با ماڵى خۆمان بە دەســتى خۆمان وێران نەکەینەوە

Friday, 17/07/2009, 12:00

خەڵکى ســتەمدیدە و خێر نەدیوى کوردســتان، هەرچەندە ئەو ئەگەرە زۆر کزە پارتى و یەکێتى چى دى دەنگ و پشــکى گەورە بەدەســت بهێننەوە لە هەڵبژاردنەکانى ئایندەى کوردســتاندا کە هەموومان هۆکانى دەزانین و پێویســت ناکات دووبارەى بکەینەوە، چونکە ئەى خەڵکى سـتـەمدیدەى کوردســتان کە هەمیشــە زوڵم و ســتەمت لە ســەر نەبڕاوە ســەرەڕاى ئەو قوربانیانەى ووڵاتانى زلهێزیش دایان تا لە ژێر بارى زوڵمى بەعس بێینە دەرەوە کەچى وا دووبارە کەوتووینەتەوە ژێر بارى زوڵم و چەوســانەوەى کورد خۆى کە خۆى لە دوو حیزبى تۆتالیتارى و خێڵەکیدا ئەنوێنێ ، ئەو دوو حیزبەى بە تەواوەتى تەقلیدێکن لە بەعس و ســیستەمە گەندەڵ و خێڵەکیەکەى ، بۆیە ئەى خەڵکى بە شــەرەفى کورد ئەمجارە با پەنجەى شــایەتمانتان و قەڵەمەکانتان بوونى ئەو دوو حیزبە لە ســەحنەى کوردەواریدا بســڕێتەوە و قۆناغێکى نوێ لە حکومەتى یاســا و کارامەیى بەڕێوە بردن بهێنێتە دى دەنا بە پێچەوانەوە ئەگەر ئەم دوو حیزبە دەنگ بهێننەوە دەزانن ژیانمان چى لێ دێ، دە ســەیرکەن لە خوارەوە ڕیزى دەکەین:
1. ئەمجارە بارى ژیانمان وا گران ئەکەن کە بەغیلى بە ســۆمالى و ئەســیوپیەکان ببەین، چونکە هەواش ئەکەن بە پارە و گێچ و ســەعاتمان لێ ئەبەسـتن تا بە لیتر و مەتر مکەعەب حســابى بکات کە ڕۆژانە چەند هەوا هەڵئەمژین بۆ هەناســەدان.
2. ئاو و کارەبا هەر مەپرســن چۆن گرانى دەکەن چونکە خۆیان خەمیان نیە بۆ خۆیان بە خۆڕایى یە هەروەکوو هەموومان بە چاوى خۆمان ئەبینین چۆن بەر پرســەکان فول کارەبا و ئاویان هەیەو کەسیش ناتوانێت قڕانێکیان لێ بســەنێت، ئەوەش بەوەدا دیارە کە هەندێ لە ماســتاو چیەکانیان لە دەزگاکانى ئاو و کارەباوە جار جار ئەیدەن بە گوێ ى خەڵکی دا لە میدیاى دوو حیزبەکەوە.
3. خوێندنیش ئەکەن بە پارە بە جۆرێک کەس نەتوانێت تا پۆلى چوارى ســەرە تایى تەواو بکات ، ئەزانن ئەمەش بۆ والێ دەکەن تا لە ئایندەدا هەموو میللەت نەخوێندەوار و نەزان دەرچێت و ئەوەى پێیان ببڕێت تەنها کرێکارى و فەڕاشــى و کارەکەرى دەســەڵاتدارەکان بێت و خۆشــیان کوڕ و کچەکانیان بە هەر تەزویر و درۆ و دەلەســەیەکە بگەیەننە شــەهادەى بەکالۆریۆس و ماجیســتەر و دوکتۆرا، لە زانکۆ جوانەکانى کوردســتاندا. چونکە ناتوانن ئەو فێڵەى لێرە ئەیکەن لە زانکۆکانى دەرەوەى بکەن.
