پارتی و یه‌کێتی له‌ که‌رکوک تێکشکاون، ده‌یانه‌وێ فێڵ بکه‌ن

Friday, 19/02/2010, 12:00

په‌یامنێرمان له‌که‌رکوکه‌وه‌ ئه‌م هه‌واڵه‌ی پێڕاگه‌یاندین. که‌وا سه‌رچاوه‌یه‌کی نزیك له‌ پاراستنی پارتی ئه‌و هه‌واڵه‌ی ده‌مڕاستکرده‌وه‌، که‌ دوای ئه‌وه‌ی یه‌کێتی و پارتی له‌که‌رکوك به‌ته‌واوی بێ ئومێد بوون و نه‌یانتوانی په‌نجا سه‌یاره‌ پڕ له‌جه‌ماوه‌ری خۆیان کۆبکه‌نه‌وه‌ وبانگه‌شه‌ی ‌هه‌ڵبژاردنی پێبکه‌ن له‌ بازاڕو شه‌قامه‌کاندا، له‌پیلانێکی نوێدا پارتی ده‌یه‌وێت خه‌ڵکی که‌رکوك چه‌واشه‌ بکات و له‌ هه‌شت ڕۆژی داهاتوودا نزیکه‌ی 500 ئۆتۆمۆبیلی مۆدێل نوێی پڕ له‌سه‌رباز و ئه‌ندام و لایه‌نگری خۆی له‌ هه‌ولێر و دهۆك بهێنێت بۆ که‌رکوك بۆ دوو ئامانج:
یه‌که‌م: بۆ به‌رز کردنه‌وه‌ی ووره‌ی ڕووخاوی کادیرو ئه‌ندام و لایه‌نگرانیان له‌ که‌رکوك.
دووه‌م: بۆ چاوترساندنی جه‌ماوه‌ری گۆڕانخوازی که‌رکوك.