شیركۆ بێكەس وەك خۆی بێ میكیاچ

Sunday, 18/08/2013, 12:00

هەر نووسەرێک بوو بە نووسەری پارتێک. كە لەپچەی مۆراڵی خۆی دەكات .
هەر شاعیرێک بوو بە شاعیری دەسەڵاتێک. شاعیرەکە دەبێ بە شایەر و شیعریش دەبێت بە شاباش.
ریالیزم لە ویژەی فەرنسیدا پیشاندانی دیاردەكان بوو وەك وینەی فۆتۆگرافی .
ریالیزم لە ویژەی روسیدا پیشاندانی رۆحی هزری كۆمەڵگای روسی بوو . كە پۆشكین . پیرمنتۆڤ .گۆگۆل سەرۆكایەتیان دەكرد.دەستۆفسكی وپۆشكین لەبارەی بەرهەمەكانی گۆگۆڵەوە دەڵێن:
گۆگۆڵ بە زمانێكی زۆر سادەوە ڕاڤەی لەسەر گۆڕینی ڕۆحی ڕووسەكان كردوە.
دەیستۆفسكی دەڵێ بەتەنیا ئایدۆلۆژی ناتوانی نیشتمان وهاووڵاتی بەیەك بگەینێ بەڵكو بەرژەوەندی نەتەوە دەبێتە فاكتەریكی یەكیتی نیشتمانی و نەتەوەیی .
بەرژەوەندی نەتەوە چێە هێندە پایەیەكی گرنگی هەیە ؟ بەرژەوەندی نەتەوە یانی بەها مرۆییەكانی نەتەوە. كە نەتەوە خاوەنی بەهای خۆی بوو تاكی كۆمەڵیش لەنیو نەتەوەكانی جیهاندا بەهای سەنگین دەبێت.
من مزگەوت و كەنیسە و هونەر و شیعر نووسین گشتی بەو پیوەرە دەپیوم كە پیرۆزی و بەرژەوەندی نەتەوە بخاتە سەرو گشت پیرۆزییەكانەوە . لەم ڕوانگایەوە من دەڕوانمە هۆنراوەكانی شیركۆ و ئاوڕ لە مۆڕاڵی دەدەمەوە.

ئەو خۆێنەرە هوشیارە لەخویندنەوەی پەرتۆكێک یان دەقێك، کە ووشەیەك بكات بەفاكتەری گۆڕینی پڕینسیبی ژیانی ئەو سیاسیە هوشیارە هەڵەیەكی سیاسی بكات بە فاكتەری گۆڕینی ئیستراتیجی سیاسی .
ئەگەر ئەمە بوو بە پڕێنسیبی مرۆڤ ئەوە دەتوانی بەهای مرۆی خۆی بپارێزی .
بەدریژای نێو سەدەیە شیركۆ ناویكی دیاری جیهانی هونراوەی كوردیە. تاوانە ئەگەر شیركۆ وەك شاعیریكی بەتوانا و باڵا لە هونەر و تەكنیكی شیعری و شارەزا لە بەكاریهینان و داتاشینی ووشە و خویندنەوەی شیعر بەرز نەرخینرێ . ڕەخنەگری ئەدەبی نیم تا بەچاوی رەخنەی ئەدەبیەوە بڕوانمە هونراوەكانی . لێ لە ڕووی ناكامڵی و ناهوشیاری سیاسیەوە دەڵێم كەسیكی زۆر ناهوشیار و خاوەنی دوو ڕووی دژ بەیەك بوو. یانی شیركۆ كابرایەكی دەبڵ مۆڕاڵ بوو. ئەوی، كە دەینوسی پێچەوانەی كردارەكانی بوون.

