نە سەردەشت عوسمان تیرۆرستە ونە سەرۆکیش خودایە

Saturday, 19/01/2013, 12:00

پاش سەندنەوەی مافی ژیان لە سەردەشت عوسمان
شەرعیەتی دەسەڵاتتان دووبارە سەندەوە لە خۆتان

بڕیار بوو ئێوە بەرگری بکەن لە مافی هەمووهاوڵاتیان
نەک لەسەر بیر و ڕای جیاواز بێبەشتان بکەن لە ژیان

پێمان دەڵێن ئەوە بەس تەنها خودایە کە مافی ژیانمان لێدەسێنێ
نەخێر ئەوە دیکتاتۆرە کە مافی خودایەتی بۆ خۆی بە ڕەوا دەبینێ

کاتێک سەردەشت خوادیەتی ئێوەی خستە ژێرڕەخنە و پرسیارەوە
زۆر دڕندانە غەزەبتان لێگرت و خستانە دۆزەخی تیرۆرتانەوە

سەردەشت بووبە قوربانی نەبوونی ئازادی و تیرۆری بنەماڵە
بۆیە نابێت ئازادیخوازان لە یادی بکەن زامی قوڵی ئەو تاوانە

ئێوە سەردەشتێک و پێنوسێکتان بە ناهەق و دڵڕەقانە تیرۆرکرد
بەڵام خوێنی ئەو بووبە هەوێنی بەرگری لە ئازادی مرۆڤی کورد

ڕۆژێک دێت هەموو خەونەکانی سەردەشت بۆ ئازادی دێتە دی
ئەوکاتە ئێوەی دڵڕەق دەدرێنە دادگای بەرگری لە ماف و ئازادی