ئەی................. نیشتمان

Sunday, 23/02/2014, 12:00

کە دەمزانی
تەنها هەر تۆی
دەرمانی دەردی
دڵمی
کە دەمزانی
تەنها هەر تۆی
شایانی
باخچەی گوڵمی
کە دەمزانی
تەنها هەر تۆی
سروەی هەناسەی
ژینمی

هیچم نیە
لەدەستی دەم
چگە لە خاک و
لە تەمەن
هەمووی سووتا
بەئاگریك
کاتێک تۆ
سومبلم بووی
زەمن بوو بە
ئەستێرە ی بەخت
لە ئاسمانە
شۆڕبووەوە و
چوو بە ناخە
کە چی لە نەغمەی خەزانە
تەنها تۆ بولبولم بووی
دیمەن بوو بو ڕستەی شیواو
ماڵی دڵم بە قوڕ گرت
هێشتا هەر تۆ پاسەوانی
دەرگای دڵیت
کێ دەتوانێ ؟
ئەم ژیانە
شیتەڵ بکات
ئەزموونی ئەم نهێنیە
دیاری بکات
دەمێک لە پاڵ
شەرو شۆڕو دەردەسەری
دەمێک ژینی کولە مەرگی
وائیستاکە دەروازەی
هەرەس ڕووخا
وەک باڵندەیەکی
ئاوارە
گەرمیان و کوێستان دەکەم
بەڵام هەر تۆلە دڵمی