(شێرکۆ و سیاسەت)

خەونی هەموو كوردێكی بەرەوشت و هوشیار بوونی دەوڵەتی نەتەوەییەی . نەتەوە بوون بێ دەوڵەت بوون بە پراكتیك بوونی نیە بۆیە ئەوەی نەتەوەیی بێت ئەبێ ئیستراتیجیتی دەوڵەتی نەتەوی بێ . ئەمە پیناسەیەكی زۆر سادەی نەتەوە بوونە (دەوڵەت نەتەوە دروست دەكات نەك نەتەوە دەوڵەت).
لە هونراوەكانی باسی هەرچۆار پارچەی كوردستان دەكات. بەڵام هاوڕێی خۆشەویستەكەی (جەلال) دەوڵەتی كوردی بە خەوی شاعیرانە وینە دەكات. ئەگەر شیركۆ وەك شاعیر و وەك نەتەوەییەك كەرامەتی نەتەوەی تیدابویایە دەبوایە تفی لەو میژووە بكردایە كە (جەلال) نوسیوتیەوە. بێدەنگ بوون لە سوكایەتیكردن بە نەتەوەیەك هاوبەشی سوكایەتیكردنە بە نەتەوەیەك یانی شیركۆ سوكایەتیەكەی (جەلالی) لاپەسەندە. كەواتە شیركۆ شاعیریكی نەتەوەیی نەبووە بەڵكو شاعیری بەرژەوەندی و دەرباری مافیاكانی جەلالی بووە.
لەڕووی سیاسیەوە زۆر كۆڵەوار بوو. هیچ بۆچونێكی زانستی سیاسی پینەبوو . ئەوانەشی كە دەیگوت ئەو ووشانەبوو كە لەدەمی خەلیكەوە كۆی دەكردەوە .
خویندنەوەی بۆ زەمەن و قوناغە سیاسی و ئاگای لە میژووی سیاسی كورد و بازی نیو دەوڵەتی و ناوچەی نەبوو.سەردەمانێك مەلا مستەفای بە تاقە هیوای گەلیك دەقەبڵان بەڵام ئاوزانی بەوە نەدەشكا كە ئەو كابرایە بەكری گیراوی شای ئیران بوو .



لەساڵای 1974 شیركۆ یەكێک بوو لەو شاعیرانەی شاخ . شاعیریكی كەم ناو هەبوو ناوی (مارف ناسراو)ە برواناكەم ئەمڕۆ 20 كەس بیناسێت. ئەم شاعیرە كە دەگاتە سەركرایەتی وەك شاعیریك موچەی دەدەنی موچەكەش (تمەن) دەبێ وەری ناگرێ . دەگەریتەوە بۆ سلیمانی . ووتی ئەگەر ئەم شەرە لەسەر كەركوك بێ ئەوە زۆر دەمیكە كەركوكمان بە شای ئیران فرۆشتوە. ئەمە هەلویستیكی هوشیرانەی (مارف ناسراو) بوو . شیركۆ نەك چاوی ئەم راسیتیە نەدەبینی بەڵكو شیعری بۆ مەلا مستەفا نووسی . لەكاتی شەری نیوان جەلالی و مەلایی لەسەر پارەی گومرگ .لە كۆبونەوەی یەكیتی نووسەرانی كورد لە شاری كۆلن ئەلمانیا . من وتاریكم خویندەو تیدا (جەلال و مەسعود)م كردبوو بەو دایبیەی ئافرەت لەكاتی خوینبوونیدا بەكاری دەهینی. كاتیك لە وتارەكە بوومەوە دەستیگرتم بۆ دەرەوەی هولەكەوە لە تورەیدا جەستەی دەلەرزی .ووتی: زۆر نارەزای بەرامبەر ئەو ووتارەت دەردەبرم چون تۆ جەنابی مام جەلال بە دایبی ئافرەتان دەنووینی, ئەم شەرە شەر لەنێوان (جهالەتی ماڵی بەرزانی و بزوتنەوەیەكی نۆیخوازیدا)منش ووتم كاك شیركۆ شەری نێوان جەلال و مسعود شەڕی نێوان جهالەت و نویخوازی نیە ئەو دوانە (دوو رووی فلسیكی قەڵبن و ئەو فلسە قەڵبەش لەتە نانیك بۆ برسیەكانی كوردستان ناكات) تكایە واز لەسیاسەت بینە تۆ شاعیری
شیركۆ شیعر بۆ جمالی علی باپیر دەنووسی . كەچی گیلە لە فاكت و بكەر و نەخشەی كوشتنەكەی . ئەوەی جەمالی بەكوشتندا مەلا بەختیارە و هاوری نزیكی شیركۆیە . شیعر بۆ مامە ریشە دەنووسی خۆی لەوە گیلدەكات كە جەلال وتبووی نابی دوو مام لە یەكیتیدا هەبێ ئەوەی گەوج نەبێ دەزانی هەموو نەیارەكانی جەلال كوژراون.
قاسملۆ تا دوا هەناسەی دۆلاری بەعسی لەگیرفان نەبڕا . كە كوشتیان شیركۆ بۆی شیعران . بەڵام میژووی پیسی قاسملۆ، سەرکردەیەکی تر بەناوی (ئەحمەد توفیق) ی خستنە ناو تیزابەوە، ئەحمەد تۆفیق پشتگۆی دەخات . بروانە ئەم لینكە.
كە پارتی كۆمۆنیستی عیراق 1972 چوە بەری نیشتمانیەوە . شیركۆ گوایە هوشیاری سیاسی زۆر باڵایە دژی ئەم هاوپەیمانتیەی ئەم شیعرەی نووسی

