کاک ئاشتی هه‌ورامی خۆتان بۆ دادگا ئاماده‌که‌ن
Friday, 20/08/2010, 12:00
پێم خۆشده‌بوو کاک ئاشتی هه‌ورامی دوای ئاشکرابوونی خانوو و دزیه‌که‌ی، وه‌ک رۆشه‌نبیرێک ده‌ستی له‌کار هه‌ڵبگرتبایه‌و‌به‌رداوام نه‌بوبایه‌له‌خۆڵ کردنه‌چاوی خه‌ڵك ده‌رباره‌ی نه‌وتی کوردستان، به‌راستی چاوروێکی به‌هێزی ده‌وێ که‌ئه‌م دزیه‌گه‌وره‌یه‌ت لێ ئاشکرا بکرێ و ئه‌مڕۆش بێه‌وه‌به‌ده‌می ته‌له‌فزوێن و هه‌وڵی به‌درۆ خستنه‌وه‌ی جه‌ماوه‌رو میدیاکان بده‌ی له‌به‌رێکردنی نه‌وتی قاچاخ.
http://www.kurdistanpost.com/view.asp?id=be9238f9 دوای به‌ده‌نگ هاتنی جه‌ماوه‌رو میداکان له‌ئاشکرا کردنی دزی و قاچاخچیه‌تی نه‌وت، ئه‌مڕۆ کاک ئاشتی هه‌ورامی له‌کۆنفڕانسێکی رۆژنامه‌وانیدا خه‌رمانی نه‌وتی‌به‌با ده‌کرد بۆ خاوێن کردنه‌وه‌ی ئه‌و ته‌مه‌ره‌شه‌که‌به‌سه‌ر ده‌وڵه‌ته‌که‌یه‌وه‌نیشتۆته‌وه، یه‌کێک له‌وشه‌چاو به‌ستنه‌کانی زۆری پاڵاوتخانه‌و به‌نزین بوو، که‌چی نیو سه‌عات داوی کۆنفڕاسه‌که‌ی کاک ئاشتی هه‌ورامی ته‌له‌فزوێنی زاگرۆز باسی له‌بێ به‌نزینی و ژیانه‌وه‌ی کۆمپۆن بۆ وه‌رگرتنی به‌نزین ده‌کرد.
کاک ئاشتی هه‌ورامی، زۆرینه‌ی ئه‌و قسانه‌ی که‌ئه‌مڕۆ تۆ ده‌تکرد، ئێمه‌له‌ساڵی 1991 دا له‌سه‌میناره‌کانی هه‌ولێرو سله‌یمانی و زانکۆدا کردومانه، باره‌ته‌کنیکه‌که‌ی نه‌وت گرنگ نیه‌بۆ خه‌ڵک، با ببمه‌رۆژنامه‌وانێک و چه‌ند پرسیارێکت لێبکه‌م:
1 هه‌ردووک سه‌رۆکه‌که‌ت و ئێوه، هه‌ر لاساڵی 1991 وه‌بڕیاره‌کانی نه‌ته‌وه‌یه‌کگرتوه‌کان پێشێل ده‌که‌ن که‌گه‌مارۆی ئابووری پێشتر خرابۆ سه‌ر عێراق و ئێستاش خراوه‌ته‌سه‌ر ئێران به‌تایبه‌تی له‌سه‌ر نه‌وت به‌هه‌موو به‌شه‌کانیه‌وه، نه‌وت هه‌ر نه‌وته،شل بێ یان توند، یان قیڕ، تۆ پێت وایه‌کۆمه‌ڵگای نێونه‌ته‌وه‌یی بێخه‌به‌ر بێ له‌و هه‌موو معامه‌له‌نه‌وتیه‌ی ئێوه‌و داگیرکه‌رانی کوردستان که‌به‌قاچاخ ده‌روات؟ .
2 ئێوه‌ده‌ڵێن به‌پێی ده‌ستوری عێراقی ئێمه‌مافمان هه‌یه‌په‌یمان له‌گه‌ڵ کۆمپانیاکان ببه‌ستین نه‌وتی خۆمان بنێرینه‌ده‌ره‌وه، ئه‌ی ئه‌گه‌ر‌وایه،هۆکاری چیه‌که‌ده‌وڵه‌تی عێراقی رێگای لێگرتوون و وا بۆ چوار ساڵ ده‌چێ نه‌تان توانیوه‌به‌ره‌ورووی ده‌وڵه‌تی عێراقی ببنه‌وه؟.
http://www.kurd-oil.net/raste.htm 3 ئێوه‌ده‌ڵێن ئه‌وه‌نه‌وت نیه‌ده‌ڕوات بۆ ئێران، ئه‌وه‌مشته‌قاته!، جارێ شه‌رمه‌بۆ وه‌زیریکی کوردی وشه‌ی عه‌ره‌بی به‌کار بهێنێت، 70% خه‌ڵکی کورد نازانێ مشته‌قات چیه، بڵێ پاشماوه‌ی پاککراوه‌ی نه‌وته‌که‌یه، به‌ڵام کام ده‌سگای یاسای سه‌یری ئه‌و‌تانکه‌رانه‌ی کردوه‌تا بزانێ پاشماوه‌یه‌یان نه‌وته؟، کێ باوه‌ڕ به‌قسه‌ی تۆ ده‌کات ؟.
4 باستان له‌وه‌کرد که‌داهاتی ئه‌و نه‌وته‌ده‌چێته‌خه‌زێنه‌ی ده‌وڵه‌ته‌وه، بایز تاڵه‌بانی وه‌زیری دارایش حاشا ده‌کات، کامتان راست ده‌که‌ن تۆ یان کاک بایز ؟.
5 بیرتان له‌وه‌نه‌کردۆته‌وه‌که‌رۆژێک ده‌بێ دادگایه‌ک دابنرێت لێکۆڵینه‌وه‌له‌سه‌ر دۆلار به‌دۆلاری ئه‌و نه‌وته‌تان له‌گه‌ڵدا بکه‌ن ؟.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
