لە دیمانەیەکی تەلەفزیۆنیدا لەگەڵ ئەکتەری میسری کۆچکرد و "سەعید ساڵح" ئەوکات تازە لە زیندان ئازاد کرابوو. پێشکەشکارەکە لێی دەپرسێت:

زیندان باشترە یان دەرەوەی زیندان؟

سەعید ساڵح بەو جۆرە وەڵامی دایەوە:

لە زینداندا هەموو شتەکان ڕوونن، وەک ئەمە بازرگانی ماددەی هۆشبەرە، ئەوە گەوادە، ئەمیتر بکوژە، ئەویتر دزە، فڵان زیندانی سیاسیە، فڵانە کەسی تر بێتاوانە.

‏هەموومان لۆمەی خراپەکانی خۆمان دەکرد و لە خودا دەپاڕاینەوە.

شتەکان ڕوون بوون، کەس جلی تۆبەی نەدەپۆشی بڵێت من شەریفم، کەچی لە ژێریشەوەش گەوادی بکات.

دزەکان ناڵێن ئێمە دەست پاکین، بازرگانی ماددەی هۆشبەر، ناڵێت من پیاوچاکم، خەڵك ڕوون و ڕاشکاون.

زیندان جیهانێکی ڕاستەقینەی ڕوونە، بەجۆرێك وا هەستمان دەکرد، ئەوان دیواریان بۆ دروست کردووین و بە چەکەوە پاسەوانیمان دەکەن، هەتا لەو زیندانە گەورە ساختە پڕ درۆیەی دەرەوەی خۆیان بمانپارێزن.

من کاتێک لەوێ هاتمە دەرەوە، بەڵام جارجارە سەردانیان دەکەم، چونکە ئەو خەڵکەی ئەوێ، کەسانی ڕاستەقینەن نەک ساختە.