گوڵاڵەیەك بۆ
بۆ توتڕكێ نوشتایەوە
دەستی ماچ كرد
كەلێ بۆوە و.. هەستایەوە
ڕەنگی سووری ڕژابووە بەر
پێ ی توتوڕك و
هەتا مردن
بەداخی ڕەنگی زەردەوە
تلایەوە .
كازیوە لاپەڕە 12
بەڵام لە ڕەوكەدا جەلال چەمایەوە دەستی سەدامی ماچكرد . ئابڕووی گەلێكی بر . شیركۆ فزەی نەكرد
پەشیوی شاعیر هاتە زمان .

(شیركۆ و هەڵەبجە)

لەشیعری سكاڵا بۆ خوا دەنووسێ . گلەی لە خوا دەكات لەئاست ئەو تاوانەی بەرامبەر بە شاری خۆین (هەلبچە) كرا . دەنووسێ

سكاڵایەكی درێژم نووسی بۆخوا
بۆ درختم خویندەوە درخت گریا .... هتد

بەڵام خۆشەویسترین هاوڕی شیركۆ (جەلال)بە تاقە هەڵەبجەیەك ئارام نابێ ئاواتە خوازە یەك دوو هەڵەبجەی ترە (ئاخ بۆ یەك دوو هەلەبجەی تر جەلال ووتی و نەشیرەوانیش ئاشكرایكرد).
بەدریژای نیو سەدەیە (جەلال) ئەندازیاری شەری نیوان لایەنە سیاسیەكانی كوردە . كەچی شیركو درۆ دەنووسی بەئاشتی خواز و دیموكراتیخواز دوو باڵی سپی بۆ دروستكردوە. شیركو كوری سلیمانیە و لەسەردەمی گەنجیتی شیركۆدا (جەلال) چ كارەساتیكی بەسەر گەنجانی سلیمانیدا هێنا و چەند كەس بە ویست وپیلانی ئەو لەسلیمانی كوژران. ئەو دەزانی جەلال قارەمانی جاشایەتی نۆی بزوتنەوەی كوردیە . یان گێلە یان هەر خۆی،  خەڵكی گێل دەكات.

هاوڕێ‌  و برای‌ گه‌وره‌ و خۆشه‌ویستم مام جه‌لال ! 

