گۆڕانى ریشەیی لە دیدى (کریشنا مورتیدا) ژمارە (2)(بەرەو ئاسۆى گۆڕان)

Monday, 06/07/2009, 12:00

(جیدۆ کریشنا مورتى) لە ساڵى 1895 ز لە هیندستان چاوى بە دنیا هەڵهێناوەو لە تەمەنێکى کەمدا ئەم مرۆڤە دیدو ئەندێشەیەکى زۆر باڵاى هەبوە ، پاشان لە ساڵى 1929 بە تەواوى بریار دەدات بە شێوەى مەسیح ئاسا ماڵو سەروەتو سامانى لە ناو دەباو دەڵێت (حەقیقەتى سەر گۆى زەوى بێ جادەیەو) ناتوانم لە رێگاى هیچ مەزهەبو فەلسەفەو هیچ حیزبێکى رەسمى لێى نزیک ببم ، پاشان کریشنا باقى تەمەنى لە سەرتاسەرى جیهاندا وەک پەیامبەرێکى مرۆڤ دۆستی گۆى زەوى ناسرا ، وە سەرنجى مرۆڤایەتى بە لاى خۆیدا راکێشا بێ ئەوەى هیچ بەرنامەو دینو بڕوایەک هەڵبژێرێت ، یان پێى کاریگەر بێت ، ئەگەر بمانەوێت باسى ژیانى کریشنا بکەین ئەوە دەیان کتێبو وتار لە سەر ژیانى نوسراوە ، بەڵام ئەو کورتەیە لە ژیانى بۆ ئەوەیە تا ئێستا نەمدیوە هیچ نوسەرێکى کورد یان هەرکەسێک لە ناو رەوتى ئەدیبو نوسەرانى کورددا باس لە کریشنا بکەن ، ئا لێرەوەیە دەمەوێت باس لە وتەکانى کریشنا بکەم کە بە درێژایی زیاتر لە پەنجا ساڵ ئەو بە جیهاندا گەراوەو باسى لە گۆرانى ریشەییو زۆرشتى تر کردوە کە لە بەشەکانى ترى ئەم سیلسیلە وتارەدا باسى دەکەین ، تاکى هۆشیارو بە ئاگا ئەتوانێت لە رێى هۆشیاریەوە بگاتە ئامانج ، ئەوەى کە کریشنا جەختى لە سەر دەکردەوە خۆ ناسینو دەرک کردن بە نفوزە مەزهەبیەکان ، دیاری کردنو جیا کردنەوەیان ، وە شەرتى بونى میلى گەراییانە و زۆر شتى تر کە لێرەدا هەندێک لەوانە باس دەکەین ، کریشنا وەک کەسێکى ئاسایی روبەڕوى هەموو مرۆڤێک دادەنیشتو لە هەموو شوێنێکى ئەم دونیایە کۆڕو کۆبونەوەى کردوە ، خاوەنى زیاتر لە شەست کتێبە کە هەمویان ئەو کۆرو کۆبونەوەو دەس نوسو وتارانەن کە لە جیهاندا ئەنجامی داون ، کریشنا تا ساڵى 1986 کە ساڵى مردنى دەکات 90 نەوەت ساڵ بێ وەستان بە جیهاندا گەڕاوەو پەیامى مرۆڤ دۆستانەى گەیاندوە بۆ ئەوەى چیتر مرۆڤ لە بنەڕەتەوە بگۆڕێت ،
شەرتى بوون

