نهێنییه‌کی گرنگ..گرنگ...مه‌سعود له کۆبوونه‌وه‌ی مه‌کته‌بی سیاسیدا چرای سه‌وز بۆ تیرۆرکردن هه‌ڵده‌کات..
Sunday, 16/05/2010, 12:00
سه‌رجاوه‌یه‌ک له نێو مه‌کته‌بی سیاسی پارتی شکستخواردوو به کوردستانپۆستی راگه‌یاند که له سه‌ره‌تای ئه‌م هه‌فته‌یه‌دا و پێش ده‌رکردنی به‌یاننامه شوومه‌که‌ی پارتیبه چه‌ند کاتژمێرێک، مه‌سعود بارزانی کۆبوونه‌وه‌ی به مه‌کته‌ب سیاسیی پارته‌که‌ی خۆی کردووه و له‌م کۆبوونه‌وه‌دا مه‌سعود تاکڕه‌وانه و زۆر به‌گه‌مژانه بریاریداوه:
1- هه‌رکه‌سێک جوڵه‌یه‌کی نائاساییکرد به‌ناوی گێره‌شێوێنی، ده‌ستی ده‌زگا ئه‌منیی و داپلۆسێنه‌ره‌کان واڵا بکرێت بۆ کوشتنی یا ته‌مبێکردن ، به مانایه‌کی دیکه ئیعلانکردنی شه‌ڕ له دژی خه‌لکی کوردستان.
2-هه‌ر له‌و کۆبوونه‌وه‌دا مه‌سعود بڕیاریداوه که سه‌عات دوانزه‌ی شه‌و له دوای ده‌رکردنی به‌یاننامه‌که هێرش بکرێته سه‌ر باره‌گاکانی گۆڕان و کادیره‌کانیان ده‌ستگیر و تیرۆر بکرێن .
بنه‌ماڵه‌ی مه‌سعود واده‌زانێت گۆڕان ده‌ستی هه‌یه له ورژاندنی جه‌ماوه‌ر له دۆزی تیرۆرکردنی شه‌هیژ سه‌رده‌شت ، هێستا واده‌زانێت گۆڕانیش پارتێکه ده‌توانێ جه‌ماوه‌ره‌که‌ی خۆی له دژی بنه‌ماڵه بورژێنێ ، نازانێت ئه‌وه جه‌ماوه‌ره گۆڕان ئیحراج ده‌کات و ده‌یخاته پێشخۆی له هه‌ر کارێکی جه‌ماوه‌ریدا.
پاش بڵاوبوونه‌وه‌ی ئه‌م به‌یاننامه‌یه که به‌یاننامه‌یه‌ک بوو به نه‌فه‌سی تۆڵه‌ی عه‌شایری و شه‌ڕانگیزی و به‌سه‌رپه‌رشتی مه‌سروری تیرۆریست نووسرابۆوه ، ناچار گۆڕان بۆ پاراستنی بنکه و باره‌گاکانی ئیداره‌ی ئه‌مه‌ریکی و به‌ریتانی لێ ئاگادار کردبۆوه و توانرا مه‌سعود سه‌رکۆنه بکرێت و پیلانه‌که‌ی پوچه‌ڵ بکاته‌وه و هێرشه‌که وه‌ستێنرا بۆ کاتێکی نادیار.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