21/12/2012

به‌درێژای‌ هه‌موو ئه‌و ساڵانه‌ی‌ كه‌ له‌نزیكه‌وه‌ تۆم تیاناسیوه‌ ئه‌و  هه‌قیقه‌ته‌م لاجێگیر بووه‌ كه‌ تۆ هه‌رگیز پیاوی‌ رق و كینه‌ و تۆڵه‌ سه‌ندنه‌وه‌ نه‌بوویت، پیاوی‌ پیلان گێڕ و له‌پشته‌وه‌ خه‌نجه‌ر وه‌شێن نه‌بوویت، هه‌میشه‌یش دڵت دڵی‌ ئاشتی‌ و خۆشه‌ویستی‌ و ته‌بایی‌ بووه‌.
لەوەیش زیاتر دڵت دڵی پاک و بێگەردی منداڵێک بووە کە بەردەوام دەم بە زەردەخەنە بووە.
ته‌نانه‌ت له‌رۆژگارە‌ هه‌ره‌ تاڵه‌كاندا ئه‌و په‌پوله‌ی‌ زه‌رده‌خه‌نانه‌ له‌سه‌ر لێوت نه‌بڕاوه‌، له‌شاخدا له‌سەر‌ده‌می‌ هه‌ره‌ سه‌خت و دژواردا تۆ به‌رده‌وام  وره‌ی‌ خۆگری‌ و پشت هه‌ڵنه‌كردنی‌ چیاكانی‌ كوردستان بوویت، هاوڕێی‌ نزیكی‌ شاعیر و نووسه‌ران بوویت، چیت پێكرابێ بۆ كۆمه‌ك و یارمه‌تیدانی‌ ده‌زگا و كۆمه‌ڵه‌ ئه‌ده‌بی‌ و هونه‌رییه‌كان كردوته‌، وه‌فای‌ جوانیش به‌شێك بووه‌ له‌ سروشتی‌ خۆت،  وه‌ك ئازادیخوازیكیش به‌رده‌وام له‌گه‌ڵ‌ ئازادی‌ هه‌موو گه‌لانی‌ دنیادا بوویت، به‌هیوام ئه‌م رۆژانی‌ نه‌خۆشییه‌ت تێپه‌ڕێنی‌ و وه‌ك جاری‌ جاران به‌هه‌مان زه‌رده‌خه‌نه‌وه‌ بگه‌ڕێیته‌وه‌ ناومان و هه‌ربژین.

براتان
شێركۆ بێكه‌س
سلێمانی‌
20/12/2012

 

(شێرکۆ و پارە)

دەزگای سەردەم
دەزگای دەستەمۆكردنی رۆشنبیرانی بێ موڕاڵە . دەزگای سەردەم چۆن دروست بوو ؟ بۆ دروستبوو . ئیستراتیجیتی ئەم دەزگایە چیە ؟ ئیستراتیجیتی دەزگای سەردەم كۆكردنەوەی كۆمەڵی نووسەر و شاعیر و رۆشنبیر و بەكارهینانیان بۆ گەوجاندنی كۆمەڵگا و چاپكردنی ئەو بەرهەمانەی ئەوان مەبەستیانە . شیركۆ گڵوپی سەوزی دۆلاری بۆ هەلكرابوو چەندی بوێتت بخریتە بەردەستی . بۆ زیاتر پۆخڵاواتی ئەو دەزگایە بڕوانە ئەم لینکانە

http://www.kurdistanpost.com/view.asp?id=81ba

جیاوازی لە نێوان خانووی دەزگای سەردەم و مۆچەی زۆری كارمەندان و شەوی سوری كاربەدەستانی لەگەڵ ئەو نەخۆشخانەی 400 تەختەی كە بۆتە ئەفسانە چەند سالە تەواو نەبووە. ئەو هەموو پارەیەی بۆ سەردەم تەرخان كرا بۆ دروستكردنی نەخۆشخانەیەك لە هەلەبجەی داماو تەرخان نەكرا تا زامدارەكانی كیمیابارانی چارەسەر بكەن. دەزگای سەردەم بە جوانترین شیوە دروستدەكەن . لە سلیمانیش دیواری قوتابخانەیەك هیندە كۆنە قوتابیەكی خونچە تەمەن دەكوژی. ئەمانە ئەگەر كەسی ئاسایی هەستی پینەكات ئاساییە ئەی ئەگەر شاعیریكی خاوەن 40 سال ئەزمونی شیعر هەستی پینەكات یان گەوجە یان خۆی گەوج دەكات.

لە وەستیكەیدا نووسیوەتی سامانەكەم تەرخان بكرێت بۆ خەڵاتی باشترین دیوانە شیعر. سامانەكەت چەندەیە؟ بۆ پێش مردن ئاشكرات نەكرد ؟ سامانەكەت لە لای كێیە؟ سەرچاوەی سامانەكەت كۆیە؟ ژمارەی ئەو زەویانەی لەپاداشتی تلقینی شیعر بۆ مردۆكانی جەلالی وەرگرتوە ئەوە هەر شارەوانی سلیمانی و خیزانەكەی دەزانن چەند پارچە زەوی هەیە. دزی و درۆزنی بۆتە دیاردەیەكی ئاسایی بۆیە دانیشتوانی سلیمانی نایبینن .

