بسوڕێوه‌
به‌سه‌ر لووتکه‌ی قه‌ندیل
ئه‌ی هه‌ڵوی به‌رزه‌ فڕ ،
به‌سه‌ر دیاربه‌کر و قامیشلو و
به‌سه‌ر سابڵاخ و شاره‌که‌ی
ئاگر و گڕ ،
بفڕه‌وه‌ ئه‌ی سه‌رکرده‌ی پاکی دوا ڕۆژم
ئه‌ی به‌رزتر له‌ ئه‌ستێره‌ی گه‌لاوێژم ،
چه‌ندین ساڵه‌
بێ تۆ لووتکه‌ی قه‌ندیل شانی داکه‌وتوه‌
سه‌ر لووتکه‌ی ئاواتی کوردان
ته‌ماوییه‌‌ و ته‌می سپی لێ نیشتوه‌ !
بفڕه‌وه‌
ئه‌ی هه‌ڵۆی به‌رزه‌فڕ
کوا دورگه‌ی ئیمڕاڵ جێته‌ ؟!
ئێستا گه‌نجانی هه‌ر چوار پارچه‌ی کوردستان
چاوه‌ڕێته‌ ،
ته‌نانه‌ت دار و به‌ردی ،ئه‌و کوردستانه‌ش
هیوای پێته‌ !
هه‌زاران سه‌رکرده‌ی
کوردی کورد فرۆش
خاکی به‌ر پێته‌ ،
هه‌ڵکشێ ئه‌ی ئه‌ستێره‌ گه‌شه‌که‌ی کوردان
نه‌وی مه‌به‌ ،
فریوو مه‌خۆ
هه‌رگیز بۆ ڕاوکه‌رانی کورد
که‌وی مه‌به‌ !