك له هه‌ستیی كوردایەتی و وڵاتپارێزیی و مۆڕاڵی جوان. گرنگ نییەچۆن و بە چ شێوەیك دەوڵەمەند دەبی. گرنگ ئەوەیە دەوڵەمند و خاوەن سامان بیی.
من ده‌ڵێـم : میژووی شارێك، لە چیرۆكی خیزانێكەوە دەست پێدەكات، هەڵویست و مۆڕاڵ و ڕۆڵی شارێك ئایندەی میللەتێك دەسنیشان دەكات.
خۆینەری بەڕێز ئەم چیرۆكەی خواره‌وه که ده‌یخه‌مه به‌رده‌ستتان، چیرۆكی كۆمەڵە كەسانێكی بێویژدان ومۆڕاڵپیسی خێزانێكی شاری سلیمانیە، بەیارمەتی مافیاكانی شار و ئاسایشی سلێمانی و تاپۆی سلیمانی و وەزارەتی داد، بە كۆمەڵێک بەڵگەوە، ساخته‌ێكانتان نیشان دەدەین. تكایە سەرنجتان لە سەربەڵگەنامەكان چربكەنەوە.
ماوەی14ساڵە ماڵی براكەم لە خانوەكەی مندا بە بێكرێ تێیدا دەژین، كاتێك زانیان من ئه‌مڕۆ بەهۆی هەڵویستی سیاسیەمەوە ناتوانم بۆ کوردستان بگەڕیمەوە، هاتن بەهۆی(وكالەتێكی) ساخته (تزویر)ه‌وه خانووەكەی منیان لەسەرخۆیان تاپۆ كردوە. ئەمە چیرۆكی ڕووداوه‌که‌یه:
ئەكتەرە ساخته‌کاره‌کان:1- (شیركۆ چنگیانی) شیركۆحمەسالح عبداللە(فرانكفورت).هونەرمەندی مۆسیقی
2- شاباز حكیم هندی، كارمەند لە تەلەفزوێنی گەلی كوردستان.
3- حكیم هندی، کۆنه جەلالیی و هاوڕێی حاكم قادر.
4- حیكمت هندی، هونەرمەند و سەرۆكی سەندیكای مامۆستایانی سلێمانی (جەلالی) ئه‌وه‌ی که له‌گه‌ڵ بارزان خه‌ڵووزدا، ده‌ستیان گرتووه و بۆ عه‌زیزی وه‌یسی هه‌ڵده‌په‌ڕن.
5- حاكم قادر بەریوەبەری ئاسایشی سلێمانی ئیستا، و سەرۆكی شارەوانی سلیمانی كۆن.
6- كۆمەڵی لێپسراوی تر، که لەكاتی پێویستدا ناویان دێت.
ئاسۆ حمەسالح عبداللەجنگیانی: لە شاری (برلین) لە سەفارەتی عیراقی لە بەرلین وەكالەتێك دروست دەكات بۆ شیركۆحمە ساڵح (شیركۆ چنگیانی)ی برای. (شێركۆ چنگیانی هونەرمەندی مۆسیقاژەنگی دانەری ئاوازی گۆرانیەكانی هونەرمەند مستەفا دادە) دەرچووی پەیمانگای هونەرە جوانەكانی سلیمانی و ئۆكسترای ئەڵمانیا و قوتابی مامۆستا ئەنوەرقەرەداغییه (بەڵگەی ژمارە1).
ئەو وكالەته‌ی که دروستی ده‌کات، لە سلیمانی بەناوی من و خوشكەزایەكی شیركۆ چنگیانی، كە ناوی (شابازحكیم محمد) كوڕی حكیم هیندی كارمەند لە تەلەفزوینی گەلی كوردستان (بەڵگەی ژمارە2).
شیركۆچنگیانی: (هونەرمەند) وكالەتەكە دەبات بۆ وەزارەتی داد له هه‌ولێر بۆ وەرگرتنی ڕەزامەندی. شیركۆ كە هاوڕێی (هەڵكەوت زاهیر)ی ڕاویژكاری نیچیرەڤان بارزانیە. بەهوی(هەڵكەوت زاهیرەوە) وەزارەتی داد، ڕەزامەندی لە سەر ئەو وكالەتە ساخته‌یه دەدەن. كارمەندانی وەزارەتی داد
چونکه ویژدانیان پیسكراوه، بۆیه خیانەتیان لە سویندی یاسای پیرۆزی پیشەكەیان کردووه، که وەك ئەندامی وەزارەتێكی هەستیاركردوە ئەو وكالەتە ساخته‌یه پەسەند دەكەن (بەڵگەی ژمارە3).
