کۆمه‌لێک پۆلیس له هه‌ولێر چییان ده‌ووت؟
Friday, 25/02/2011, 12:00
پۆلیسێک بۆ سه‌رچاوه‌یه‌کی هه‌واڵی کوردستانپۆست رایگه‌یاند: ئێمه دڵمان له‌گه‌ڵ خه‌ڵکی کوردستانه به‌تایبه‌تی شاری هه‌ولێر.. ئێمه ئه‌وه چه‌ند که‌سێکین ئۆتۆمۆبیلی پۆلیسمان پییه ، هه‌رگیز له خۆپیشاندانه‌که‌ی ئیمڕۆ نه‌ته‌قه نه خه‌ڵکیش ده‌گرین و، سزایان ناده‌ین.. سه‌رچاوه‌که ده‌ڵێت: کۆمه‌ڵێک پۆلیس بوون ئه‌وانه ده‌یانووت: چۆن ده‌بینه پارێزوانی مه‌سعود و بنه‌ماڵه‌که‌ی، ئه‌وان به ملیاراها دۆلاری خه‌ڵکی بدزن و ئێمه‌ش له دوێنێه‌وه فه‌لافلی رووتیان زیاتر پێ ره‌وانابینن و ده‌یانه‌وێت ته‌قه له سه‌نگه‌ری خه‌ڵکی بکه‌ین . پۆلیسه‌کان ده‌لین: بهرێوهبهری ئاسایش عه‌بدوڵا ، جێگره‌که‌ی تاریق و نه‌وزاد هادی پارێزگار و ساسان عه‌ونی و پشتیوان سادق و چه‌نده‌های دیکه فه‌رمان ده‌رده‌که‌ن که ته‌قه له خه‌ڵکی هه‌ولێر بکه‌ن تا کوشتن له‌گه‌ڵیان برۆن .. سه‌رچاوه‌که وتی: ئه‌م کۆمه‌ڵه پۆلیسه ئه‌وه‌شیان زیادکرد که مه‌سرور و نێچیر دوێنێ له پاریزگا یا له فه‌رمانگه‌یه‌کی تر نازانین ، به‌ڵام ده‌زانین فه‌رمانی به هه‌موو لایه‌ک(پارێزگار ، بهرێوهبهری ئاسایش و پۆلیس ..) کردووه که ته‌قه له خه‌ڵکی بکه‌ن.. ئه‌و کۆمه‌ڵه پۆلیسه بۆ سه‌رچاوه‌که‌ی ئێمه‌یان دووپاتکردۆته‌وه که ئێمه ئاماده‌ین له دادگایه‌کی عادیلانه بێین ئه‌و شاهێدییه بده‌ین.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