شەرتى بون یان خووگرتنێکى بێ مانا ...
لە کاتێکدا باسى شەرتى بون دەکەین کە لەم وڵاتەى ئێمەدا گەلێ بەرفراوانە ، وەک شەرتى بون بە کورسیەک ، شەرتى بون بە سەروەتو سامانى زۆر ، بێ ئامانجیو هیچو پوچى ، پربون لە غیرەو غەرەزى بێ کۆتا ، محارەبە کردن ، جاسوسى کردن شەخسى بۆ ئامانجە بەتاڵه کانى تاکى گەندەڵ ، دەس بڕینو نان بڕینو روتو رەجاڵى ، نەخۆشیو برسێتى ، تێکدانى سروشتو پیس کردنى ژینگە ، ئاسنو کورسى پەرستى ، بون بە کۆیلەى تەکنۆلۆجیاى بێ سەرەو بەرە ، خۆ پڕ کردن لە زانیارى بێ دەر ئەنجام تەنها وەک میمۆریەکى بێ سود ، ئەمانەو زۆر شتى تر ، بەڵام گەورەترین کێشە لە ئێستادا بۆ ئێمە جۆرى شەرتى بونە بە کورسى دەسەڵات کە کاریزمایەکە بۆ چەوسانەوەى مرۆڤەکانى تر ، کورسى دەسەڵات لە ژێر سایەى خواوەندێک یان فیرعەونێک یان کۆمەڵە خەڵکێکى کەم بە بێ پرەنسیپەکانى یاسا لە سەروى یاساوە ئەوان خواوەندن کە لە بنەڕتدا هیچ بنەماو بیرو مەبدەئێک کۆى نەکردوەتەوەو لە هەمان کاتدا ئیدیعاى ناوى جیاواز جیاوازو بێ بنەما دەکات بۆ ئەوەى خەڵک بێ دەنگ بکات وە ئەگەر بێ دەنگیش نەبون ئەوە هێز بە کار دێنێ دووبارە لە ژێر ناوى جیادا ، ئەم جۆرە شەرتى بونەیان وەک جگەرە کێشان نیە ، یان تلیاکو مەشروبو حەشیشە نیە ، کورسى پەرستەکانى وڵاتى من زۆر لەوانە خراپتر شەرتى بوون ، کە ئەوە نەخۆشیەکى کوشندەیە تەنها ئەنتى تاکى گشت چارەى دەکات ، ئەگەر تاک توانى خۆى ئازاد بکات لە کۆتوبەندى شەرتى بون ، بە تایبەت شەرتى بونە گچکەکان لە خواروى دەسەڵات بۆ کۆمەڵگا ئەو کاتەیە کە ئیتر ناڵێت (من تازە ناتوانم) ناتوانم تەرکیکەم ناتوانم باسى کەم ناتوانم ناتوانم تاد... کاتێ دواى ئەوەى کە تاک گەیشت بە خود ناسى دەرک کردن بە پەژارە ، بە دڵنیایی ئەتوانیت هەموو شتێکى خۆى بگۆریت ، چونکە هەموو شتەکانى ژیانى خۆت چۆنى بوێت واى دەگۆرێ بۆ خزمەتکردنى وڵاتو چواردەورەکەى کە پێى دەوترێت بەر پرسیارێتى گشتى ، بە بڕواى من ئەوەش هەڵبژاردنى جۆرێکى نوێیە لە پێکەوە ئاسودە بون ، وە کەس ناتوانێت رێگاشم لێ بگرێت ، ئیتر نانم ئەبڕیت ، دڵم ئەشکێنێت ، ئەمکوژێ ، زۆر ئاساییە گرنگ ئەوەیە من یان دەبێت بمرم یان دەبێت بە سەربەستى بژیم ، بۆ ئەوەى خۆم چارە نوسى خۆم دیارى بکەم ،
شەرتیی بوونە بنەڕەتیەکان

هەندێک شەرتى بون هەیە لە مرۆڤدا بنەڕتیە ، بۆ نمونە تۆ کە لە کوردوستان لە دایک دەبیت ئۆتۆماتیکى بە کوردى ئەدوێیت وە خەڵکى کوردوستانیت بنەماڵەکەت لە چ دیانەتێک بن تۆش بە هەمان شێوە ، لە ئەمریکا بیت یان لە هەر شوێنێکى دونیا بیت ، بەو قاڵبو شەرتى بونە بیردەکەیتەوە کە کلتور تۆى لێ پڕ کردوە ، تا ئەو کاتەى تاک دەبێتە خاوەنى خۆى خاوەنى بیرو مەبدەئى ، ئایا ئیتر پێویست نیە خۆت بگۆریت ؟ بۆ مرۆڤێکى تەواو ، وە خۆت داکۆکى لە مافى خۆت بکەیت وە لە سەر حەقى خۆتو وڵاتەکەت پەنجە بکە بە چاوى شێردا نەک گەندەڵ ، ئەگەر چاوەڕێ بیت دەسەڵاتێکى بێ بەرنامەى کورسى پەرست خزمەتت بکات ، من پێم وا نیە لە کۆیلایەتى زیاتر هیچت بۆ بکرێت ، ئەوە ئەرکى هەموومانە ئەزمونى کوردو کوردوستا بە گۆڕانى ریشەیی بپارێزین کە خۆمان بیگۆرین نەک دەستى دەرەکى بمان بگۆرێت چونکە ئێستا ئەم کیانە کە کورد هەیەتى زەمینەیەکى گرنگە کە بتوانین خۆمان بیگۆرین .