ئەوەی پۆشكینی كرد بە شاعیریكی مەزنی رووسەكان شیعر نەبوو هەڵویستی مرۆی نەتەوایەتی پۆشكین بوو . پۆشكین لەكۆشكی كایزەی رووسیەوە دژی سیاسەتی كایزە بوو . ئەو كۆشكەی بەجیهَشت و لە كویرە دیەكی داماودا شیعری نەتەوەی بۆ رووسەكان دەنووسی . لە پانتای زەوی سوڤیتی كۆن دا كەم شار هەیە بێ پەیكەری پۆشكین . لێ لەهەموو پانتای زوەی روسیا و سوڤیتی كۆندا پۆشكین خاوەنی (یەك مەتر) زەوی نیە . لە زوربەی زۆری ووڵاتانی سۆڤیتی كۆن پەیكەرەكانی لیلین یان رمان بەڵام لە هی چ ووڵاتیك پەیكەریكی پۆشكین بێ ریزی پێنەكراوە . چونكە لینین سمبۆڵی كۆلۆنیالیكردنی ووڵاتانی سۆڤیت بوو . لێ پۆشكین پیغمبەری جوانی و رۆمانسی و مرۆی بوو بۆیە تائیسا پەیكەرەكانی بەریزەوە لەپێوە ماوە .
ئەوی شیركۆی خستە ژێر پرسیاری ئیمەی نەتەوەیەكانەوە هونەری شیعر و توانای شیعر و تاكتیكی شیعری نەبوو هەڵویستی لاواز و كاڵفامی سیاسی و بازیكردن بە ئاوزانی گەنجانی بێ ئایندەی كورد , داكۆیكردنی دەسەڵاتی مافیا جەلالی بوو.
شیركۆ زۆر بە ڕێزەوە دەچوە میژوو وەوە ئەگەر دوای خۆی چەند دیوان شیعری چاپنەكراوی بەجیبهَشتایە نەك چەند پارچە زەوی دزراوی داماوەكانی كورد. ئەوی بێكەسی باوك بێزی لێدەكردەوە لێدەترسا (عانە . پارە) بوو . بیكەسی كور شەیدای (عانە و پارە) بوو
(داخی گرانم كورد گەورە وبچوكی شەیدای عانەیە . فائق بێكەس) .
نووسەری ڕەسەن بە پارەی دزراو و پارەی مافیا پەرتووك چاپناكات .
ئەوەی لە دەزگای جەلالی و مەلای پەرتووكی چاپكردوە . با شاكاریش بێ بە پێوەری مرۆڤایەتی نرخی نیە.

(شیركۆ و ئافرەت)

هیچ شتێك نرخی نیە تا نەچیتە بۆاری پراكتیكەوە . شیركۆخۆی بە پارێزەری ئافرەتان دادەنی . بەڵام لە میژووی باشوری كوردستان و كۆلۆنیالی عیراقدا هیندەی زەمەنی جەلالی و مەلاییدا ئافرەت لەسلیمانی و كوردستاندا نەكوژراەوە و سوكایەتی پینەكراوە . زوربەی زۆری سەرانی جەلالی هاوری شیركۆن . كەهاتنە ناوشار وەكی گۆرەوی بگورن هاوسەرەكانیان گۆری . ئیستاش كە بەپارەی دزراوی رەش و روتی كوردستان بوون بە ملوینەر.بەهەر بیانویكەوە بین بۆ هەندەران بەدوای ئافرەتی قاچاخدا دەگەرین ؟ زۆرن ئەوانەی ناوی ئافرەت و گەوادەكانیان لامان تۆماركراوە . لە كاتی پیویستدا ئاشكریان دەكەین .

