هەرچی لەسەرزوەوی بوو فرۆشتیان، ئێستا نۆبەی سامانی ژێر زەویە

Tuesday, 21/01/2014, 12:00

2695 بینراوە

فرۆشتنی خوێن

چی نەما لەوبستە خاکەی کەخۆیان ناویان ناوە هەرێمی کوردستان، نەیفرۆشن؟ بەدرێژای بیست و سێ ساڵ، پدک و ینک، هەرچی نرخی پولێکی قەڵبی هەبو هەرزان وتاڵانفرۆشیانکرد. سەدان کەللە سەری نەیارو لایەنە سیاسیەکانی یەکدیان پۆچەند تمەن و لیرەیەو دۆلارێک، بەووڵاتانی تینو بەخوێنی کورد فرۆشت. هەرلەسەرەتایی راپەڕینەوە هەرچی کەل و پەلی پڕۆژەو کارخانەکان، لەو سێ پارێزگایە لەدوای ڕژێم جێمابوو، پیاوە سمێڵ قەویە بەناو شۆڕشگێڕەکانی حیزب، ئاودیوی ئەو دیو سنورەکانیان کرد پۆ پارە. هەرچی لاو گەنجی کورد هەبوو، هەرڕۆژەی بۆ ووڵاتێکی دراوسێ بەگژ یەکتریاندا دەکردن و لەجیاتی خوێنیان، مشتێ پارەیان وەردەگرت. ئەو سەرکردەو حیزبانە، وەک چۆن کەسانێک خو بەماددەی هۆشبەرەوە دەگرن، ئەوانیش مودمینی پارە بوون. هەرگیز خۆشبەختی و ئاوەدانی خەون و هیوایەک نەبوو، کەبیانەوێت بۆ کورد بەدی بهێنن. هەمیشە لەسەر مێزی گفتگۆ، شەڕی پارەو سامانیان کردوە. تائێستا کێ بیستویەتی سەرانی کورد، لەماوەی ئەو بیست و سێ سەڵەی ڕابردوو، بۆ مەسەلەی خاک و نەتەوەو ناسنامە، لەگەڵ ووڵاتانی دروسێ دانیشتبن، بەڵکو هەموو خواست و تەوەرە سەرەکیەکانیان، بۆ هێنانی کۆمپانیای سەقەت و ڕێدان بەکردنەوەی بنکەی سەربازی سیخوڕی تورکی و ئێرانی بووە.


مافیاو بازگانانی نەوت

ماوەیەکە سەرانی کورد، بۆ زیاتر فریودانی خەڵک و درێژەدان بەدەسەڵاتی شەیتان پەرستانەی خۆیان، دەیانەوێت ڕاستەوخۆ نەوت بنێرنە دەرەوە. بەئەنجامدانی ئەو کارەشیان وا نیشانی خەڵکی کوردستان دەدن، کەووڵات دەبێتە شامی شەریف. بۆ کەسێک کە فیکرو هۆشی نەبێت، ڕەنگە لای وابێت سیستەمی سۆشیال و جادەو ئۆتۆبان و کارخانە دێنە ئاراوە. ژەشێ لاتان وابێت سوپاو هێزەکانی ناوخۆ، یاسا و دادگاکان، کۆی ژیانی خەڵك بەگشتی سەد و هەشتا پلە دەگۆڕێت و چەشنی بەهەشت ژیان دەکەن. یان بەبەڕێکردنی نەوت، ئیدی خۆر لەسەرجامەدانەو چاویلکەی دوو سەرکردەکەی کوردەو هەڵدێ! هەموو ئەمانە خەیاڵ پڵاوییە لەسایەی ینک و پدکدا، چونکە جەستەی ئەو هەرێمە هێندە گەنیو داڕیزیوە کەلەدورەوە لێی دەڕوانی، تا دەستی لێبدەی زیاتر بۆنی گەنیویەکەی زۆرتر دەبێ و پارچەی ڕزیو لێ دەچۆڕێ. بەکوردی بەکورتی، نەوت راستەخۆ بەڕێبکەن یان نا، هیچ لەژیانی کوللە مەرگی هەژاران ناگۆڕێت، جگە لەزیاتر قەڵەو بوونی گیرفانی بەرپرسەکان و دروست بونی گروپ و باندی مافیایی زیاتری نەوت و دۆلار لەنێو سەرانی کورد. بەدرێژای بیست و سێ ساڵ، باج و سەرانە لەخاڵە سنوریەکان کۆدەکەنەوە، بەتایبەتی پدک لەسنوری ئیبرهیم خەلیل، دواتر لەماوەی دە ساڵی رابردوو لەسەدا حەڤدەی بودجەی عێڕاق بۆ سێ پارێزگای هەرێم، رادەستی ینک و پدک کراوە، دوای هەموو ئەو پارەیە، ئەگەر مانگێک بودجەی لەبەغداوە نەیەت، دینار قڕان دەبێت لەبانکەکانی هەرێم. تەنها خەرجی یەک مانگی پاسەوان و دارو دەستەکەی ئەو بەناو سەرۆکەی بنەماڵە، بەشی قوتی هەزاران لەو خەڵکەی لەبێ موچەیی قوڵپی گریانیان لەناخیاندا گیربووە دەکات. ئەو بەناوە سەرۆکە ئەگەر تەنها دڵۆپێک هەستی مرۆڤانەی لەناخدابوایە، ئەو سەفەرەی هەڵدەوەشاندەوەو لەجیاتی ئەو پارەیی لەسەفاو سەیرانەدا خەرجی دەکات، بدابایە ئەو ژن و پیرو کەمئەندامانەی بەگریانەوە لە تیڤیەکان دەردەکەون.
http://www.youtube.com/watch?v=bek0snWJ0xk



