گۆران بە کامیان دەکرێت، چه‌كوشه‌كه‌ی كوردستانپۆست، یان مۆمی گردەکە؟
Saturday, 18/02/2012, 12:00
ده‌مێكه خه‌ڵكی كوردستان له‌وه دڵنیابوون كه ئه‌بێت ئه‌م دوو بنه‌ماڵه‌یه فرێ بدرێنه ناو زبڵدانی مێژوو،ده‌مێكه خه‌ڵكی دركیان به‌وه كردووه بنه‌ماڵه‌ی جه‌لالی و مه‌لایی ته‌نها دووخیانه‌تكاری بازرگانی كوردین و له‌سه‌ر خوێنی شه‌هیده‌كان هاتوون تاوان و كوشتن و ناهه‌قی ده‌رهه‌ق به‌م گه‌له سته‌م دیده‌یه ئه‌نجام ده‌ده‌ن،ئێمه هه‌موومان ئه‌وه ده‌زانیین ئه‌م دووبنه‌ماڵه‌یه دووده‌سه‌ڵاتن نوقمی تاوان و ناعه‌داله‌تی و دزی و كوشتن و برین و خیانه‌تی نه‌ته‌وه‌یین گه‌ربێتوو په‌شیمانیش ببنه‌وه و ببن به‌دوو فریشته بۆ كورد ،له‌به‌ر ئه‌وه‌ی مێژوویان له‌ئه‌لفه‌وه تاكو یاو گشتی خیانه‌تی نه‌ته‌وه‌یین ،گشتیان ده‌ستیان سووره به‌خوێنی كورد ئه‌وا خه‌ڵكی به‌فریشته‌یی ئه‌وان رازی نابێت و هه‌ر ئه‌بێت سه‌رانی ئه‌م دووبنه‌ماڵه خۆفرۆشه نه‌وه‌ك چیتر حوكمی وڵاتیان له‌ده‌ست بێت به‌ڵكو ئه‌بێت له‌ناو دادگای گه‌ل هه‌روه‌كو موباره‌ك و سه دام حسێن دادگایی بكرێن و نوسه‌رو مێژوونوسه‌كانی كه‌بۆ ئه‌م دوو بنه‌ماڵه خۆفرۆشه ئه‌نوسن ریسوایی بكرێن و ئه‌وكات وه‌ك ئێمه‌ی كه‌له‌كوردستانپۆست ئه‌نووسین ناویان شاراوه بێت به‌ڵام جیاوازی ئێمه‌و ئه‌وان له‌وه دایه ئێمه دژی دزی و خوێنرشتنی سه‌ركرده‌و پیاوكوژه‌كانی ئه‌وان ده‌نوسین بێ هیچ به‌رامبه‌رێك ئاماده‌ین بۆ خوێنی شه‌هیدان و مناڵه بنێشت فرۆش و مناڵه بۆیاغچیه‌كانی سه‌رشه‌قام و بۆ ئه‌و ماڵه‌ی كه نیوه‌رۆیان سه‌ر سفره‌كه‌ی رۆژێك له‌رۆژان خواردنێكی شایسته نه‌بووه بیخۆن ،به‌ڵام ئه‌وان بۆ پاره‌و ئیمتیازات و خه‌ڵاتی سه‌ركرده‌كانیان ئه‌نوسن .
ئه‌وه‌ی له كوردستانپۆست ئه‌نوسێت ویژدانی بۆ مێژوو ئاسوده ئه‌كات، ئه‌وه‌ی له كوردستانپۆست ئه‌وترێت و ئه‌بیسترێت قسه‌ی ناخی دڵی ئه‌و خه‌ڵكه هه‌ژار و نه‌دار و بێ مافه‌یه كه له دڵیا ماوه‌ته‌وه له‌به‌ر درنده‌یی ئه‌م ده‌سه‌ڵاته ناتوانێت ده‌ریببرێت ،كوردستانپۆست له‌ماوه‌ی كاركردنیه‌وه تاوه‌كو ئێستا ئه‌توانین بڵێین ئه‌و سه‌كۆ بوێره‌یه كه هه‌رده‌م ئاماده‌یی ئه‌وه‌ی هه‌بووه به‌رگری له خەڵکی چه‌وساوه و هه‌ژاری گه‌له‌كه‌ی بكات، كوردستانپۆست راسته ته‌نها سایتێكه، به‌ڵام سایتێکی سادەش نییە، وەکو هەموو سایت و ماڵپەڕەکانی تر چاوی لێبکرێت، هیچ گومان له‌وه دانیه زانیاریه‌كانی ئه‌وه‌نده راستی و دروستی تیا ئه‌بینرێت ئه‌سته‌مه خه‌ڵكی بروای پێ نه‌كات، ئەگەر هەندێک جاریش ئەوە رووی دا، ئەوە ئاساییە، چونکە کۆمەڵگاکە خەڵکی ناڕاستگۆی