دەڵێم نا

Wednesday, 12/11/2014, 12:00

لە پشت پەنجەرەی

پیتەکانتدا، ڕادەوستم

به‌ئومێده‌وه‌ لێت دەڕوانم و

چیدی نامەوێت،

(نا) لەگەڵ تۆدا بکەم بە وشە و هاوڕێ،

(نا) لەگەڵ ئومێدم بنووسمەوە

ناااااا

ئیتر من بە تۆ و (نا) ی

پێشتی ئومێدەکانم دەڵێم و

دەنووسم نااااااااااااا

ڕادەوستم و بە هەموو

(نا)ییەکان دەڵێم نااااااااا

دووگمەی هەموو (نا)ییەکان

لە کراسی ماتی ژیانمدا دەترازێنم و

یەخەی هەموو (نا)ییەکان دادەدڕینم

فستانی یاخیم

دەکەمەوە بەری هەبوونم و

بە هەموو (نا)ییەکانی دونیا

دەڵێم نااااااا.




ڕانیه‌