4. کار و کاســبى و ســواڵ کردن بۆ خەڵک وەکوو یەکى لێ دێت واتە چ ســواڵ بکەیت و چ هەوڵ و کۆشش بدەیت بۆ ژیانت وەکوو یەکى لێ دێت ، چونکە ئەوەى تا ئێســتا قۆرخیان کردووە هیچ نەبووە ئەمجارە لە ســەدا ســەدى بوارەکانى ژیان قۆرخ ئەکەن و ئەبێ بە ســواڵ کردن فەڕاشــى یان حەماڵیەکت بەرکەوێت و داواشت لێ دەکەن لەوەشــدا شــەریکیان بیـت.
5. ئەو کۆمیتە و لق و مەڵبەندانەى ئەو دوو حیزبە ئێسـتا هەیانە لە کوچە و کۆڵانى شارەکانماندا ژمارەیان کەمە و هیچ نیە ئەزانن دواى دەرچوونەوەیان ژمارەیان دەبێت بە چەند، بە حەدێک زیاد ئەکات کە هەر ماڵێکى چەند نهۆمى نهۆمێکى لێ ئەســتێنن بۆ ئەو مەبەسـتەو هەر ماڵێکى یەک نهۆمیش هۆدەیەکى و لە ئاپارتمانەکانیشــدا شــوقەیەک و بگرە لە ســەربانى مزگەوت و حەمامەکانیشــدا.
6. هەموو شــتێک دەبێت بە وەرەقەى حیزبى تەنانەت سوار بوونى تاکسى و پاس و عەرەبانەش، بۆ تۆیەک کە ئەو وەرەقەیەت پێ نەبوو ئەو شــتانە بە دە هێندەى نرخى خۆى و بۆ ئەوانەى وەرەقەشــیان پێ بێت بە نرخێکى ڕەمزى زۆر کەم ، تەنانەت نان و ســەموون کڕینیش واى لێ دێت.
7. بۆ چوونە خەســتەخانە و عەیادەکان دەبێت لە کۆمیتەکان و لقەکانەوە وەرەقە بەریت دەنا فەرمان ئەدەن ئەگەر ڕیخۆڵە کوێرەشــت بێت فڕێت دەنە دەرەوە.
8. خاوەنى هەر شــەهادە و پســپۆڕی یەکى بەرز بیت کە ئەو دوو حیزبە ئارەزوویان لێت نەبوو بە نەخوێندەوار حســابى و پێت خۆش بێت یان نا ئەوا فەڕاشــى یان کەناســیت زیاتر پێ نابڕێ.
9. ئەگەر لە دەرەوەى ووڵات بووى و پســپۆڕ و زانایەکى لێهاتوو بویت و داهێنانێکى باشــت بەدەســتهێنابوو بۆ بەرزى ناوى کورد ئەوا هەر کە گەڕایتەوە و زانیان بێ لایەنى هەوڵ ئەدەن گومت بکەن و بێ ســەر و شــوێنت بکەن ، چونکە نابێت کەس لە ئەڵقە لە گوێ و کەســانى کلکە لەقى دەورى خۆیان زیاتر ناویان هەبێ کەئەوانە هەمووشــیان نەزان و گەمژەن.
10. زەریبە لە ســواڵکەرى ســەرجادە و بەر مزگەوتەکانیش ئەســتێنن بە جۆرێک کە بەشــى نان و کەوەرێکیان پێ نەمێنێ.
11. تاقى کردنەوە و امتحانات لە خوێندنگە و زانکۆکاندا نامێنێت چونکە زیرەکى و تەمەڵى نامێنێت تەنها وەرەقەى کۆمیتە و لق بەرە و دەرچووى، وەک ئێســتا لە زانکۆکانماندا ڕووى داوە و شــایەتیش زۆرە.
