کوبانێ - کەلا دمدم یا سەردەم

Monday, 06/10/2014, 12:00

1518 بینراوە

ناڤێ کوبانێ ئەڤرو لسەر زارێ مرۆڤایەتیێ هەر ڕۆژ دهێتە دوبارەکرن..کوبان ئەڤرو نە ب دەشتا خوە..نە ب جوانیا خوە..نە ب سروشتا خوە دهێتە ناسکرن..کوبانێ ئەڤرو بویە کەلا بەرخوەدانێ..خوەشمێروژنشێرێن کورد..پارێزڤانێن شەرەف وکەرامەتا کوردان سینگێ خوە کریە مەرتال وچەپەر ژبو ڕومەتا گەلێ کورد بپارێزن..وبو جیهانێ بسەلمێنن کو ئەون سیارو پەهلەوانێن ڕۆژهەلات.
بەرخوەدانا کوبانێ میناکەکا هەڤدەمە ژبو بەرخوەدانا مێرخاس وژنژیرێن کەلادمدم، دیروک خوە دوبارە دکەتە ڤە لێ گەلێ کورد دڤێ لبەندا چارەنڤێسا کەلادمدم بو کوبانی نەبە، ئەڤ چەرخە چەرخێ کوردایە وئەگەر کورد دڤی چەرخی دا ل خوە خوەدی دەرنەکەڤن دەرفەت وێ ژدەست بچیت، شکستنا کوبانێ شکەستنا ئیرادا بەرخوەدانا گەلێ کوردە ل هەمبەر هێزێن تاریێ.
لێ مخابن ئیرو ئەم دبینین کو هندەک هێزێن کوردا یێن کو شیانێن دارایی ومروڤی ل بەردەستدایە بەرێخوەدایە ئالیەکێ دن یێ دنێ هەروەچکو خوینا ل کوبانێ درژیت نە خوینا کوردایە وکوبانێ نە پشکەکا کوردستانێ یە، ژبو خاترا جاڤێن دوژمنا وڕازیکرنا بەرژەوەندێن بەرتەنگ یێن حزبی هەستا نێشتیمانی بن پێ کرنە وچاڤەرێ وێ چەندێ نە کو دوژمن دەولەتا کوردی یا سەربخوە پشتگیری بکەت ودامەزرێنیت، لێ دوژمنا سایکولوژیا وان باش خوەندی یە وقەدەرا وان خستی یە ژێر دەستین خوە وکرنە ئێخسیرین دیبلوماتیا خوە.
ئەڤرو دەرفەتا هەری مەزنە ژبو کوردان کو هەبوینا خوە مینا نەتەوە بسەلمێنن، هەستا نەتەوایەتی وکوردبوونێ دیارکەن وب کریار بنەجه بکەن..بەیاننامێن پشگیریێ یێن لاواز وئاخفتنێن لسەر منبەرا وپشت میکروفونێن تێلەڤزیونا کوبانێ وشەرەفا کوردا ناپارێزن..ئەڤ ئەزمونا ئیستنکار ونە ڕازیبوونێ وبەیانناما بزاڤا رزگاریا فەلەستینێ پتر ژ ٦٥ ساڵانە وبدەنگێ ملیونەها عەرەبا برێڤە بری یە ودۆزا میللەتێ فەلەستینێ هەر دجهدا مایە.. دەم دەمێ ئێکبوونا هەستا نیشتیمانی یە وب کریار پشتەڤانی یا کوبانێ دڤێت بهێتە کرن.
هەر کەس ولایەنێ ئەڤرو چاڤێ خوە ژخەبات وبەرخوەدانا گەلێ ل کوبانێ شەردکن بگریت وێ حسابێ بدەتە دیروکێ ونفشێ پشتی کوبانێ وی لەعنەنەتا لێ بارینیت،کوبان دڤێ بتنێ نەمینە، کوبان کەلا دمدم یا هەڤچەرخه، وژدان وئیرادا کوردایە، دڤێ دیماهیکا کوبانێ نە مینا دیماهیکا کەلا دمدم بیت.

عبدالله هروری-پێشمەرگەهێ دێرین
ألمانیا/لوبێک/٤/١٠/٢٠١٤ ‌