که‌نگی پارتی ویه‌کگرتوو دوو جه‌قێن ئێک دارێنه ؟!
Sunday, 12/08/2012, 12:00
فازل میرانی سکرتێرێ مه‌کته‌با سیاسیا پارتی دیموکراتی کوردستان به‌ری جه‌ند ساله دجاڤپێکه‌فتنه‌کێ دا لگه‌ل روژناما خه‌بات گوت پارتی ویه‌کگرتوو دوو جه‌قێن ئێک دارێنه ، پارتی لایێ نه‌ته‌وه‌ی بخوه‌ڤه دگریت ویه‌کگرتوو لایێ ئولی دگریت ونێزیکترین پارتا ئیسلامی بو پارتی یه‌کگرتووی ئیسلامیی کوردستانه وهه‌ر ئه‌ڤ گوتنه هاته دوباره‌کرن لسه‌ر زاری ناڤبری به‌ری جه‌ند روژان ل کوردستان تیڤی . نزانم تا ج راده ئه‌ڤ ئاخفتنه راسته به‌لێ ئه‌گه‌ر نێرینه‌کێ ل ژیوارێ سیاسیێ کوردستانێ بکه‌ین وپێکڤه‌ژیانا سیاسی لده‌ڤه‌را پارتی لێ ده‌ست هه‌لاتدار به‌روڤاژی خویا دبیت .بو نموونه ل 6/12/2006 باره‌گایێن یه‌کگرتوو لگه‌ل هه‌می ده‌زگه‌هێن راگه‌هاندنا وێ هاتنه سوتن وتالانکرن وزێده‌باری شه‌هیدکرنا(ماموستا موشیر ئه‌حمه‌د ، عسمه‌ت به‌ندی ، ماموستا عبدالرحمن هروری ، مه‌لا شه‌فیق کێسته‌ی) لده‌رڤه‌را بادینان که ئه‌و ده‌ڤه‌را پارتی کونتروله‌کا ره‌ها لێ دکه‌ت. ئه‌رێ بو جی هه‌رده‌مێ جه‌قه‌کێ دارێ ژ جه‌قه‌کێ دیتر باشتر گه‌شه‌کر وخه‌ملا خوه دیارکر وبه‌رهه‌مێ وێ دیارتر بیت ئه‌ڤ جه‌قه بهێته سوتن وبرین ؟ یا باشتر ئه‌وه جه‌قێ نه‌ساخله‌م وخودان ئێش بهێته برین وباقژکرن هه‌تا نه بیت گرفته‌کا مه‌زن وگه‌نده‌لی ژێ دروست ببیت وجڤاکی دابه‌ش بکه‌ت هنده‌ک وه‌کی پاشا بژین وهنده‌ک دبن هێلا هه‌ژاریێ دا بژین . دبێژن دیرووک خوه نی دکه‌ت ڤه لرێکه‌فتی 2/12/2011جاره‌کا دی کلتورێ نه‌شرین سه‌رێ خوه ل زاخوکا بیکا بادینان راکر وده‌ستپێکر وهه‌مان سیناریوا سالا 2006 هاته دوباره‌کرن . کاک فازل نزانم بوجی به‌س جاڤێ جه‌قێ نه‌ته‌وه‌ی ل جه‌قێ ئایینی یه هه‌ر گاڤه‌کا درێژ وخودان خه‌مل که‌ت دێ هێته سوتن وتالانکرن ؟ سیاسه‌تمه‌دارێن مه ل کیژ جه‌رخی دژین ب هزرا من خه‌لکێ کوردستانێ یێ ژ ڤێ قوناغێ ده‌رباز بی هه‌تا که‌سه‌ک بێژیت پێنیر یێ ره‌شه خه‌لک بێژیت به‌لێ وه‌کی قیرێ یه ! به‌رێز میرانی تو دزانی لده‌ڤه‌را بادینان هه‌ر جی ئه‌ندامێ یه‌کگرتوو هه‌یه هاتیه گرتن وئه‌شکه‌نجه‌دان وسه‌ر وسمبێل لێ هاتینه تراشین وژبلی ڤه‌گوهاستنا که‌سێن یه‌کگرتوو بو ده‌ڤه‌رێن دویر ژ جهێ وان یان ماموستایه‌کێ ئایینی یه دێ هێته ڤه‌گوهاستن بو ده‌ڤه‌را ئێزدیان ؟ ئه‌ڤه‌یه سیاسه‌تا دوو جه‌قێن ئێک دارێنه ، یان ئه‌وێ لگه‌ل هرجێ بجیت سه‌ر سفرێ دڤێت ته‌حه‌مولا مست وکێلنجا بکه‌ت . ئه‌گه‌ر لناڤ هه‌می دام وده‌زگه‌هێن (ئاسائیش ، پاراستن، پولیس، پێشمه‌رگه، زێره‌ڤانی ووو) ئه‌وێن دهێنه ناڤکرن ب ده‌زگه‌هێن میری (حزبی) ئێک ئه‌ندامێ یه‌کگرتوو تێدا هه‌یه وئه‌گه‌ر که‌سه‌کێ بێهنا یه‌کگرتووێ ژێ بهێت دێ هزار ڤه‌کولین ودیڤجوونا لسه‌رکه‌ن ، ئه‌ڤه پێکڤه‌ژیان وئه‌م هه‌می برانه وجاره‌نڤیسێ مه هه‌میان ئێکه ، ل هه‌رێما کوردستانێ ره‌خنه ل مالکی دهێت گرتن که هه‌می پوستێن میری یێن دده‌ستێن ویدا به‌س ل کوردستانێ ئه‌و بخوه هه‌مان سیاسه‌ت په‌یره‌و دکه‌ن هه‌ر وه‌کی بو مالکی حه‌رامه وبو وان حه‌لاله وشیرێ زه‌لاله!
ردوان گولی /سوید
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