12. هیزى پێشــمەرگە یان ســوپا بەس بۆ راکێشــانى پارە و بودجە ئەبێت لە ناوەندەوە و دابەشــى ئەکەن لە ناو خۆیاندا دەنا بەناو ســەدان هەزار چەکداریان هەیە و بەڵام کە هێرشــێکى فەوجێکى تورک و ئێران ڕوو بدات تاقە نەفەرێک نابینى لە ســاحەى نەبەردا.
13. نەخۆشــى و پەتا بڵاو ئەبێتەوە و هەزار هەزار خەڵک گۆڕەوشــار ئەدرێ چونکە بەخەیاڵیاندا نەهاتووە بودجەى ئیحتیات دابنێن بۆ حاڵەتى کتووپڕ و کارەســاتبار وە هەمووى چۆتە گیرفانى ســەران و دەسـت و پێوەندى ئەو دوو حیزبەوە.
14. ســوتەمەنى بە جۆرێک قۆرخ ئەکەن و گرانى ئەکەن کە کەر و وڵاخ برەو ئەســێنێتەوە و ئەوەش دەســت هەموو کەســێ ناکەوێ ئیلا بە وەرەقەى حیزب نەبێت.
15. ســەیران و گەشــت نامێنێت چونکە ئەو بســتە ئەرزانەى کە ماون و تا ئێســتا داگیریان نەکردووە و خەڵک ڕووى تێ ئەکرد ئەوانەش ئەگیرێن و تەنانەت ڕێگاش نامێنێت بۆ ســەرکەوتن بە شــاخەکانیشــدا.
16. دادوەرى بە یەکجارى نامێنێت ئەگەر زوڵمت لێ بکەن و بچیت شــکات بکەیت تا دادت بپرســن ئەوا خۆت ئەگرن و حوکمت ئەدەن بە چەندین ســاڵ ئەوە ســەرەڕاى ئەوەى باش تێڵا تڕێنیشت ئەکەن، وە تاوانبارەکەش لە ســەر جادە تلى لى لى ئەکات، ئەمە لە ئێســتاشــدا ڕووى داوە بەڵام ئەمجارە دەربچنەوە ئەوە هەموو دەقە و ســەعاتێک ڕوو ئەدات .

17 دزى و تاڵانى و ڕاو ڕووت و ماڵ بڕین و هەڵکوتانە ســەر خەڵک ئەبێتە دیاردەیەکى
ڕۆژانە، چونکە یاســا و نیزام بە تەواوى نامێنێت و ئەوانەى پێ ى هەڵدەســتن
هەموویان لە دەســەڵاتەوە نزیک ئەبن یان شــەریک ئەبن لە دابەش کردنى
غەنیمەتەکانى ئەو کارانە بۆیە کەس ناتوانێت چاریان بکات ئەگەر خۆمان هەر لە
ئێســتاوە ئامادە نەکەین و لە هەڵبژاردنى ئایندەدا بە بڕیارى هەموومان گۆڕیان گوم
نەکەین.
18 پەروەردە و خوێندن نامێنێ و ڕاپ ڕاپێن و پایەماڵ کردنى نامووســى کچان و
ئافرەتان جێگاى فێر بوونى زانسـتەکانى ســەردەم ئەگرێتەوە و بگرە دژایەتى
ئەوانەش دەکەن کە دواى فێر بوون و زانســت ئەکەون چونکە ئەوان لە زانســت و
تەکنۆلۆژى تێ ناگەن و تەنها چێژى ژیان لەو کارە بێ کەڵکانەدا دەبیننەوە،
زانســتەکانى فیزیاو کیمیاو ئینفۆرماتیک و داتا بەیز و پزیشــکى و ئەندازیارى لاى
ئەوان قنگ بادان و بێ ڕەوشــت کردنى کیژێک یان ئافرەتێک ناهێنێ وە هەرگیز خەمیان
لە ئایندەى نەوەکانمان نیە کە بۆ ئایندە چى فێر ببن و ڕەفتاریان چۆن بێت ، ئەوان بۆ
لەزەتى چەند ســاتێکى ئێســتاى خۆیان بۆمبێکى ئەتۆمى ماڵ کاولکەریان ئاراســتەى
نەوەکانى ئایندەمان کردووە، کە لە ئێســتاوە سەرەتاکانى ئەو دیاردەیە لە
ناوەندەکانى خوێندن و زانســتدا ســەرى هەڵداوە و نەوەکانى ئایندەمانیان خولیاى ئەو
ڕەفتارانە کردووە.