1- قادر بارام فەتاح (دادنووس).
2- ڤینۆس بكر حمەعلی (بەڕیوەبەری پەیوەندییەدادی ویاسایەكان).
3- فەرج مستەفا بكر (بەشی نۆینەرایەتی).
4- ئاسایشی سلیمانی و پەسەندكردنی و كالەتی ساخته‌کار.
ئاسایشی سلیمانی بۆ بێڕێزكردن و سوكایەتییكردن بە هەژارانی شار. پاڵەوانێكن، وەك پاڵەوانەكانی ملازم موحسن.
لە بەر ئەوەی پەیوەندی نیوان (حكیم هیندی و وەستاحەسەن) پەیوەندیی شاخ و جەلالی بوون، ئاسایشی سلێمانی بە چاویلكەیەكی ڕەشی جەلالییەوە، ڕەزامەندی لە سەر وكالەتە ساخته‌کارییە دەكەن (بەڵگەی ژمارە4).
دوای ڕەزامەنی وەزارەتی داد و ئاسایشی سلیمانی ئەو خیزانە پیسە ویژدان مردووه دەچن، بۆ تاپۆی سلیمانی (كارمەندانی تاپۆ سلیمانیش یان نه‌زان بوون، یان ئه‌وه‌ی کاره‌که‌ی به‌ڕێکردووه، دۆلاریان وەرگرتووە. بە ئیمزای تاوانبار (شاباز حه‌كیم هیندی)، خانووەكەی من دەدزن و تاپۆکه‌ی ده‌خەنە سەرناوی (خانم غه‌ریب) دایكی شیركۆ چنگیانی و خەسوی تاوانبار (حكیم هندی) (بەڵگەی ژمارە5).
سەرنج: ئەو وێنەی من كە لەو وكالەتەدا به ساخته دانراوه، لە ئەنتەرنیتدا وه‌ریانگرتووه و كۆپیانكردوە بە پێ یاسا بۆ كاری فۆرمی بەكارنایەت.
دوای ئەوەی كوردستانپۆستی جەربەزە بەدواداچوونی بۆ ئەم ساخته‌کارییه كرد و زۆر هوشیارانە و مۆدیرنانە ئاسایشی سلیمانی ئاگاداركردەوە. ئاسایشی سلیمانی نامەكانی ڕەزامەندی وەزارەتی دادی هەریمی كوردستانی و وینەیەكی وەكالەتە تەزویرەكه‌ی بۆ كوردستانپۆست نارد. كوردستانپۆستیش بەمەبەستی گەیشتن بەڕاستی سەردانی سەفارەتی عیراقی لە بەرلین كرد و وه‌كالەتە تزویرەكەی نیشاندان. سەفارەتی عیراقییش بۆیانڕوونكردنەوە، كە ئەو (وكالەتە) لە نیوان حمەجەزاعبداللە ناسراو به (جەزاجنگیانی) و (شابازحكیم محمدە) کراوه، ساخته‌یه، بەنامەیەكی فرمی ئەو كارەی ئاشكراكرد (بەڵگەنامەی ژمارە6) هەروەها بەهۆی پاریزەریكی ئەڵمانیەوە (ئاسۆ حەمەساڵح عبداللە خاوەنی وكالەتەكە بەزمانی ئەڵمانی نامەیەكی نووسیوە كەتیدا گەواهی لەسەر ئەودە دا كە شیركۆ چنگیانی برای و ئەو وه‌كالەتەوه ساخته (تزویر) كردوە بێئاگایی خۆی لەو كاره‌ساختانە دەنووسێ و بەراوركردن لە نیوان هەردوو (وه‌كالەتەكەدا) تەنیا ناوەكان گۆڕاوە.
