تکایه‌ مەلا بەختیار، درۆ مەكە

Thursday, 21/05/2009, 12:00

1851 بینراوە

پێموایە كە ناوی كۆمپانیای (سامسۆنی) كۆریایت بیستووە ڕەنگە هەندی ئامیریشت لە ماڵەوە هەبێ هی ئەو كۆمپانیایە بێت. لەبەر ئەوەی لقی سەرەكی ئەوروپای ئەو كۆمپانیە لە فڕانكفۆڕتە. سەرۆكی ئەو كۆمپانیایە (كون هی لی) كەسەردانی فڕانكفۆرتی كرد. لە كۆڕیكدا ئەم ووتەی ووت:
هیچ كەسێك ناتوانی درۆ لە تەك كەسیكی تردا بكات. ئەگەر پیشكات درۆی لە تەك خۆیدا نەكردبێ.. لە لایەكی ترەوە دەڵی هیچ درامایەكی سەیر نییە بیجگە لە درامای خۆهەڵخەڵتاندن سەیرتر .+1
ڕاستە سیاسەت بەشێكی درۆیە یانی (تاكتیكە) لێ تاكتیكیش چەند جۆری هەیە لێرەدا گەركم نییە قوڵبمەوە تیدا. ئەوەی مەبەستمە ئەوەیە سەرنجی درۆكانی ئێوە بدەم لەم ساتەدا كە زیڕەتان لە دەنگی ئۆپۆزیسوین چووە. ئازیزم چۆن زەمەن دەگۆڕی ئاواش فیگۆرە سەقەتەكانی گۆڕەپانی سیاسەتیش دەگۆڕین، ئێوە جەلالییەكان لە هەركۆمەڵگایەكی تەندروستیداربوو نایە زۆر دەمێكبوو بووبوون بە ئەرشیفیكی وێڵكراوی بێكەڵك. هەموو ئەرشیفیك جوانە لێ ئەو ئەرشیفەی خزمەت بە سبەینی نەكات ئەرشیفیكی ویڵكراوە .
بڕواناكەم لەم دونیادە سیاسییەك هەبێ هێندەی تۆ وشەی دیموكراسی بەكاربهینێ.
بڕواناكەم لە گشت دونیای ئیسلامیدا سیاسییەك هەبێ هێندەی جەلال دەستبیح هەڵبسوڕێنێ. بڕواناكەم هیچ سەرۆكی هیندەی مەسعود درۆ بكات دونیای سیاسەتی كوردی زۆر عنتیكەیە.
چاپیكەوتنكەتم لە ئاوینەدا خویندەوە هیچ ڕستەیه‌كی نۆی هزریكی نۆی و وشەیه‌كی نۆی تیدا نەبوو شایەنی ڕافەكردنبێت. تەنیا ئەوەی زۆرپیكەنیناوی بوو. ئەم ڕستەیە بوو(پارەی پیش هەڵبژاردن) من چەند ساڵە لە ئەوروپا دەژیم چەند جاریك هاوبەشی و چاودیری هەڵبژاردنی ووڵاتانی ئەوروپام كردووە لە هیچ شوێنێك ئەم ڕستە نۆی سیاسیەی(پاری پێش هەڵبژاردن)ی بەڕێزتانم نەبیستوە. دەكرێ ئەمەنۆیترین مۆدیلی هەلبژاردن بیت پیویستە لە دوای ئێوەوە دونیا پیادەی بكات. ئەو ڕستەی تۆ یانی بەرتیلی هەڵبژاردن. لەخشتەبردنی كەسێك بەهەر هۆیەكە ولە هەركات ودۆزێكدا بیت بەپێ یاسا قەدەغەیە. بەرتیل لەهەڵبژاردندا یانی(تزویر...ساختەكاری) ساختەكاری یانی دیكتاتۆریت و زوڵم وپیسی لە مافی كەسانی تر یانی پیلیژكردنی مافی دەنگدان بەئازادی. جاران چەكی دەستان بۆنەهیشتنی دەنگی ئۆپۆزیسوین كڵاشنكۆف وتیرۆری بوو.ئیستا نان بڕین وبەرتیل. لە كۆمەڵگای دیموكراسی و یاسادا ولەكاتی هەڵبژاردندا هەرپارتەی بڕی پارەی بۆتەرخاندەكری بۆ پڕوپاگەندەی هەڵبژاردن.هەڵبژاردنیش لە ژیر چاودیری ریكخراوی
OSZE) die Organisation fr Sicherheit und Zusammenarbeit in Europa)
دەكرێت بۆهیچ پارتیك نیە بەئارەزووی خۆی چنگ بخاتە پارەی دەوڵەتەوە دەنگی خەڵكی پێبكڕێت. ئەو30میلوین دۆلارەی مانگانە دەرژیتە گیرفانی ئێوە. گەورەترین پلیشكاری هەڵبژاردنەئێوە بازی بەنان و پاشەڕۆژی گەلیكی داماوەدەكەن. سیستەمی ئێوەچونكە لەرحمی سیستەمی شاخدا پەروەردەبووە. دەبێ بەئەدمۆسفیری ئازادی وهەڵبژاردن هێڵنجتان بێت. ئەزیزم ئێوەزەمەنتان گوزەشت. ئێوە بە ئاوزانی كۆمەڵكای دیموكراسی نامۆن. ئەوەی ئێوەی هێشتۆتەوە دوو شتە. ناهوشیاری كۆمەڵگا و سەفتە دۆلارەكانتان .
تەمەنی پڕۆژەكانی دوای هەڵبژاردن كە پیتالیزمۆز بەبێ سیاسەتی لیبریالی دەژی. لێ بەبێ كۆلتورێكی لیبریالی زۆر زەحمەتە گەشەبكات.+ ئاواش كۆمەڵگای مۆدێڕن بە ئاوزانی كەسانێكی بێ كۆلتور و هوشیاری لیبریالی زۆر زەحمەتە دروستبێ.2
لە ڕیكڵامەكانتاندا زۆرباسی پڕۆژە دەكەن. زۆربەڵینی پڕۆژەدەن. گەر سەرنج بدەینە ئەوە هەموو پارەی لەماوەی 18 ساڵداڕژاوەتە ئەو سێ شارەی ئێوە سەقتانكردوە. ئەوە بەدڵنیایەوە نەك چەند ریزخانوو قوتابخانە وولاتیكی پێئاوادان دەكرایەوە. باشەقامی شارەكانمان گشتی مەڕمەڕ و كۆشكی ئێوەی سیاسی بەخشتی ئاڵتۆن دروستكرتابێت. باژمارەی تەلەفزوینەكانتان هیندەی ژمارەی دانیشتوانی باشوری كوردستان بێت. باژمارەی ملیاردەرە كوردەكان هیندەی ژمارەی داربەڕووەكانی كوردستان بێت. بێ شەرمی ئێوەی لەوەدایە كوا (پڕۆژەی نەتەوەی)؟ كۆا سنووری ناوچەی فیدریاڵی؟ كۆا هەڵویستان بەرامبەر بە سوكایەتی (حدبا)؟ كۆا هەڵویستان لە كوشتنی مادەی140و سوكایەتی بەگشت كورد؟ كواهەڵویستی مۆشەخۆرە پەرلەمانە كوردەكانی بەغداد بەرامبەر بەسەرەڕەوێكەكانی مالكی؟ كواخویندنەوەیكی نەتەوەی بۆ پڕۆژە پتڕۆڵییەكانی باشوری كوردستان و سوكایەتیەكانی شهرستانی؟ ئەزیزم ئێوە لە سیاستی ئەم سەردەمدا زۆر لەدواوەن.

