روحى ئەنفالكراوەكان ئاسودە بكەین

Friday, 15/04/2011, 12:00

ئەو تاوانەى بەعس دەرهەق لە خەلكی كوردستان كردى بى وینە بوو لە میژودا ، هەر لە راگواستن و سەركوتكردن و كوشتن و بڕین و لەناوبردنى فەیلی و بارزانیەكانیش تا لوتكەى تاوانی ئەنفال و كیمابارانی هەلەبجە و ناوچەكانی تر . كە تا مروڤایەتی مابیت یەكیك لە تراژیدیایە دەستكردەكانی فاشیستەكانە كە لەبیر ناچیت . ئیستا تەنها یادكردنەوە و گریان كافى نیە ، راستە دەبیت سالالە بە رەمزى یاد بكریتەوە و هەمیشە لە ویژدان و بیرماندا بیت و وریا بین جاریكی تر رونەداتەوە ، بەلام دەبیت كومەلیك كار ئەنجام بدریت و چەند مەبەست لەبەرچاوبگیریت تا گیانی بیتاوان و پاكی ئەنفال كراوەكان ئاسودە بیت و پاشماوەى قوربانیان وقرەیەكیان بیتەوە و هیندیك دلیان ئیسراحەت بیت .
دەبیت هەول بدریت بۆ بە جینوساید ناساندنی ئەنفال و كیمیابارنەكان لە سەر ئاسی جیهانی بە رەسمی . -كردنى 14 / بە روژى بەرەنگاربونەوەى جینوساید و تاوانە مرویە بە كومەڵەكان لە جیهاندا . - دامەزراندنى سەنتەریكی ستراتیژى لیكولینەوەى ئەنفال (كە هەر لە كاتەى سەرپەرشتی یەكەم كوژارى ئەنفالم دەكرد لە 2000 تا ئیستا داواى دەكەین و كەس بە پیریەوە نایەت ...) . _ قەرەبوى مادى و مەعنەوەى پاشماوەكانی ئەنفال لە لاەن حكومەتی عیراقەوە و چارەسەركدنى هەموو كیشە مادى و مەعنەویەكانیان .
روحی ئەنفالكراوەكان بەوە ئاسودە دەبیت كە خەلكى كوردستان ئازاد بیت و لە سایەى دیموكراسیدا بژیت ، پیداویستیە بنەرەتیەكانی هاوولاتیان دابین بكریت ، مروڤەكان سەرفراز و سەربەرز بن ، جیاوازى ئابورى و كومەلایەتی قول لە نیوان خەلكدا نەبیت و بە زەقى دیار نەبیت ، مروڤدوستی و خوشەویستی بەرقەرار بیت ، دەرفەتی یەكسان بو هەموان فەراهەم بكریت ، بە ویژدانەوە كار بكریت و خزمەت بە هاوولاتیان بكریت ، ناكوكیەكان بە ئاشتیخوازانە و دوستایەتی و دیالوك و دور لە ەپاندەن و توندوتیژى و رادیكالیزم و فشار و خوینرشتن و زەبروزەنگ و چەك چارەسەربكریت ، با زورینەى گەل ئیرادەى جیگیر بیت و ریز لە وویستی زوربەى هاوولاتیان و راى گشتی بگیریت و پەیرەوى داواى رەوا و یاسایی جەماوەر بكریت و جیبەجێ بكریت ، ئاوڕ لە كەسووكارى ئەنفال و كیمیاباران بكریتەوە و ناوژەكانیان ئاوەدان و جواب بكریت ، گەندەلى بنەبرَ بكریت و بازرگانى بە خوینی شەهیدان نەكریت ، ئیمتیاز و دەستكەوت و سامانی نا مەشورع و نایاسایی ریگا نەدریت و بسەندریتەوە و ئەوانەى كردویانە روبەروى یاسا و راپیچى دادگا بكرین ، گیرفانەكان هیندیك بچوكتر بكرینەوە و چاوچنوكی دەسترویشتوو و كاربەدەست و بازرگانی جونگ كەم بكات . ئەوانەى خوینیان رشتوە لە كى و چ رەنگیك و چ لایەنیكن رادەستی یاسا بكرین . ئیدارەى ولات رادەستی خەلكانى شارەزا و دلسوز و بە ئەزمون و بەهیز و خاوەن كەسایەتی خوشەویست و سادە و مروڤدوست و بە توانا و خاوەن رابردوو بكریت ، دەرفەتى كار بو هەمووان فەراهەم بكریت ، ریگا وبان و كیشەی سوتەمەنى و ووزە و نیشەجیبون چارەسەرى زانستیانە و گونجاو و بنەڕەتی بكریت .
حكومەت بگورێت و لە یەكیك بو یەكیك یان لە حیزبیك بو یەك یان چەند حیزبی تر و بارەكە هەر وا بیت و شیوەى كاركردن و بەرنامە هەر وەك ئیستا بیت و عەقلیەتەكان هەر ئەمانە بن كە دەیانبینین لە دەسەلات بن یان ئوپوزسیونەكان لە بیرى تەنگوچەلەماوى بە خەلك چی ؟ خوپیشاندان بكریت و لایەنەكان بەكارى بهینن بو بازدانە دەسەلات بەو عەقلیەتە كونانەوە چ گۆڕانكاریەكە ؟ سیاسەتمەداریك بروات و من كار بكەم بو ئەوەى ئوى تر كە تموحى دەسەلاتی هەیە لە سەر حیساب جەماوەر ، چ سودیكی بو جەماوەر هەیە . با داوبنەرەتیەكانى خەلك دابین بكریت ، با هەولى خوشگوزەرانی خەلك بدریت ـ سودى من چیە گەر ئەم بیت یان ئەو رەنگ كە داواكان جیبەجی نەكریت و یارى لە گەل جەماوەر بكریت ، فشار با بو ئەنجامدانی كارى عەمەلى بیت و سوربوون لە سەر ئەوە بیت و كی بیكات ئەوە قەبول بیت ، بەوەش گیانی ئەنفالەكانیش هیندیك ئەقرە بە خویانەوە دەگرن .
با ئەوانەى خویان بە دلسوزى ئەم گەل و نیشتمانە دەزانن فرمیسكی تیمساح نەریژن ، لە خویان ببورن و كار بو خەلك بكەن و بە ویستی جەماوەر بجولینەوە و داوا گشتیەكان جیبەجیبكەن .