ئەنتەرناسیۆنالی کۆمەڵەی رەنجدەران و پڕۆفشنالی میدیای ئەهلی! (بەشی یەکەم)

Wednesday, 30/05/2012, 12:00

ماوەیەک لەمەوبەر هەندێ ڕەخنەم لەسەر میدیای ئەهلی و ئۆپۆزسیۆن نووسی، یەکێک لەخاڵەکان، زاڵبونی سلێمانچێتی بوو بەسەر میدیای ئەهلیی. ئەم جارە تەنیا لەسەر ئەو خاڵە دەوەستمەوە، چونکە خاڵیکی سەرنج راکێشە، دەبێت دەستی بۆ ببەین، ، بەڵام دەبێت وریاش بین، ئەگەر ئاگامان لێی نەبێت، لە رەخنە وە بەرەو ململانێی قێزەوەن دەڕوات.
کۆمەڵەی رەنجدەران بەهەموو کەم وکوری و هەڵەیەکیەوە، دەنگێکی نوێی گەنجانەی شۆڕشگێر بوو، لە دژی عەقلی کلاسیکی بەرپرسە حزبییە کانی کورد، چونکە بووە قوتابخانەیەک لە داهێنانی شۆڕشگیریی و پێگەیاندنی نەوەیەکی ڕۆشنبیر، ، بەڵام ئەم ڕێکخراو بەکۆمەڵێک نەخۆشییەوە دەیناڵاند ئەویش شارچێتی کە سلێمانی پلەی یەکەمی داگیرکردبوو دواتر هەولێری، خانەقینی.... دەیناڵاند وەک هاوڕێیەکم بۆی باسکردم لەگفتوگۆ و پەروەردەکان باس باسی ئینتەرناسیۆنالی بوو ، بەڵام لەپراکتیدا یان دوای تەواوبونی خوێندنەوە ئەدەبیات و سیمنارەکان دەبووە شەڕە گەڕەک و شارچێتی. ئەم نەخۆشیە کوشندەیە زوو پێشی نەگیرا، بۆیە بووە هۆکاری سەدان کێشە و ململانێی کەپێم وایە دوای هەلوەشانەوەی ئەو ڕێکخراوەش کەچی دەردەکەی هەرلەناو یەکێتی ماوەتەوە. بۆیە میدیای ئەهلیش، هاوشیوەی کۆمەلەی رەنجدەران ئەگەر لایەنی پۆزەتیفی هەبێت، بەڵام زۆر لایەنی نێگەتیفیشی هەیە، کەیەکێک لەمانە شارچێتی سلێمانی بونیتی.