19 لەســایەى مانەوەى ئەواندا پزیشــک و ئەندازیار و مامۆســتا و پســپۆڕى تر ئەبینى
کرێکارى و کەناســى و حەماڵى دەکەن وە نەزانەکانى خۆشیان بە شــەهادەى تەزویر و
بگرە بێ شــەهادەش جێ ى ئەوانە ئەگرنەوە، ئەو حاڵەتە ئێســتاش ڕوویداوە و
نموونەش زۆرن.
20-تەندەر و مناقێە ى پڕۆژەکان (ئەگەر پڕۆژەیەکیان بۆ مەبەســتى خۆیان لە خەیاڵدا
بێت) تەنها بە وەرەقەى کۆمیتە و لقەکان دابەش دەکرێت پێشــتریش دیارى کراوە بۆ کێ
بێت. ئێســتا ئەم دیاردەیە زۆر ڕوویداوە بە ژێربەژێرى بەڵام بە مانەوەیان ئیتر
شــەرمیش ناکەن لە میللەت و لە میدیاکانیشــیاندا بە ئاشکرا شــانازى پێوە ئەکەن.
21- خەڵکى بە تەواوەتى ڕەســەنایەتى خۆیان لە دەسـت ئەدەن و بگرە پاش چەند نەوەیەک
نازانن ســەر بە چ نەتەوە و نەژادێکن و ئەڵێن گوایا ســەردەمانێک کورد بوون.
22 بە مانەوەى ئەو دوو حیزبە هەژارى و گرانیەکى بەر بڵا و ســەرهەڵئەدات بە تایبەتى
کە لە ســاڵانى ئایندەدا هەروەکوو پێشــبینى کراوە عێراق دەرامەتى دراوى کز دەبێت و
ڕووبە ڕووى قەیرانى کەمى بودجە و دراو دەبێت و ئەمانیش ئاوا بەردەوام بن لە دزین و
تاڵانکردنى بودجە و ســامانى خەڵک ئەوا لە کوردســتاندا چاوەڕوانى کارەســاتێکى
لەو جۆرە ئەکرێت، بۆیە خەڵکى داواى فریاکەوتن لە ڕێکخراوە جیهانیەکان و نەتەوە
یەکگرتووەکان ئەکات تا بیانژێنێ و ئیدارەیان بکات چونکە بۆیان دەرئەکەوێت
هەرچەندە ئەوانە بێگانەشــن بەڵام ویژدانیان وەک ئەمان نیە و ئەگەر دزیشــمان لێ
بکەن ئەوا بە ســەد ئاو شــۆراونەتەوە لە چاو ســەران و بەرپرســانى خۆماندا. بۆ یە
پێویســتە لە ناو کوردا دەنگێک پەیدا ببێ هەر لە ئێســتاوە داواى ئەوە بکەن کە
بمانخەنە ژێر ئینتیدابى ئیدارەیەکى نێو دەوڵەتیەوە چونکە کورد خۆى تاقى کردەوە کە
کەســى خەمخۆرى ڕاســتەقینەى نیە ئیدارە و بەڕێوەى ببات لە ئاســتێکى گونجاودا و
هەر ئەکەوێتەوە ژێر ســیستەمى زوڵم و بێدادى و هەژارى.
