هەتا تفەنگ

Sunday, 13/03/2011, 12:00

هەتا تفەنگ لەسەر پێبێ و دەرگاى زیندان داخرا بێ
ئازادى كەى بوونى هەیە شەقام بە خوێن سوركرا بێ؟

كە كامێرا و پێنوس بشكێ سەربەخۆیی لە كوێدا
هەتا دەنگێك كپكراو بێ دیموكراسى بێ بەهایە

دە لێگەرێن ڕۆژنامەكان چیان ئەوێ دەرى بڕن
دە لێگەرێن باڵندەكان بۆكوێ دەخوازن هەڵفڕن

سەدان ساڵە چارەنوس و ئایندەمان نادیارە
لەم جەنگەڵ و ئاگرەدا گەروومان پڕ لە هاوارە

كەى ڕەوایە دواى ڕژانى زەریایەك خوێن وەها بژین
لە وڵاتى خۆرا بین و لە ناو تاریكیدا بمرین
"" 2011