داخی دڵ
Wednesday, 23/10/2013, 12:00
1569 بینراوە
كوردستان چیبكه‌م
وێنه‌ت زۆر كه‌مه
خاوه‌نت نیه ؟
یاخود بێخه‌مه
***
كانیاوی ساردی
بن به‌ردوو چیا
هه‌رگیز پێی ناگا
تاڤگه‌ی نیگارا
***
ڕه‌زی نێو هه‌ردت
بێستانی ده‌شتت
به‌هه‌شتی خوایه
گه‌ر بمابایه
****
میوه‌ی نازدارت
به‌رهه‌می دارت
واله‌بیر ده‌چێت
نه‌ما به‌هارت
***
قه‌زوان و گۆیژ
به‌رهه‌می كوردن
كه‌چی وا ئێستا
له‌بیرمان كردن
***
داره به‌ن ،مازوو
هه‌نجیرو ،به‌ڕوو
هه‌رمێ كێویله و
به‌ڵالوكو، توو
***
كه‌نگر و پیشۆك
كارگ ، هاله‌كۆك
دومه‌ڵان ، كاردوو
بۆخواردن زۆر كۆك
***
هه‌ر باسی ناكرێت
ڕێواسی قه‌ندیل
ده‌ستت ناكه‌وێ
مه‌گه‌ر وه‌‌به‌ر‌تیل
***
چه‌ند جۆری هه‌یه
ترێی كوێستانت
یان سێوه سووره‌ی
نێو باخه‌كانت
***
قوڕاڵه‌ی پێده‌شت
ناو كانیاوت
كوزه‌ڵه‌ی نازدار
له‌بیر كراوت
***
شمشاڵی شوانی
بێناز شكاوت
باڕه‌ی كارو به‌رخ
له‌كۆز كراوت
***
كه‌پری دامه‌زراو
له‌داری به‌ڕوو
تازه بۆ ئێمه
چووه ناو مێژوو
***
به‌رهه‌می شیرت
ماست و په‌نیرت
مه‌شكۆله دۆی سارد
چۆن چوو له بیرت
***
كه‌لانه‌ی به‌هار
به ڕۆنی كوردی
له‌به‌ر سێبه‌ری
چنار یاخود بی
***
كیژۆله‌ی ناسك
به‌رگی كوردی پۆش
ووشكه ێۆفیان
ئه‌هێنایه جۆش
***
مامه‌ی ریش سپی
به‌شێواز دانا
له‌گه‌ڵ داپیره‌ی
به‌فه‌ڕ وه‌ك زانا
***
راییان ده‌كرد
كاری ئاوایی
پووره هه‌نگ ئاسا
هه‌ربه سانایی
***
له پاش ئه‌مانه
مرۆڤت ئه‌دی
سینه ێاف هه‌روه‌ك
ئاوینه‌ی خۆدی
***
هه‌موو لێك ڕازی
خواش له‌وان رازی
بۆیه سه‌د خۆزگه
به‌وان ئه‌خوازی