23 بەهۆى ســەرهەڵدانى ئەو خاڵەى پێشــتر وتمان خەڵکى ناچار بە فرۆشــتنى هەموو
موڵک و دارایى یەکانیان دەبن و کڕیارەکانیش تەنها ســەران و کەس و کار و دەســت و
پێوەندەکانى ئەو دوو حیزبە دەبن چونکە بودجەى ووڵاتیان تاڵان
کردووە و خنیویانەتە تەنکەى باخەڵیانەوە، واتە بە ســامان و بودجە و هەقى
خۆمان کە لە ناوەندەوە بۆمان تەرخان ئەکرێت ماڵ و حاڵمان لێ ئەکڕنەوە و
خۆشــمان ســەرگەردان ئەکەن، یان ئۆردوگامان بۆ ئەکەنەوە یان ئەبێ ئاواتە
خوازبین ســەرى خۆمان تەنانەت بەرە و ســۆمال و ئەســیوپیا هەڵگرین.(ئەى خەڵکى
خێر نەدیوى کورد، خۆى ئەوە ئامانجى ســەرەکى ئەو دوو حیزبەیە واتە وەکو بەرنامە
و پڕۆگرام پیادەى ئەکەن).
24 خۆمان لە وڵاتى خۆمان و ســەرزەمینى خۆماندا ئەکەن بە بێگانە و کەســانى دەرەکى و
چواردەورمان ئەهێنن بە بیانووى پســپۆڕ و هونەرمەندەوە بە ســەرماندا فیز بکەن و
خۆشــمان چاوە زەقەمان بێت و بە هیچ شــێوەیەک گوێمان لێ ناگرن تەنانەت ئەگەر بیر
و بۆچوونەکانى کەســانى خۆمان ڕاســت تر و ســەرکەوتوو تر بێت، چونکە لە
پشــتیەوە گەندەڵى و چڵپە و لێســەیان دەســت ئەکەوێت و ناتوانن لە گەڵ کەســان و
پســپۆڕانى خۆماندا دەسـتیانکەوێت.


-25 یاســا و پۆلیس و ئاســایش هەر ناوەکەى دەمێنێ وەک پارێزەرى یاســا و هێمنى دەنا هەر خۆیان دەبن بە ماڵ تاڵانکەر ، گیرفان بڕ، پیاو کوژ، دەســتدرێژى کردنە ســەر نامووســى خەڵک و بە ڕۆژى ڕووناک و بە ئاشــکرا ئەچنە ســەر هەرکەســێک کە دوو پوولى پێ شــک ببەن، لاى ئەوان ژیان نابێ بۆ کەس بێت تەنها بۆ دەســەڵاتداران و دز و درۆزنەکانیان نەبێت، ئەمە لە ئێســتاشــدا لەو کارانە ڕوویداوە بەڵام جارێ حاشــاى لێ دەکەن بەڵام بە مانەوەى ئەو دوو دەســتەیە ئەو دیاردەیە بەئاشــکرا ئەنجام ئەدەن و بگرە لە ڕادیۆ و تەلەفیزیۆنەکانیشــیانەوە بە کارى پاڵەوانێتى و دەســتکەوت ڕاى ئەگەیەنن


-26 هێندە خەڵک بە تایبەتى گەنجان نەزان ئەکەن کە هەر گەنجێک مقابەلە بکەیت و لێ ى بپرســى ئەرێ پایتەختى عێراق کوێ یە یان هى ئێران کوێ یە نایزانێت و زانیارى و زانســت بەو ڕادەیە کز ئەبێت لە ناویاندا، جا ئەوە کاریگەرى بۆ پاشــەڕۆژى نەوەکانیشــمان ئەبێت کە پێدانى شــەهادە و پیشــە لە ســەر بنەماى زانســت نابێت تەنها بەواســتەى ئەو دوو دەســتەیە فڵان ئەکرێت بە دوکتۆرى نەشــتەرگەرى کە ناشــزانێ گورچیلە لە کوێوەیە وە فیســاریش ئەکەن بە ئەندازیار کە پاشــان نازانێ میلێک چەند کیلۆمەترە وە ئەشــیانکەن بە هەمە کارە بە ســەر خەڵکەوە، واوەیلا چیمان بەســەر دێت، ئەوەى تا ئێســتا دیومانە خوێ ى چێشــتە لە چاویدا