سالح میزەلی دوو خوشكی ئەتتكرد و یانی سكیسی لەگەلدا كرۆدن وهەردوكیانیش كوشت . دادگای سلیمانی سزای هەمیشەی زیندانی بەسەردا دا كەچی هاوری خۆشەویستەكەی شیركۆ (جەلالی پیس) بە نامەیەك بۆ عمر فتاح هاوری شیركۆ ئەو تاوانبارەی ئازادكرد . نەشیركۆ نەدادگا , نە مزگەوت نە روشنبیران نە یەكیتی ئافرەتان نە خوا ئەو پرسیارەی نەكرد ئەری ئەمە چ ئاژەڵستانێكە (جلال) بۆی هەبێ خاوەنی هەموو بڕیارێك بێ؟ پەیوەندی ئافرەتكوژێك بە جەلالەوە چی بێ بەتایبەتی خۆی بێتە سەر هێڵی پەیوەندی و ئافرەتكوژیك ئازادبكات. (شیركۆ مزمەعیل بوو) ئەو پرسیارەی نەكرد. بیگومان نهینی نیوانی ئافرەتكوژیك و جەلال تیرۆرە . بۆیە جەلال داكۆكی لەتیرۆركردنی دوو خوشك دەكات.نیهنیەكانی چی بێ ؟ مادام شیركۆ هاوری جەلالە و جەلالیش هاوری سالح مزلی كەوات شیركۆ هاوری ئافرەتكوژ سالح مزلییە .

(جیاوازی بێكەسی باوك و بێكەسی كوڕ)

لە دوو ڕووە وە (تواناو تەكنیك و فراوانی شیعری و هەڵویستی شاعیرەوە)
بێكەسی باوك بەرامبەر بەبێكەسی كور لە رووی توانا وتەكنیك و فراوانی شیعریەوە . زۆر لە دوای شێركۆی كوڕیەویەتی . شیعرەكانی بێكەسی باوك بەزمانیكی سادە و تەكنیكی سادەی سەردەمی خۆی نوسراوە . ژمارەی شیعرەكانیشی زۆر كەمترە لە شیعرەكانی شیركۆی كوڕ . لێ لە ڕووی مۆراڵی شاعیر و هەڵویستی سیاسیەوە بێكەسی باوك لە لوتكەی بەرزی و مۆڕاڵجوانی زەمەنی خۆیدابووە . ئەم نمونەیە جوانە بۆ بەراورد.
لە ڕاپەڕینی بەردەركی سەرای سلیمانی بێكەسی باوك بە هوی شیعرەوە بێكار و هەژار كەوت
لە راپەرینی بەردەركی سەرای سلیمانی بێكەسی كۆر بە هۆی شیعرەوە دەوڵەمەند و لیپسراویكی گەورەی دەسەڵاتی مافیاكانی جەلالی بوو .
بێكەسی باوك كە مرد لە دوای خۆی هەژاری بەجیهێشت . بێكەسی كۆڕ لە دوای خۆی سامان و زەوی و خانووی بەجێهَشت . تەنیا خیزانەكەی و شاراوەانی سلیمانی دەزانن شێركۆ چەند پارچە زەوی پێبەخشراوە . ئەگەر ووشە بوو بە كاڵا شیعر دەبێ بە قاحبە . چونكە ووشە دەبێتە جەستەی شیعر و شیعریش دەبێتە ئەو جەستە ناسكەی خاوەن پارەكان تامەزروی مژینی گۆی مەممكەكانی و گوومەزی ناوگەڵی لینجی دەكەن. ئاشكرایە دەسەڵاتی مافیای كوردی خاوەنی پارەیە بۆ كرینی جەستەی شیعریش كریاریكی دەستبڵاون .
بێكەسی باوك لەسەر هونراوەكەی خۆپیشاندانی بەردەركی سەرا نابڕاو كرا . پارەی چارەكە ئارەقێكی پێنەبوو.
ڕۆژێك لەگەڵ مەلا سمایل(قۆشمەچیەكی بەریزی سلیمانی) هاوری فائق بێكەس . سویان بۆ ئارق دەبێتەوە بە هەردووكیان پارەی چارەكە ئارەقێكیان پێ نیە .
مەلا سمائیل بە فائق بێكەس دەڵی : فائق شیعرەكانت فلسیك ناهینن .
فائق بێكەس : بۆ
مەلا سمایل : بزانە دەتوانی دوو پێك ئارقی پیبكرێ ؟
فائق بیكەس دەڵی : بابڕوین .
دەچنە بەر قاپی ماڵی حمە ئاغای عبدالرحمن ئاغا پیاوچاكی سلیمانی بۆ سۆاڵی پارەی چارەكە ئارقێ :
فائق بێكەس بە قاپیوانەكە دەڵی جەنابێ ئاغامان بۆ بانك بكە
حمەی ئەورحمان ئاغاش دی و فائق بێكەس دەناسێتەوە

