پەرلەمانی کوردستان.. شەڕ لەنێوان پەرلەمانتاراندا دروست بوو

Wednesday, 25/03/2015, 12:00

بریا ئەو شەڕە لەسەر قوتى خەڵک بوایى نەک لەسەر بیروبۆچونى جیاواز...
دوو پەرلەمانتاری پارتی هێرش دەکەنە سەر عەلی حەمە ساڵح
پەرلەمانتاران لەبارەی شەڕەکەی پەرلەمان دەدوێن

بەرلە دەستپێکردنی دانیشتنی ئەمڕۆی پەرلەمانی کوردستان شەڕە بۆکس لەنێوان دوو پەرلەمانتاری پارتی دیموکراتی کوردستان و پەرلەمانتارێکی بزووتنەوەی گۆڕان دروستبوو.

ئێڤار ئیبراهیم، ئەندام پەرلەمانی کوردستان راگەیاند: "لە ئەنجامی مناقەشەیەکی ئاساییدا دوو پەرلەمانتاری پارتی هێرشیان کردە سەر عەلی حەمە ساڵح و ئیهانەیەکی زۆریان کرد، لە کاتێکدا کە لە پەرلەمانی کوردستان لە پەرلەمانتار بدرێ، خەڵک چۆن متمانەی بەو حیزبە هەبێت، ئەوە جێگەی نیگەرانییە".

هەروەها گوتی: "هێشتا دانیشتن دەستیپێنەکردبوو، هیچ پەیوەندی بە پرسی ماوەی سەرۆکایەتی هەرێمی کوردستانەوە نەبووە، بۆیە پێدەچێت بەرنامەبۆ داڕێژراو بێت، کە من هاتمە ژوورەوە لەبەر دەرگا وەستابوون و زۆر بە ساردی وەڵامی سڵاویان داینەوە".

ئێڤار گوتیشی: "ئێمە داوامانکرد دەبێ ئەو دانیشتنە هەڵبگیردرێ و نابێ ئەو دوو ئەندام پەرلەمانە بێنەوە بەشداری دانیشتنەکە بکەن، بۆیە سەرۆکی پەرلەمان بڕیاریدا لێژنەیەک پێکبهێنرێ بۆ ئەوەی بزانین هۆکاری چییە فراکسیۆنی زەرد بەبێ هیچ هۆکارێک هەڵدەکوتێتە سەر پەرلەمانتاری ئێمە".

فایەق ، گوتی: "کاک عەلی هات سڵاوی لەوان کرد، ئەوان دەستیانگرت و گوتیان بۆت نییە باسی سەرۆک بکەی، ئەویش بەشێوەیەکی زۆر یاسایی وڵامی داونەتەوە، دیارە ئەوان مەبەستیان ئەو لێدوان و نووسینانە بووە کە کاک عەلی نووسیویەتی، لەو کاتەی کە گوتوویەتی درێژکردنەوەی ماوەی سەرۆکی هەرێمی کوردستان نایاساییە، ئەوان لێیانداوە".

ئەبوبەکر هەڵەدنی، سەرۆکی فراکسیۆنی یەکگرتووی ئیسلامی کوردستان بۆ رووداو گوتی: "لەنێو پەرلەمان شکۆی پەرلەمان شکاوە، پەرلەمانتار لێیدراوە، پێویستە دۆخەکە ئاسایی بکەینەوە، بۆ ئەوەی یاسای نەوت و غاز گفتوگۆی لەسەر بکرێ و ئەو لێژنەیەی دەستبەکارببێ، وەک پێویستە ئەو کەسەی کە پەلاماری پەرلەمانتاری داوە رێوشوێنی یاسایی لە دژ بگیرێتەبەر".

ئومێد خۆشناو، سەرۆکی فراکسیۆنی پارتی دیموکراتی کوردستان بە رووداوی راگەیاند: "شتێکی زۆر ئاسایی بوو، دانیشتنەکە راگیراوە و سەرۆکایەتی پەرلەمان لەگەڵ لێژنەکان کۆدەبێتەوە و دواتر دەکرێ لە ئەنجامەکەی ئاگادارتان بکەینەوە و ئێستا ناتوانین هیچ بڵێین، بەڵام ئێمە وەکو فراکسیۆنی پارتی نیگەرانین بە هەر دۆخێک کە تووندوتیژی لێبکەوێتەوە و لەگەڵ هێورکردنەوەی دۆخەکەداین".




هەرکەس پرسیاری هەبوو لە سە بابەتەکە دەتوانم لێرە ولامی بدەمەوە

https://www.facebook.com/SzayGel