دیموكراسییەكەی بەڕێزتان
ماوەیەك لەمەوبەر داوات لە كاك نەوشیرەوان كرد پیكەوە لە تەلەفزویندا ڕووبەڕووی یەك دابنیشتن و گفتوگۆ لەمەڕ گرفتەكان بەكەن. ئەوساش و ئیستاش من ئەو بۆچوونەی تۆم بەڕاست زانی. كاك نەوشیرەوان پەسەندی نەكرد ئەوە پەیوەندی بەو بەریزەوە هەیە. ئەی مانگی ئۆكتۆبەری 2008 لەفڕانكفۆڕت بەگەواهی مامۆستای بەڕێزم دكتورجمال نەبەز و چەند كەسانێكی بەڕێزی تر من داوام لیكردی لە سەر حسابی خۆم ستودیو و كامیرمان دەگرم و بەئامادەی هەركەسێك تۆ پێت باشە باڕو بەڕووی یەك دابنیشین و لەمەڕ گرفتەكان بدوین بۆ نەتویرا ئامادەبێ.؟



من دەزانم بۆ چونكە دەتزانی لە كاتی توڕەبووندا كونتڕڵت جەمام دەبێت زلەیەكم لێدەدەی وەك ئەو زللەی لە نیوكۆریكی پڕحەشامەتدا لە گەنجیكی شاری(سلیمانی)تدالەبەر ئەوەی پرسیاریكی لێكردی. بێگومان زللەیەك لە ئەڵمانیا سزای لەسەرە بۆ ئێوەی جەلالی دەبوو بە كارەسات. لەكۆڕەكەی فڕانكفۆڕت واتدەزانی لە شەدەڵە بەرامبەر بە كۆمەڵی لادیی نەخویندەوار دانیشتویت قسەتدەكرد مۆڵەتت بە كەس نەدا. تامن دەستمبەرزكردەوە قسەكانتم پێكورتكردیتەوە. ئێوە نەبوون بە پۆلیسی ئەڵمانیتان ووتبوو ڕێگە نەدەن من بیمە كۆڕەكەتەوە. تابە زوری خۆم وەك ڕۆژنامەنووسیكی ئەڵمانی هاتم. لە بەرچاوی خۆت هاوڕێكەت (فرهاد پیرباڵ) لە هۆڵەكە دەرینەكردم؟
ئێوە بەم ئاوزانە ڕۆژهەڵاتییە تورتەوە چۆن دەتوانن سەرچۆپی زەماوەندی هەڵبژاردن وگۆڕان بگرن؟

فەلسەفەی هەڵبژاردن.
ئەو بەڕیزانەی ئامادەن بە لیستی جیاواز جەربەزانە بینە گۆڕەپانی هەڵبژاردنەوە دژی دەسەڵاتی مافیای دوو خێزان ئەگەر یەك دەنگیش نەهێنن سەركەوتوون، چونكە بەو هەڵویستەیان دەقیژینن ئێوە شایەنی دەسەڵات نین، چونكە 18 ساڵ درۆ و دزیی لە هەژارانی كورد دەكەن. ناتوانن نەوی نۆی بگەینە ئەو ئاستەی بڵی ئایندەم لە ساییەی دوو خیزانی مافیادا ڕووناك دەبێت. لە ڕاستیدا ئێوە تەواو. ڕاستیش تەنیا كاتی دەوێ.. ئێمەش چاوەڕوانی كاتین.

+ 1= گونتر فورتیلە ... ادراة تحدیات المتسقبل... جدول أعمال سیاسی واقتصادی للقرن 21
+2= Robert KaganDie Demokratie und Iher feinde

سان پیترسبۆڕگ
21=05=2009
[email protected]