گۆڕانى ریشەیی ئەرکى هەموو مرۆیەکە

گۆڕانى ریشەیی ئەرکى هەموو مرۆیەکە ، ئیتر ئەو سیاسەت وانێکە ، یان بزنس مانێکە هونەرمەندێکە ، مەلایەکە ، هەر کەسێکە ، وەک کریشنا دەڵێ یان کەسێکى ئاسایی وەک منە ، تا دەرک بکات بەو بەدبەختیو دیشواریو پەژارەیە ، لە هەر شوێنێکە هەر ساتو زەمانێکە ، ئەوە بەرپرسیارێتى ئێمەیە هەموو ئەوە بگۆرین ، ئەوەش بەرپرسیارێتیەکى گشتیە ، دەبێت واز لەو ئارەزوە هیچە گچکە خۆ پەرستانەیە بێنین ، کە هیچ خزمەتێکمان پێ ناکات لە پەژارە زیاتر ، لە ئێستادا کە گۆڕان هاتوەتە کایەکەوە یەکەم شت بتوانین لە ژیانى نییاندەرتاڵى خۆمان خۆمان رزگار بکەین ، بەڵام کێشەکانما لە کێشەى وڵاتانى تر سەنگینترە ، سەنگینیەکە لەوەدایە کە دەبوو دەسەڵاتى کوردى دە ساڵ پێش ئێستە با دورتر نەڕۆین ، دەستور و یاسایەکى نوێى دیموکراتیانەى بە پرسى خەڵک دیارى بکردایە ، پێشمەرگە ، پۆلیس ، قەزاوپارێزگاکان ، هەموو دامودەزگا حوکمیەکان ، لە ژێر سایەى یاسایەکى دەستورى سەربەخۆى یەکسان بێ جیاوازى منوتۆو هەرکەسێکى ترى دەسەڵات دار ، یان بێ دەسەڵات کۆ بکردایەتەوە ، دەبو لە دواى ئەو هەموو نەهامەتیە کە بە سەر کورد هاتوە رەگو ریشەى نا یەکسنیو بەعسیزمى دەربهێنرایە ، وە ئێمە دەبێت حوکمەتێکى یەکسانى خواز بێنینە کایە بێ جیاوازى هەمووشتێکى ژیان دابین بکات ، خانو زەوى ، خواردنى پاک ، کارەبا ، سەیرانگاو گەشتو گوزارەکان ، رێک خستنى کەرتى تایبەت بۆ زیاد کردنى بودجەى هەرێمەکەمان نەک لە پارەى میلەت کۆمپانیاو کەرتى تابەت بەخێو بکرێت کە ئێستا زۆرێکیان وان ، دیارى کردنى بودجەى هەرێمى کوردوستان بە هەموو وردەکاریەکانیەوە ، پێشخستنى بوارەکانى ئەدەبو هونەر ، بیمەو دابین کردنى ژیان بۆ هەموو گەنجێک ، ئاسودەیی بۆ ژیانى مناڵان ، ئاسودییو پاراستنى مافى مێیینە ، ئاسودەیی بۆ پیرو پەک کەوتەو بێ کەسو کیان ، مەنهەجى نوێى خوێندنو بیناى قوتابخانەکان لە زیندانەوە بگۆردرێت بۆ خوێندنگاى پێشکەوتو ، خەرجى سۆسیال بۆ ئەو کەسانەى بێ کارن تا کارێکیان بۆ پەیدا دەکەن وە زۆر شتى تر ، کە دەڵێیت گۆڕانى ڕیشەیی ئیدى هەموو شتێکى ژیان دەگرێتەوە ، گەر بە یاسا رێک بخرێت کارى یەک ساڵ زیاتر نیە ، بەڵام وەکو برا گەورە کۆمەڵێ خەڵکى چاوبرسى حوکمرانى بکات بۆ هەزار ساڵى تر هەر وا دەبێت ، پاشان ئێمە ناڵین هیچ نەکراوە بەڵام حوکمەتى عێراقى بەعسى پێشو بیکردایە ئەوەى هەر دەکرد هەزار ساڵى تریش حوکم بکەن ناتوانن سەدێکى وەک سەدى دەربندیخان دروست بکەن ، کەواتە کرماشانو سنەو مەهاباد لە چیان کەمە خۆ فارس حوکمى دەکات ، شورەیی نیە حوکمەت سەروەتو سامانى خەڵک بە خەڵک بفرۆشێتەوە ؟؟!! ئەو شتانەى کە ئێمە نیمانە هەموى پێداویستیە سەرەتاییەکانى مرۆڤە ، لە چاو دەوڵەمەندى وڵاتەکەمان ، وە ئەو بودجە زۆرەى کە هەمانە و کەس نازانێ چۆن خەرج دەکرێت ، دەنا زۆر بە ئاسانى ژیانى هەموو هەرێمى کوردستانى پى باش دەکرێت ، کە هیچ نەبێت لە ژیانى نیاندەرتاڵى رزگار ببین ، کە هێشتا ئەم شتە سەرەتاییانە ناو نانێم گۆڕانى ریشەیی بەڵام ئەوە هەنگاوێکە وە زەمینەیەکە بۆ گۆڕانى ڕیشەیی لەگەڵ جیهان .
 
www.youtube.com/nwenarmusic

www.facebook.com/nwenarmusic

لینکى چەن وتارێکى ڤیدیۆیى کریشنا مورتى .

www.kfa.org/intro-video.ph

www.youtube.com/watch?v=WEIfMqM5wnM

تێبینی به ڕێوبه ری هونه رمه ند: سایتی (سبه ی) ئه م بابه ته و چه ند بابه تێکی تری پێشتری هونه رمه ند نوێنه ر ئه حمه د'ی بڵاو نه کرده وه نامه شم بۆ ناردن هۆکاری بڵاوکردنه وه ی بابه ته کانم پێبڵێن وه ڵام نادن نه وه.
سایتی (ئاوێنه - هاوڵاتی) هیچ بابه تو نوسینێکی هونه رمه ند نوێنه ر ئه حمه د بڵاو
ناکاته وه.
چه ند سایتێکی تر بابه ته کان بڵاو ناکاته وه! له داهاتودا باسی ئه وانه ش ده که م.

به شی یه که می بابه ته که: http://www.kurdistanpost.com/view.asp?id=8b773827