بۆ دوونیای جوانه‌مه‌رگ

Thursday, 12/06/2014, 12:00

1892 بینراوە

که‌با پیر بوو

چۆن تێبگات له‌ڕازی گوڵ

که‌بێهه‌ست بوو تیشکی خۆر

ناوه‌ستێ له‌سووتانی چڵ

که‌شکابێ شووشه‌ی زانین

نه‌زانین ده‌بێته‌ سه‌رۆک

له‌هه‌ر باخێك پاره‌ بڕوێ

ده‌بێ جوانی بۆی بدات

چۆك.

(دوونیا) ده‌می بۆ ژیان نه‌برد

که‌وته‌ به‌ر چه‌قۆی

کولتووری دۆگمایی

مرۆڤه‌کان، به‌وپاره‌یه‌ی که‌وه‌رتان

گرت

بۆی بکڕن گوڵه‌ سوور

له‌نێو زیندانی کولتووردا

چه‌ندانی وه‌ك تۆ وا ماون

به‌دیار چرای خه‌یاڵه‌کان

بێخه‌به‌ر،

که‌به‌شوو دراون.



سوید