ئەودزانەى هەولێریان بەتاڵان برد وئەوبەرپرسانەى بەپارەیەكى زۆر شەوى سوریان بەسەربردووە كێن؟ ـــ بەشى یەكەم .

Sunday, 23/05/2010, 12:00

لەپەرتووكى بزیشكى تایبەتى فیرعەون نووسەرى پەرتووكەكە(سینۆهە)دەڵێت:
(من دڵنیام ڕۆژگارێك دێت بەرەوپێشچوون دەگاتەلووتكە،بەڵام ئەوەى ناگۆڕێت ووێرانتردەبێت نەفامى مرۆڤەكانە!!)

دواى قسەكردن لەسەربیروبۆچوونەكانمان لەمەڕتاوانباران وئەنجامدەرانى تیرۆركردنى كاكە سەردەشت،ئێستاپێویستە خۆمان بۆبەرنگاربوونەوەى تاڵانچیەكانى وڵات وداوێنپیسەكانى دژبەنیشتیمان ئامادەبكەین،لەوكاتەى بابەتێك لەسەركەسێكى باڵاى حزب بڵاودەكەینەوە وەك ئەوەى قودسمان بەئیسرائیل فرۆشتبێت كەسانێك وەها دڵ تەنگن!!هەندێك كادیرى نەفامى حزبیش خەتى سورمان نیشاندەدەن و لەخەتەرى بابەتەكە ئاگادارمان دەكەنەوە،ئەگەرچى لاى من خەتى سووربەتەنهالەگەرمى پێو هەیە،بەڵام بیریان دەخەمەوە بەرلەوەى هەرچى كەسە لاى من خەتى سووربێت،قەرات ومنارەو قەیسەرى وگەڕەكى عارەبان وخانەقا وتەیراوە وسەیداوە لاى من خەتى سوورترە!!!

من نازانم ئێستا من وسەرجەم خەڵكى هەولێربەچ سیفاتێك لەهەولێردادەنیشین؟نازانم ئەرك ومافمان لەگەڵ هەولێرى دێرین چى یە؟ئایابەچاوى میوان سەیرناكرێین؟كێ كەفالەتى ئەوەدەكات ئەگەرباپیرى(نزارحەنا)بێت قەرات ناڕوخێنێت و نایكات بە فرۆكەخانى تایبەتى بازارى نیشتیمان؟كامەمان دڵنیاین بەناوى كەرتى تایبەت شوێنەوارەكانیشمان وێران ناكەن؟من باب وباپیرانیشم لەهەولێرلەدایك بوونە خاوەنى(1)مەترزەوى نیم،كەچى نزارحەنا(3000)هەزاردۆنم لەناوجەرگەى هەولێردەكرێت بەناوى،هەرلەبەرخاترى ئەویش هەزاران ماڵ نانیان دەبڕدرێت!!!خەوتووەخەلفاوەكان ئەوانەى سەد دۆلار لە ناوگیرفانەكانتان فەتاح پاشایە كامەیان خەتى سوورە تاڵانكردنەكانى نزارحەناكان یاخود ناڵەكانى ئێمەى زووڵم لێكراوى هەولێرى؟من لەئیمڕۆبەدواوە بەدواى تاڵانچیەكان وداوێنپیسەكان دەكەوم وئاشكرایان دەكەم،لەنزیكترین كاتیش كەمپین لەدژیان درووست دەكەم.

هاوڕێیەكى پارتیم بۆى گێڕامەوە،كەدراوسێیەكیان بێوەژنە وخاوەنى6منداڵە لەبەرنەبوونى ژەمى ئێوارەیەك جلى خۆى فرۆشتووە،لەوكاتەبیرمكەوتەوە،كەبەرپرسى باڵابەناوى(ف)بۆخاترى ڕابواردنى یەك شەوى سوور(6)دەفتەرى بەخانمێكى بیانى داوە،لەكاتێك بەشەوڕۆژ نەوتەگرانبەهاكەى كوردستان بەخۆڕایی بەرەوئیران بەڕێدەكرێت وحكومەت باج لەسەرماچكردنى هاوسەرى خۆشت دادەنێت وهەزاران كۆمپانیایی بیانى ئەوانەى تووشى شكست بوونەولەسەرپارەى كوردستان خۆیان بەرزدەكەنەوە،جگەلەڕێژەى17%وگومرگەكانى كوردستان و ڕسومات وچەندانى تر لەپایتەختەكەى عبدوڵاپەشێو ئافرەتێكى بێوەژن خاوەنى6هەتیوجلى خۆى بۆیەك ژەمى ئێوارە بۆبرسى نەبوونى منداڵەكانى بفرۆشێت وبەرپرسێكیش 6دەفتەربۆیەك شەوى سوورخەرج بكات!!!كواخواى بەرپرسەكەت وكواخەتى سوورەكەت؟براى خەوتوو.

دزوداوێنپیسەكان ئاگاداربن!!!
لەئیمڕۆبەدواوە تاوانكاریەكانتان وسەرەڕۆییەكانتان بەئاشكرابڵاودەكەمەوە،ترسم لەخۆتان وچەكدارەكانتان وهەرچى شتەنى یە دەبێت نیشتیمانى جەرگ سووتاوى هەولێرلەدەستى زاڵمیتان ڕزگاربكەم،ئێوەتائێستا خەڵكى ئەم شارەبەنەفام دەزانن وكەسێك نەبووە بەرامبەرتان بووەستێتەوە ئەگەرواش بڕوات لەوشارەش بەدەرمان دەنێن!!لەبابەتەكانى داهاتوو زۆرجوانتربەخەڵكتان دەناسێنم وئەوخەڵكەى ئێوەبەنەفامى دادەنێنن چۆن لەقورخكاریەكانتان ئاگاداردەكەمەوە!!!
تێبینى:
لەبەشەكانى داهاتوو سەرجەم زەوی یەزەوتكراوەكانى هەولێرلەلایەن كەسەكان وداوێنپیسەكانترى بەرپرسان بڵاودەكەمەوە...چاوەڕوان بن.
[email protected]