هەڵەبجە گوند بێ یان پارێزگا؟

چیرۆکیکی دیکەی فریودان و بەگژدایەکترکردنی شارو شارۆچکەکان ئەوەیە، گوایە هەڵەبجە دەکەن بەپارێزگا، بەمەش وایانکرد خەڵکی شارو شارۆچکەکان بکەن بەگژ یەکتردا بەم فریودانە. هەڵەبجە دەبوو هەرلەداوی ڕاپەرینەوە دەست لەکەلاوەو دارو بەردو شوێنەوارە وێرانکەی نەدرابایە، بەڵکو وەک شوێنەوارێکی مێژووی کارەساتبار، ئەو شارۆچکەیە ببوایە بەسیمبوڵی نەتەوەیی کورد. تالەسەرانسەری جیهانەوە خەڵکی جێ دەستی تاوان و پاشماوەی گازی کیمایی و وێرانەی بەعس و عەرەبیان، بەچاوی خۆیان بینیبا. دەبو هەڵەبجەیەکی نوێ لەجێگایەکی دیکەو لەوسنورە دروست بکرایە، وەک ئەو شارە تازانەی لەبیابەنەکانی ووڵاتی عەرەبی بنیات دەنرێن. دواتر خەڵکی لەژینگەو هەوایەکی تەندروست و پاکتردا ژاینیان بکردبایە. نەک وەک ئێستا ناوی گەورەو دێی وێران بێت. بۆمەگەر لەوهەولێرەی کەناوی پایتەختی گەشت و گوزاری لێنراوە، مێشکت بەبۆنی زێراب کاس نابێت؟ باشارو شارۆچکەکان، ژایانێکی شایستە بەمرۆڤی کوردیان تێدابێت، ئیدی ئەوە کەی کێشەیە، ناوی دەهێنن بەگوند، یان بەشار، قەزا یان پارێزگا.






هەڵبژێرن دەبڵ بارزانی

هەڵدەبژێری و هەڵنابژێری هەر مەسعودو نێچیر بارزانییە سەرۆک و سەرۆک وەزیر، ئیدی ئەوانی خوارتر دەبن بەکاسەلێس و گوێ لەمشت.




لەدواین فریودانی خەڵکدا بۆ هەڵبژاردنی پارلەمان، گوتیان شتێکی نوێمان داهێناوە بۆ ڕێگری لە ساختەکاری و فرت فێڵ، گوایە مۆری ئەلیکترۆنی بەکار دەهێنن، چ مۆرێک و چ ئامێرێک؟ ئەوەی ڕۆژیک شارەزایی هەبوبێت لەتەنها کۆمپیوتەری کەسیشدا، چاک دەزانێ ئەو ئامێرا هیج پەیوەندی نەبەبواری دەنگدانەوە هەبوو، نەڕێگری لەساختەکاری پێدەکرێ. دەنگدان بەڕیگای ئەلیکترۆنی چرکە بەچرکە ڕێژەی دانگدان و دەنگی لایەنەکان نیشاندەدات، وەک ئەوەی لەووڵاتان دەکرێت. هیچ پێوستی بەوە نیە بەسەیارەی سەربازی، سندوقەکان لەنێوان گەرەک و شارەکان بگوازرێنەوە. واتا کاتێک دەنگدەر دەنگ دەدات، ئۆتۆماتیکی سەیڤ دەبێت، ئەگەر هەمان کەس بیەوێت دەنگ بداتەوە، لەکاتی سکانکردنەدا سیتەمەکە قبوڵی ناکات.
بۆیە دەنگدان لەهەرێمی کوردستان نەک دێمۆکرسی تێدا بەدی ناکرێت، بەڵکو ڕووی سیستەمی دێمۆکراسی و هەڵبژاردنیش، ڕەش و ڕیسوا دەکات.