تێدایە، دەسەڵاتیش بە مەبەست خۆی دەخاتە ناو درۆکانەوە، دەیانەوێت لەو روانگەیەوە کوردستانپۆست وەکو سایتێکی ناراسەوخۆ بناسێنن و گومان لە هەواڵ و رووداوە راستەکانیش پەیدابکرێت. له ماوه‌ی خوێندنه‌وه‌م بۆ كوردستانپۆست تێبینی ئه‌وه‌م كرد كه ئه‌م سایته ئازیزه كاریگه‌ریه‌كی زۆری له‌سه‌ر سه‌رانی ئه‌م دوو بنه‌ماڵه‌یه هه‌یه گه‌یشتۆته ئه‌و ئاسته‌ی سه‌رانی ئه‌م دوو ده‌سه‌ڵاته راگه‌یاندنه زه‌به‌لاحه‌كانی خۆیان ته‌رخان بكه‌ن بۆ وه‌ڵامدانه‌وه بۆ ته‌نها یه‌كێك له بابه‌ته‌كانی كوردستانپۆست ، هه‌روەها له‌سه‌ر ئاستی باڵا به دوای ئه‌وه‌ن ئه‌م سایته نه‌هێلن و هاكی بكه‌ن، چونكه دركیان به‌وه كردووه ئه‌م سایته ده‌نگی خه‌ڵكه و له‌به‌ره‌ی گه‌له ، سه‌ره‌رای ئه‌مه ئه‌م سایته به‌رێزه گه‌یشته ئه‌م ئاسته‌ی كه به‌رپرسان په‌یوه‌ندی پێوه بكه‌ن و بابه‌ت یا ره‌خنه‌ی خۆیان لێی بڵاو بكه‌نه‌وه. ئه‌و چه‌كوشه‌ی كوردستانپۆست كه به‌زه‌یی نییه له‌به‌رامبه‌ر هیچ تاوان و ناهه‌قیه‌ك ئه‌م دوو ده‌سه‌ڵاته‌ی توشی شۆك كرد و به‌راده‌یه‌ك شه‌وانه خه‌و به كوردستانپۆسته‌وه ئه‌بینن.
مۆمه‌كه‌ی گۆران كاری ته‌نها و ته‌نها یادكردنه‌وه‌یه ، یادكردنه‌وه‌ی خوێنی شه‌هیدانی حه‌ڤده‌ی شوبات و پرسه‌كه‌ی حه‌مایل خان ئه‌م مۆمه رۆڵێكی گرنگی بینیوه له‌م رووه‌وه، به‌هۆی ئه‌م مۆمه‌وه سه‌رانی گۆران كۆبوونه‌وه پینج قۆڵیه‌كانیان ئه‌به‌ن به‌رێوه ، به‌هۆی ئه‌م مۆمه‌وه پێشوازیان له نێچیره‌وان كرد، به‌هۆی ئه‌م مۆمه‌وه له په‌رله‌مان هه‌ندێ له په‌رله‌مانتارانیان داوای شوقه‌یان كرد ، ئیتر ئه‌م مۆمه‌ش هه‌قی ئه‌وه‌ی هه‌یه فوی لێبكرێت و بیكوژێنینه‌وه، چونكه هه‌موو ئه‌وه ده‌زانیین چه‌كوشه‌كه‌ی كوردستانپۆست بێ هیچ به‌رامبه‌رێك توانیویه‌تی هه‌ر هیچ نه‌بێت بووه‌ته ترسێك بۆ ئه‌ندامانی ئه‌و دوو بنه‌ماڵه‌یه كه به‌رده‌وام بوونه‌ته خوێنه‌رێكی به‌رده‌وامی كوردستانپۆست نه‌وه‌ك له بابه‌تێكا ئاماژه به‌و دزیی و خیانه‌تانه بكات كه ئه‌نجامیان داوه ، به‌ڵام مۆمه‌كه‌ی گۆران نه‌وه‌ك توانیویه‌تی گۆران بكات بگره نه‌یتوانی وه‌ك كوردستانپۆستیش بكات هه‌ر هیچ نه‌بێت ببێته ترسێك بۆ ئه‌م دوو بنه‌ماڵه‌یه له‌به‌رچاوی ئه‌وان له په‌رله‌ماندا بودجه‌ی ئه‌م هاوڵاتیه ره‌ش و رووت و داماوه ئه‌دزن، بۆیه له كۆتییدا ئه‌ڵێم با هه‌موومان چه‌كوشه‌كه‌ی كوردستانپۆست بكه‌ینه ئامانجی گۆران بۆ روخان ونه‌مان و دادگایی كردنی ئه‌م دووبنه‌ماڵه خۆفرۆشه نه‌وه‌ك مۆمه‌كه‌ی گۆران كه به‌فووی سه‌رانی پارتی و یه‌كێتی كوژاوه‌ته‌وه.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