- 27 بەهۆى مانەوەى ئەم دوو دەســتەیەوە لە دەسـەڵاتدا کورد ســۆز و بەزەیى کۆمەڵگاى نێو دەوڵەتى بەرامبەر بە خۆى لە دەســت ئەدات و بگرە ناومان ئەزڕێت و ئەبین بە قێزەونترین کۆمەڵگاى ســەر ڕووى زەوى، چوونکە خەڵکى ووڵاتانى پێشــکەوتوو پێمان ئەڵێن باشــە ئێوە پاش ئەو هەموو هەنگاوانەى بۆتان نرا و ئازادمان کردن لە دەســت دیکتاتۆرى ،وە بودجە و لێشــاوى یارمەتیمان بۆ ناردن تا ببنە یەکێک لە میللەتە زیندووەکانى جیهان کەچى تازە بە تازە خەڵکەکەتان بە لێشــا و ســەرى خۆیان هەڵدەگرن و دێنە ســەر وورگى ئێمە و هیچ کەســێکى زانا و خاوەن بیر و هۆشــمەندیشــتان تیا نیە تا ســوودى لێ بکەین تەنها دێن لە ســەتەلایتەکانەوە هەڵپەڕکێ ئەکەن کە هەر ئەوە ئەزانن، چونکە لە ســایەى ئەو حیزبانەوە ناهێڵن کەس زانســت و تەکنۆلۆژى فێر ببێ و ئێمە بچین زانســت و داهێنان بۆ ئەوان بەرین و هەم ناوى کوردى پێ بەرز ببێتەوە و هەم شــیرینیش بین لە بەر چاوى ئەو بیانیانە بۆیە لێمان وەڕز ئەبن و ئەبین بە مشــەخۆر و بارى گران بە ســەر ئەوانەوە و قێزەوون ئەبین لەبەر چاویان کە دوورنیە کاردانەوەمان بەرامبەر بکەن، هەموو میللەتێ هەرچەند دواکەوتووش بێت ئەمڕۆ پشــکى هەیە لە بەرەو پێش بردنى بوارەکانى ژیان تەنها ئێمەى کوردى نەگبەت نەبێ کە پاش ئازاد بوونیشــمان لە دەســت دیکتاتۆرى و زوڵم وەکوو میزى حوشــتر گەڕاوینەتەوە ژێر دەســتى دیکتاتۆر و زاڵمى خێڵەکى خۆمان کە زانســت و داهێنان لاى ئەوان بڤەیە چونکە ئەیانەوێ لە شــەوەزەنگى نەزانیدا بەســەر بەرین تا دەرک بە دزى و تاڵانیەکانیان و بردنى قووت و ســامانى ووڵاتەکەمان نەکەین، هەر بەو هۆیەوە دەبین بە مەســخەرەى میللەتانى دیکە و دێن لێکۆڵینەوە و توێژینەوەمان لەســەر ئەکەن کە بۆچى ئاوامان بەســەر هاتووە بێگومان بۆیان دەر ئەکەوێت ئەوە بە دەســتى ئەو دوو دەســتە گەندەڵەى کوردســتانە ئاوامان لێهاتووە ئەگینا مرۆڤى زیرەک و هوشــیارمان هەیەو بەڵام ئەو دوو دەسـتەو بنەماڵیە دوژمنى ئەوانەن و دەنگ و ڕەنگیان خەفە ئەکەن ، ئەوەتا لە زانکۆى ســلێمانیدا زیرەکترین تەلەبە ئەخەن و (لەمەودوا تا مانەوەى ئەو دوو حیزبە گەندەڵە نە