هەڵۆ ئیبراهیم ئەحمەد: بەرهەم ساڵەح چەند جار دزى ئازاد كردووە و پلەكەى بەرزتر كردووەتەوە

Sunday, 05/07/2009, 12:00

ئێوارەى ئەمڕۆ دكتۆر هەڵۆ ئیبراهیم ئەحمەد سەرۆكى لیستى پێشكەوتن و كاندید بۆ سەرۆكى هەرێمى كوردستان لە ئێوارە كۆڕێكدا لەگەڵ خەڵكى هەڵەبجە بانگەشەى بۆ خۆى دەكرد.
لەوەڵامى پرسیارێكدا سەبارەت بە هۆكارى دەست لەكاركێشانەوەى لە پۆستى یاریدەدەرى مام جلال سەرۆكى هەرێمى ئەو كاتى سلێمانى دكتۆر هەڵۆ گووتى:من بێتاقەت بووم چەندینجار كەسمان لەسەر دزى دەگرت و ئئیجرائاتمان دەكر بەڵام دكتۆر بەرهەم ئەحمەد ساڵەح ئازادى دەكرد و پلەكەى بەرزتر دەكردەوە,نمونەش زۆرن یەكێك لەوانە عادل كریم كە وەكیل وەزیرى پیشەسازى و وزەبوو لە سلێمانى لەسەر دزى و گەندەڵى هەوڵى لابردنمان دا كەچى دكتۆر بەرهەم كردى بەوەزیر و ئێستاش بە پلەى جێگیرى وەزیرى كارەبا لە بەغداد و لەسەر حسابى كورد,نموونەى تر زۆرن لەوانە زیندانیكردنى ئاسۆ ئیسماعیل ,كێ دەزانێت دۆسیەكەى چى بەسەر هات ؟ئەو هەڕەشەى كردبوو ئەگەر وازى لێ نەهێنن ناوى ئەو بەرپرسە پلە بەرزانە ئاشكرا بكات كەلە گەڵیدا شەریكن.....
-هەڵەبجەى شەهید
[email protected]