ئەم كارە چۆن كراوە؟ كێ ئاسانكاری بۆ كردووە: حیكمت و حكیم و حاكم:
حكیم: حكیم هیندی باوكی شاباز حكیم محمد، كارمەند لە تەلەفزوینی گەلی كوردستان
حكمت: (حكمت هیندی سەماكەری عه‌زیز وه‌یسیی له بەرنامەی بەرنامە)، هه‌روه‌ها سەرۆكی سەندیكای مامۆستایانی سلێمانی جەلالی و مامی شاباز حكیم محمد.
حاكم: حاكم قادر: سەرۆكی شارەوانیی سلیمانی تڕۆكراو و سەرۆكی ئاسایشی سلیمانی ئیستا.
پڕۆسێسی ئەم ساخته‌یە : لەو ساتەوەی، که من چاوپیكەوتنی خانمە بەڕێزە داماوەخانەقینییه‌كەم بڵاوكردەوە، كە تێداحاكم قادر تاوانبار ڕیسۆابوو. حاكم لە كۆمەڵە ڕێگەیەكەوە هەوڵدەدات تۆڵە لە من بكاتەوە. بە ڕیگەی یاسایی و كۆمەڵایەتی و هەڕەشەكردن لەلایەن چەند كەسێكەوە. حاكم قادر و حكمت هیندی سەماكەری نێو بازنەی بەرنامەی بەرنامە و حكیم هیندی باوكی ساخته‌کار (شابازحكیم هیندی) ئەم كارە مەیسەر دەكەن. حاكم قادر بەم شێوەیە گەره‌كێتی كەمێك ئازاریی دەرونیی خۆی ساڕێژ بكات، یان بە هۆی زەوتكردنی خانۆكەمەوە من بگەڕێنێتەوە بۆ سلێمانی، تا تۆڵەی خۆی له من بكاتەوە.
حاكم قادر و شكات: حاكم قادر شكاتی لێكردوم. لە یاسای گشت دونیادا وایە، ئەگەر ڕۆژنامەنووسێك شكاتی لێكرا پیویستە ئەو دەزگاییەی ئەو كاری تێدا دەكات، بە نامەیەكی فه‌رمی ئاگاداریی شكاتلێکراوه‌که بکات و ئه‌و داوایه‌ش بگاته ده‌ست ئه‌و که‌سه، هه‌روه‌ها که‌سه‌که ناونیشانی نه‌بوو، یان له ده‌ره‌وه‌ی وڵات بوو، ئه‌وا له ڕاگه‌یاندنه‌کان، به تایبه‌تیی له حاڵه‌تی ئه‌وه‌ی مندا، ده‌بوو له کوردستانپۆستدا وشیارییان پێ بدامایه، كەسێك تاوانی خرایە پاڵ مافی دەدریتی كەبەهوی پاریزەریكەوە داكۆكی لەخوی بكات.دوای گۆیگرتنی دادەو رو سەیركردنی بەڵگەكان دادوەر بریار دەدات.
لێ بەداخەوە گەندەڵی دەسەڵاتی سیاسیی کوردیی گەیشتۆتە ناو دادگاکانیش. حاكم قادر بە هەرنرخ و بەرتیلێك بووبێ بەڕێز قازی (توفیق نامق ڕەزا) بڕیارێكی قەرەقوشیانه گرتنی من دەردەكات (بەڵگەی ژمارە7).
وەك مافزەوتكراوێك، چ لە سلێمانی بەهۆی پارێزەر بەڕێز كاك (سه‌لاح محمد.. ناسراو بە مام سۆران و لە ڕێگەی پاریزەر فایسندۆرڤە لە ئەڵمانیا داوای مافی خۆمم كردووە، سوپاس بۆ هەردوو پارێزەری چالاك و بەڕێز، دیاره ئیستا دزییەكەش بۆ یاسا ئاشكرابوو.
دوای ئاشكرابوونی ئەم دزییە بە پێ تەلەفونیك ئەندازیاری ئەم كارە، ساختەکار (سوركیۆ حمە سالح عبداللە چنگیانی) و (سوركیو چنگیانی) كۆنە ئەفسەری جەلالی (دانیشتوی شاری موینشنی ئەڵمانی) و برای شیركۆ حەمە ساڵح و ئاسۆ حمە سالح و خاڵی شاباز حكیم هیندیە. بە پشت قایمی مامۆستاجه‌مالی (ئەندامی سەركردایەتی یەكیتی و لیپسراوی كەرتی ئەوروپا لە هۆڵندا، که برای زاواكەی حكیم هندییه. ئەم ساخته‌یە دەكەن.