لێرەدا تەنیا دوو نمونەی زەقی ئەم چەند ڕۆژە لەسەر منیبەرەکانی راگەیاندنی ئەهلی و ئۆپزسیۆن باس دەکەم تاخوێنەرانیش لەهزریان ماوە، کە چ جیاوازیەکی گەورە لەنیوان مامەلەکردنەکان دا هەیە
١/ پەیکەرەکەی میرە و لەقلەقەکەی هەولێر
٢/ کۆرەکانی پەشێو وپەرتوکەکەی بەختیار عەلی
بەرلەوەی بچینە ناو ئەو دوو خاڵە و بە پێوستی دەزانم بڵێم
١/ ناکرێت هەموو میدیاکانی ئەهلی لەرۆژنامە و مالپەر و کەنالەکانی وەک KNN, NRT، وەک یەک چاو سەیر بکەین هەلسەنگاندنی هەمویان بەیەک ئاست بێویژدانە، بەڵام لە کۆشیان کاریگەری ئەو مامەلەیان بەڕیژەی جیا تیایە.
٢/ ناکرێت ڕۆڵی پێشەنگانەی ڕۆشنبیری، شاری سلیمانی لە پێش هەموو شارەکانی تر باس نەکەین. لەتەک سەرهەڵدانی چەندین قەڵەم و دەنگی جوان، کە زۆرینەی دەنگەکانی میدیای ئەهلیش لەم شارەوە سەرچاوەی گرتووە، یان ئەو هەموو شیوە ناڕەزایەتیەی ڕۆشنبیران و هاتنە سەرشەقامی بەشێک دووبارەی دەکەمەوە بەشێك لە ڕۆژنامەنووس و ڕۆشنبیرانی. پێچەوانەی ڕۆشنبیرانی هەولێر، کە زۆرینەیان، دابەستی حیزب و نمونەی کەسایەتییەکی تێکشکاو و فاسیدن، یان بەس خوێنەری پەرتوک و نووسینی بابەتن، بێ ئەوەی بۆ ئازاری گەلەکەیان چونە سەرشەقامێک یان کەمپینێک ساز بکەن !؟، دیارە ئەو جۆرە ڕۆشنبیرانە پەشیو گوتەنی (ڕۆشنبیری فشن بیرن)، کە لە هەموو شارەکان بوونیان هەیە، بەڵام ڕێژەکەی هەولێر لە چاو سلێمانی چەند بەرابەرە!هاوکات ئەو دەنگە گەنجانەی لەهەولێر خۆیان نەدۆراندوە و شتی جوان دەلێن کەمینەن، بەڵام ئەوکەمینەیەش لەناو ململانیی نێو خۆی دەناڵێنێ لەتەک خۆبەزلزانی ونەخوێندنەوەی بەرامبەری لە کاتێکدا هەموویان سەرەتای دەرکەوتنیانە هەڵەیەک بکەن بەیەک بابەت دەکەون و ئازارێکی گەورەی یەک شاریان لە ملە، لەکاتێکدا ئەگەر مرۆڤ، هەردوکی (قسە و شەقام) بەیەکەوە نەکرد ناراستگۆ لەگەڵ ووتەکانی دەردەچێت، ئەم نەخۆشیە (خۆدەرخستن و بەزلزانین، دور لەچونە سەر شەقام) لەناو هەموو شارەکان هەیە، کە لەم خاڵەوە نوخبەکانی سلێمانی لە نەچوونە سەرشەقام و نارەزایەتییەکان یەکەمن! دەسالە لەوئەورپایەم گوێم لێ نەبووە یان لەستۆکهۆلم نەمبینووە یەکێک لەوانەی خۆی پێ'' زلە ڕۆشنبیرە'' ىیتە خۆپیشاندان و مانگرتنێکەوە؟ تەنیا لەمالەوە دەقیرێین و دەنوسن و لەتەلەفزیۆن و کۆمیوتەرەکانەوە، سەیری ئەو خەڵکە دەکەن کە قوربانی لە کارو چالاکی لە ئەوروپا بۆ شەهیدبوونی لە کوردستانەوە دەدات. دیارە کە لەم سالانەی لەکوردستانیش بووم هەمان نەخۆشیم هەست پێدەکرد. لەکاتیکدا من ناتوانم نووسین و قسەی کەسێک گوێ بگرم یان بخوێنمەوە کە درۆزن بێت یان ئەوەندە خۆی خۆش بوێت و وابزانێ بەهاتنە سەر شەقام و بەشداریکردنی، هەیبەتی دێتە خوارەوە ئەگەر ٢٠ کەسی لێ بوو!.
٣ ئەوەی واشی کردوە سلیمانی لەبواری ڕۆشنبیری لەپێش شارەکانی تر بکەوێت، گەرچی ئەمە لێکۆلینەوەی زانستی دەویت ، بەڵام هۆکاری سەرەکی مێژوویی، سلێمانی شارێکە تەمەنی ٢٢٦ سالە، لەوتەمەنەیدا، میرنشینی بابان و دەولەتی کوردستان (شێخ مەحمودی) لێهاتۆتە ئاراوە، کەبونی دەولەت و میرنیشینینش تەکان بە بواری پێشکەوتنی ئابوری وسیاسی و ڕۆشنبیری دەدات پێچەوانەی هەولێر هەزاران ساڵە قوربانی شەرە، بەرادەیەک چەندین شەڕی نیوداری جیهانی لێ بەرپاکراوە، ئەمە جگە لە شەری ناو خۆ کەلوتکەکەی ٣١ی ئاب بوو، شەریش واتا مالوێرانکاری و دواکەوتویی. ئەمەش نەک لەسەر شار بەلکو هەموو ئەووولاتانەی کەروبەروی شەر بونەتەوە بەدەگمەنیان نەبێت لەهەموو بوارێک داهێنان و ڕۆشنبیریان لاوازە.
٤/ حوکمی پارتی ویەکێتی. ئەم دو و پارتە لەهەندێ خالی ستراتیژی، هەولێر گوتەنی (عەلۆ و جەلۆن، یان بیبیسی کۆلا و کۆلا بیبسین) ، بەڵام لەهەندێ خالیش ناکرێت دان بەو راستیە نەنێن جیاوازن. کە بەردەوام پارتی گەیشتبێتە هەرناوچەیەک و دەسەلاتی لی وەرگرتبێت، لەخەباتی جەماوەری دایبریوە، سیمای سەرکوت بۆتە تاکە وەلامی دەنگە رەخنەگرەکانی. کەئەمە لای دەڤەری سەوز جیاوازترە. بۆیە ئەگەر شێوەی حوکم رانەکان، پێچەوانە بێتەوە، دلنیام هاوکێشەی خەباتی جەماوەریش پارسەنگەکانی دەگۆڕێت، باشترین نمونەش تا ٣١ی ئاب کەهەردو پارت لەهەولێربوون زۆرینەی خەباتە سەرەکیەکان لەهەولێر دەستی پێکردوە، وەک یەکەم خۆپیشاندان دژ بەبەبەرەی کوردستانی، یەکەم قوربانی شەهیدبوون، زیندانی سیاسی، ئەشکەنجە، تیرۆری سیاسی، ریسواکردنی دەسەڵاتی کوردی لای ناوەندە جیهانیەکان و کۆر و وسیمناری گرنگ...کە لەبابەتی تر دێینە سەری و بە بەڵگەو بەروارەوە باسی دەکەین. ئەمە جگە لەوەی لەهەندران بەهۆی ئەوەی یەک سیستەم هەیە (دیموکراتی) ئاستی بوێری و خەباتی جەماوەری هەمووکەسایەتیەکانی شارەکان وەک یەکە. بۆیە کێشەکە سیستەمەکەیە، کە دڵنیام پارتی دەسەڵاتی ستۆکهۆلمیشی لەبەردەستدا بێت، دەیکاتە هەولێر و بادینان.
ئەمە سیمایەکی لە٢٢ سالی رابردووی پارتی بووە، نەدژایەتی نەقینە، دەیان وسەدان کاروچالاکی لەنێوان ئەو دوو دەڤەرە راستی ووتەکانمان دیاردەخات، بەکورتی دەتوانین بڵێین یەکێتی باشتر نیە لەپارتی بەلکوو پارتی دەسەلاتەکەی دیکتاتۆریانەترە لەیەکێتی