ئەڵێم خوێندکار نە ئەشــلێم قوتابى (تەمەڵترین تەلەبەش بە وەرەقەى حیزب بەیەکەم دەرئەچێنن ئەمەش تەنها لە بەر ئەوەى زیرەکەکە بێ لایەنە و مل نادات بەو دوو حیزبە خوار و خێچە، جا بە دەسـت ئەو دوو دەسـتە گەندەڵەوە چۆن کورد ڕووى دێت لە بەردەم خەڵکى ووڵاتانى بیانى چاو هەلًَبڕێ و بڵێ منیش هەم و ئەوەنیە ئێمەش کەســانى داهێنەر و زانامان هەیە، بۆیە بە هۆى ئەوانەوە ناوى کورد لاى جیهان بەگشــتى لەکەدار ئەبێت و پێمان دەڵێن باشــە ئەو هەموو بوودجە و ســامان و کانزایەى ئێوە هەتانە کە ئێمە نیمانە کەچى هیچ زانســت و داهێنانێکتان نیە و هەروا لە نەگبەتیشــدا دەژین بۆیە ڕاسـتیەکانیان دوواتر بۆ دەر ئەکەوێت بەڵام پاش چى) بعد خراب البسرە)

-28 هەر کارەســاتێکى ســروشــتى (خوانەخواســتە) ڕووبدات وەکو لافاو یان بوومە لەرزە ئەوا دەبینى هەموو توانایى یەکانى حکومەت هەر لە خەســتەخانە و شارەوانى و هەموو ئامێر و تفاقى دەسـتگاکان تەرخان ئەکرێت تەنها بۆ خزمەت کردن و ڕاســت کردنەوەى بارى خانەوادەى دەســەڵاتدارانى ئەو دوو حیزبە و بەرپرســانى دەور و بەریان و تا ئەوان وەســتا بن هیچ بریندار و لێقەوماوێکى میللەت کەس ناچێت بە هانایانەوە، کارەســاتەکە بە جۆرێکى لێ دێ خەڵکى ووڵاتان قێزمان لێ ئەکەنەوە، ئەگەر هەر لایەنێکیش بەزەیى پێمانا بێتەوە و دەســتى یارمەتى بۆ میللەت درێژ بکەن ئەوا گورج بۆ خۆیانى ئەماشــنەوە و ناهێڵن بگاتە دەســت میللەت، پاشــان دەبینى هەموو بوودجە و پارەى تەرخان کراو بۆ میللەت بۆ چاک کردنەوەى موڵک و تەلارەکانى خۆیان تەرخان ئەکەن و نابینى یەک ماڵ و حاڵى خەڵکى چاک بکرێتەوە و بۆ هەتا هەتایە خەڵکى لە خێمەى زیاتر پێ ڕەوا نابینن، ئەوســا بۆتان دەرئەکەوێت ئەمانە بەڕاســتى دووژمنى ئەو خەڵکەن چونکە زۆریان پێ خۆشــە کارەســاتێکى وامان بەســەر بێت و خەڵکى بێتە ســەر ســاجى عەلى و خۆشــیان بە پارە وپوولى ئەو میللەتە خۆیان دووبارە پۆشــتەو پەرداخ بکەنەوە، ئەوان خواخوایانە هەموو میللەتیان لە کۆڵ بێتەوە و زەوى قووتیان بدات چونکە خەڵک زمان درێژى ئەکات بەرامبەریان و پێیان ئەڵێت کوا بودجە و ســامانى میللەتەکەمان بۆ ئەدزن و تاڵانى ئەکەن.
کەواتە با بە دەســتى خۆمان ماڵى خۆمان وێران نەکەینەوە و 25 ى ئەم مانگە بە پەنجەى شــایەتمانمان و بە نوکى قەڵەمەکانمان تووڕیان دەینە ســەرەنوێلکەى لەعنەتى مێژووەوە.
ســلێمانى
17/7/2009