فائق بێكەس دەڵێ
شەوی شەوی بەراتی
خوا دوو كور و كچیكتان باتێ
دوو ئەفەندی ڕێك وپێك
هاتوین بۆ پارەی دوو پێك
بێكەسی كور دەنوسێ
لە گەلتانام لەبەر سەرادا ...
لەناوتاندام
ئێوە كێڵگەی گوڵە بەڕۆژە
منیش كانیم لە دڵتاندام

بەرۆژ ئەم شیعرەی لەبەردەركی سەرادا بۆ گەنجە داماوە بێكارەكان خویندەوە شەویش لەتەك جەلادەكانی جەلالیدا خەریكی ویسكی خواردنەوە بوو .
شاعیرێك هەڵگری نازناوی شاعیری گەورەی كورد بێ و كەسایەتیەكی پیس و ویژدان و میژوو خویناوی وەك جەلال نەناسی و لەبەرخاتری پایەی خۆی میژووی رەشی بە سپیتی بنوسیتەوە دەبێ ئەو شاعیرە چ پلەیەكی لە میژووی ویژەی كوردیدا بدرێتێ .
من پیموایە ئەدەب بەگشت چمكەكانیەوە بە تایبەتی هونراوە(شیعر)بەسەرپیجكردنی یاسای ئەدەب سەقەت نابێ بەڵكو بەهەڵویستی نووسەر و شاعیر سەقەت دەبن.
باكەسیك لە یاسای شیعر نوسیندا كۆڵ بێت لێ لە بیركردنەوە ودارشتنی شیعریدا چالاك ومرۆڤدۆست بێ بەرهەمی ئەو شاعیرە زۆر چاكتر خزمەت بە مرۆڤ دەكات وەك لەو بەرهەمە توكمە شیعریە كە شاعیریكی بەئەزمون بڵاویدەكاتەوە لێ لەخزمەت دیكتاتۆردایە

ڕۆڵی ڕۆشنبیر لەشڵەقاندنی گۆمی مەنگ و زەلكاوی سیاسی كۆمەڵگا و لەرزینی دەسەڵاتی دیكتاتۆر و مافیادا وەك ڕۆڵ و قورسای ئەوەبەردە وایە كە دەخریتە نیو گۆمیكی چلكن و زەلكاویكی بۆگەن و قەتیسماودا.
تا قەبارەی بەردەكە مەزن و قورس بێ زەلكاوەكە زیاتر دەشڵەقێ .
لە نووسیندا قورسایی نووسەر لە شڵەقاندنی كۆمەڵگای ئیفلیجدا بە قەوارەی جەستەی نووسەركە و ژمارەی نوسینەكانی نیە . بەڵكو بەقورسایی بەرهەمی هزری و تیروانین و رەخنە جەربەزەكان وكرۆكی بابەتەكەی ولەسەرو گشتیانەوە هاوسەنگی بوونی هەڵویستی نووسەر و ڕەخنەكانی نووسەرە . ڕەخنەی نووسەر كاتێك قورسە كە هەڵویستی قورسی نووسەر پارسەنگی بێ . ئەگەر ئەمە پیچەوانە بوو ئەوە بەرهەمی نووسەر لەڕووی پێوەری ئەدەبیشەوە (شاكاریش) بێ. ئەو بەرهەمە دەبێتە مادە هوشبەرەكان و خۆینەرێ پێ بێ هۆشدەكات . من لەم دەلاقەیەوە دەروانمە هونراوەكانی شیركۆ .

19-08-2013