زۆر سوپاس بۆتۆ خودایه به‌س نیه پارتى نه‌بووم
Sunday, 06/10/2013, 12:00
2105 بینراوە
ئه‌گه‌ر خودا نه‌خواسته منیش پارتی بوومایه، ده‌بوو كڵاو و جامانه‌یه‌كى سورم له‌سه‌ر بكردایه، بچوومایە له سه‌ر گۆڕه‌كه‌ى مه‌لا مسته‌فا بارزانى وێنه‌یه‌كم بگرتایه، له ماڵیشەوە وێنه‌ى مه‌لا مسته‌فام به گه‌وره‌ى هه‌ڵبواسیاییه، وێنه‌ى مه‌سعود بارزانیم له به‌ر هه‌یوانەکەمان، وێنه‌ى مه‌سرور بارزانى له نێو ئاوده‌سته‌كه‌مان، وێنه‌ى نێچیرڤان بارزانى له حه‌مامه‌كه‌ماندا و وێنه‌ى ئیدریس بارزانى له ژوورى نووستن هه‌ڵبواسیایه. ده‌بوایه وێنه‌یه‌كیشم له‌گه‌ڵ بابۆ و مه‌نسور و مه‌سرور و نێچیرڤان و كوڕكه‌ى نێچیر و مه‌سرور و مه‌نسوردا بگرتایه، وه‌ك كۆیله‌یه‌ك له فه‌یسبووكدا وێنه‌كانییانم بڵاوبكردایه‌ته‌وه، لە ژێریانەوە لێم بنووسیاییه (بەندە... لەگەڵ ئه‌م سه‌ركرده خاكیانه‌دا).
ئه‌بوایه خه‌ڵكم كۆبكردایه‌ته‌وه ده‌نگى خه‌ڵكم ته‌زویر بكردایه، له برى مردوكانیش ده‌نگم بدایه، هه‌ر كه‌سیش رێگرى بكردایه له به‌رده‌مما وه‌ك كورى كابراى یه‌كێتى ته‌ختمان بكردایه و سه‌رپه‌رشتى گروپێكى پاراستنیشم بكردایه، به جلى مه‌ده‌نیه‌وه باره‌گاى حیزبه‌كانمان بسوتاندایه.
ئه‌بوایه سه‌رده‌شته‌كانم بفراندایه و تیرۆرم بكردایه، دواتر بشموتایه ده‌ستى له‌گه‌ڵ تیرۆریستاندا تێكه‌ڵ كردووه.
ئه‌گه‌ر خودا نه‌خواسته پارتى بوومایە، دەبووه قوتابى زانكۆم كه‌ر بكردایه و بمبردنایە بۆ سه‌ر گۆڕى مه‌لا مسته‌فا بارزانى، ده‌بوو سه‌رۆكى زانكۆ و مامۆستاى زانكۆ هه‌مووى هه‌ڵقه له‌گوێى من و پاراستن بوونایە و چیم پێ بگوتنایه ده‌ست به‌جێ جێبه‌جێ بە زۆر پێم جێبكردنایە.
ئه‌بوایه فەرمانی دادگام بخستایه‌ته ژێر پێكانمه‌وه، چونكه زۆربه‌ى دادوه‌ره‌كان كۆیله‌ى پارتیمانن و هه‌شیانه كار بۆ پاراستن و جاسوسى به‌سه‌ر خه‌ڵكه‌وه ده‌كات. ئه‌بوایه من پاره زۆربه‌ی رۆشنبیران و رۆژنامه‌نووسانم بكڕیایه و ئه‌وانیش له نووسینه‌كانیاندا بیان گوتایه بارزانى فه‌یله‌سوفه و نێچیرەڤان بارزانیش پیاوى ده‌وڵه‌ته!
ئاى خودایه زۆر سوپاس، كه پارتى نییم، چونكه ئه‌گه‌ر پارتى بوومایە دەبوو ملشۆڕ و چڵكاوخۆر و كاسه لێسى به‌رده‌م ماڵى بارزانى وڵاتفرۆش و خیانه‌تكار بومایه.