خۆینەری خۆشەویست ئەمەی كە لە بەر دەستاندایە، چمكێكی گەلێك پچوكی ئەو گەندەڵی و ساخته‌ی و بێڕەوشتییەیه، كە ئیمڕۆ لە باشوری كوردستاندا دەسەڵاتی مافیا بەرامبەر بە هاووڵاتیان دەیكەن. ئاشکراکردنی ئەم ڕاستییانە، تەنیا شتیك ده‌خاته روو، که دەسەڵات چۆن توانیویتی دەست بخاتە نێو ڕەوشت و ویژدان ومۆڕاڵی تاكەكانی كۆمەڵ و خیزانەوە. ئەم كارە بێ بەرنامە نییە. مەبەستیش تەنیا سوككردن و چۆكدادانی كەسایەتی مرۆڤی كوردە، لە ئاست بەرژەوەندی تاك و پشتگۆیخستنی بەرژەوەندی باڵای نەتەوە.
لە پیناوی ڕوونكردنەوە و وەرگرتنی ڕاستی بۆ هەموو ڕۆژنامە و گۆڤار و دەستگایەكی میدیا هەیە، که بە دواچوون لەمەڕ ئەم بابەتە بكات، منیش ئامادەم کۆمه‌کییان بکه‌ن و به‌ڵگه‌ی زیاتر بخه‌مه به‌رده‌ستییان. ئەم كێشەیەش بە تەواوی بەڵگەكانەوە خراوەتە لێكۆلینەوەی یاساییەوە لە ئەڵمانیا..
+ 1: (شارلەچاوی چیرۆكی عەلییەوە) نۆڤلێتیكی چاپ نەكراوە. تیداچیرۆكی ئەو منداڵە جوانانەی سلیمانی دەگیرێتەوە، كە جلالییە هەتیوبازەكان، لە ساڵی 1966 بەدوواوە بەزۆر ده‌ستدرێژیی سێکسییان کردۆته سه‌ریان.
+2: ڕۆژنامەی ئاوینە ڕۆژی.
+3: توژینەوەیەكی سیاسییە لەسەر ڕێز لە دیالۆگی سیاسی
+4: بەختیار علی فایلدارە كوردستانپۆست.
+5: چاوپێكەوتن (من وانەبووم حاكم قادر وای لێكردم) كوردستانپۆست
لێرەدا تەواوی بەڵگەكان دەبینرێ:
به‌ڵگه‌کان: بۆ بینینی به‌ڵگه‌کان، یه‌کسه‌ر کلیکی نووسینه‌کانی خواره‌وه بکه:
یەكەم بەڵگە وكالەتی ئه‌سڵی نیوان ئاسۆ حمەسالح و شیركۆ حمە ساڵح دەرچوو لە سەفارەتی عیراق - برلیندووهەم بەڵگە وكالەتی ساخته(تزویر) پشتگیریی به‌شی نوێنه‌رایه‌تی هه‌رێم له ده‌ره‌وه‌ی کوردستان له ئه‌وروپا گوایه ئه‌و به‌ڵگه ساخته‌کاره ڕاستهچوارهم بەڵگە: نامەڕەزامەندییەكانی وەزارەتی دادبەڵگەی پێنجه‌م تاپۆ ساختهكەوێنهی شکاتی حاکم قادر له جه‌زا چنگیانی (1)وێنه‌ی شکاتی حاکم قادر له جه‌زا چنگیانی (2)وێنه‌ی شکاتی حاکم قادر له جه‌زا چنگیانی (3) نامەی ئاسۆ حمە ساڵح بە زمانی ئەڵمانی بۆ پاریزەری ئەلمانی) نامەی بەڕێز پارێزەر كاك سه‌لاح محمد (مام سۆران) بۆ پارێزەری ئەڵمانی نامه‌ی ئاسایشی سلێمانی
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
