مەرگ لەپێناوی ئازادیدا ....كیژەكەی سەرجادە

Sunday, 11/09/2011, 12:00

مەرگ لەپێناوی ئازادیدا

شیعر ووتی : نەمفرۆشی

دەبێت وورگی خۆت هەڵگوشی

ووشە ووتی : نەمكەیت بەزێڕ

بۆسواغی تاجی پاشا

تا هەتایە ڕسوا دەژی

قەڵەم ووتی : نەمخەیتە گەڕ

بۆ بەرگری لە تەخت و تاج

تفەنگەكان ڕووت تێدەكەن

ژینیش ووتی : گەر مەراییت لەبیر بچێ

خۆشاوی مەرگت پێدەدەن.

دوای هەموویان ویژدان ووتی :

گەر ئازادیت لەبیر بچێ ،

لەپاش مەرگت بۆ مەزبەلەی مێژووت ئەبەن .
 

                      كیژەكەی سەرجادە
 

 
 شاعیرێ بەناوی كیژەكەی سەرجادە و
 
 خەڵكانی هەژار و بەشخوراو
 
 هۆن بە هۆن فرمێسكی تیمساحی ئەڕشت و
 
 ملوانكی نایابی پێرست و
 
 خستیە نێو گەردنی كیژێكی خواپێداو !
 
 لەولاوەش قرچە قرچ هەڵئەستا
 
 لە جەرگ و هەناوی كیژەكەی سەرجادەی
 
 هەژار و لێقەوماو .
 
 2009